ಗುವಾಹಟಿ : ಕಾಜಿರಂಗಾ ರಾಷ್ಟ್ರೀಯ ಉದ್ಯಾನ ಮತ್ತು ಹುಲಿ ಮೀಸಲು ಪ್ರದೇಶದಲ್ಲಿ ನಡೆದ ಗುಂಡಿನ ದಾಳಿಯಲ್ಲಿ ರಾಯಲ್ ಬಂಗಾಳದ ಹುಲಿ ಸಾವನ್ನಪ್ಪಿದೆ. ಸತ್ತ ಹುಲಿಯ ಮರಣೋತ್ತರ ಪರೀಕ್ಷೆಯಲ್ಲಿ ಶ್ವಾಸಕೋಶ ಮತ್ತು ಹೃದಯದಲ್ಲಿ ಗುಂಡು ಪತ್ತೆಯಾಗಿದೆ ಎಂದು ತಿಳಿದು ಬಂದಿದೆ.
ಇನ್ನು, ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ನಡೆಸಿದ ಘಟನೆಯ ತನಿಖೆಯಲ್ಲಿ ಗುಂಡಿನ ದಾಳಿ ಅನಗತ್ಯವಾಗಿ ನಡೆದಿದೆ ಎಂದು ಕಾಜಿರಂಗಾ ರಾಷ್ಟ್ರೀಯ ಉದ್ಯಾನವನದ ಅಧಿಕಾರಿಗಳು ಭಾನುವಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಭೆರೋನಿ ಕ್ಯಾಂಪ್ನ ಸಿಬ್ಬಂದಿ ಜೂನ್ 18ರಂದು ಹುಲಿ ರಾಷ್ಟ್ರೀಯ ಉದ್ಯಾನದ ಕೊಹೊರಾ ಶ್ರೇಣಿಯ ಜಪೋರಿಪೋಥರ್ ಬಳಿ ಹುಲಿಯ ಮೇಲೆ ಗುಂಡಿನ ದಾಳಿ ನಡೆಸಿದ್ದು, ಆತನನ್ನು ಅಮಾನತುಗೊಳಿಸಲಾಗಿದೆ ಎಂದು ತಿಳಿದು ಬಂದಿದೆ.
ಇನ್ನು, ಜೂನ್ 17ರಂದು ಈ ಪ್ರದೇಶದಲ್ಲಿ ಹಸುವನ್ನು ಹುಲಿ ಕೊಂದಿತ್ತು. ಈ ಬಗ್ಗೆ ಗ್ರಾಮಸ್ಥರು ಕರೆ ಮಾಡಿ ಸಿಬ್ಬಂದಿಗೆ ಮಾಹಿತಿ ನೀಡಿದ್ದರು. ಇನ್ನು, ಈ ವೇಳೆ ಹುಲಿಯನ್ನು ಬೆದರಿಸಲು ಗುಂಡು ಹಾರಿಸಿದ್ದು, ಅದು ಆಕಸ್ಮಿಕವಾಗಿ ತಗುಲಿದೆ ಎನ್ನಲಾಗಿದೆ.
