1 ಲಕ್ಷ ಆಮ್ಲಜನಕ ಕಾನ್ಸ್​​ನ್​ಟ್ರೇಟರ್​ಗಳನ್ನು ಸಂಗ್ರಹಿಸಲು ಒಎನ್‌ಜಿಸಿ ಆದೇಶ

ಈ ಸಾಂದ್ರಕಗಳನ್ನು ಸಂಗ್ರಹಿಸುವ ವೆಚ್ಚವನ್ನು ಭಾರತ ಸರ್ಕಾರ ಭರಿಸಲಿದೆ. ಅಲ್ಪಾವಧಿಯಲ್ಲಿಯೇ, ಒಎನ್‌ಜಿಸಿ 34,673 ಆಕ್ಸಿಜನ್ ಕಾನ್ಸ್​​ನ್​ಟ್ರೇಟರ್‌ಗಳಿಗೆ ಸಾಗರೋತ್ತರ ಮಾರಾಟಗಾರರಿಗೆ ತಕ್ಷಣದ ಪೂರೈಕೆಗಾಗಿ ಆದೇಶಗಳನ್ನು ನೀಡಿತು..

ನವದೆಹಲಿ : ರೋಗಿಗಳಿಗೆ ಆಮ್ಲಜನಕದ ಕೊರತೆ ಎದುರಾದ ಹಿನ್ನೆಲೆ ತೈಲ ಮತ್ತು ನೈಸರ್ಗಿಕ ಅನಿಲ ನಿಗಮ (ಒಎನ್‌ಜಿಸಿ) ಒಂದು ಲಕ್ಷ ಆಮ್ಲಜನಕ ಸಾಂದ್ರಕಗಳನ್ನು ಸಂಗ್ರಹಿಸುವುದಾಗಿ ಹೇಳಿದೆ.

ಕೋವಿಡ್​ನ 2 ನೇ ಅಲೆಯಲ್ಲಿ ಭಾರತದಲ್ಲಿ ಆಮ್ಲಜನಕದ ಕೊರತೆಯನ್ನು ಎದುರಿಸಲು ಭಾರತದ ಸರ್ಕಾರದ ಪರವಾಗಿ, ಆಯಿಲ್ ಅಂಡ್ ನ್ಯಾಚುರಲ್ ಗ್ಯಾಸ್ ಕಾರ್ಪೊರೇಶನ್​​ಗೆ 1 ಲಕ್ಷ ಆಮ್ಲಜನಕ ಕಾನ್ಸ್​​ನ್​ಟ್ರೇಟರ್​ಗಳನ್ನು ಸಂಗ್ರಹಿಸುವ ಜವಾಬ್ದಾರಿಯನ್ನು ನೀಡಲಾಗಿದೆ ಎಂದು ಒಎನ್‌ಜಿಸಿ ಟ್ವೀಟ್ ಮಾಡಿದೆ.