ಹೈದರಾಬಾದ್: ಶಂಶಾಬಾದ್ ಏರ್ಪೋರ್ಟ್ನಲ್ಲಿ ಬರೋಬ್ಬರಿ 1 ಕೋಟಿ ರೂ. ಮೌಲ್ಯದ 80 ಐಫೋನ್ ವಶಕ್ಕೆ ಪಡೆದುಕೊಳ್ಳುವಲ್ಲಿ ಕಸ್ಟಮ್ಸ್ ಅಧಿಕಾರಿಯಾಗಳು ಯಶಸ್ವಿಯಾಗಿದ್ದಾರೆ. ಶಾರ್ಜಾದಿಂದ ಶಂಶಾಬಾದ್ ಏರ್ಪೋರ್ಟ್ಗೆ ಆಗಮಿಸಿದ್ದ ಇಬ್ಬರ ಬ್ಯಾಗ್ನಲ್ಲಿ ಇಷ್ಟೊಂದು ಐಫೋನ್ ಇದ್ದ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ಈಗಾಗಲೇ ಫೋನ್ ಸೀಜ್ ಮಾಡಲಾಗಿದ್ದು, ಈಗಾಗಲೇ ಇಬ್ಬರನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಲಗೇಜ್ ವಿಭಾಗದಲ್ಲಿ ತಪಾಸಣೆ ನಡೆಸುತ್ತಿದ್ದ ವೇಳೆ ಐಫೋನ್ ಕಂಡು ಬಂದಿವೆ ಎಂದು ಕಸ್ಟಮ್ಸ್ ಇಲಾಖೆ ಪ್ರಧಾನ ಆಯುಕ್ತ ಜೆ.ಎಸ್ ಚಂದ್ರಶೇಖರ್ ಮಾಹಿತಿ ನೀಡಿದ್ದಾರೆ. ಸೀಜ್ ಮಾಡಿರುವ ಪ್ರತಿ ಮೊಬೈಲ್ನ ಬೆಲೆ 1ರಿಂದ ಒಂದೂವರೆ ಲಕ್ಷ ರೂ. ಆಗಿದ್ದು, ಎಲ್ಲ ಫೋನ್ಗಳ ಒಟ್ಟು ಬೆಲೆ 1 ಕೋಟಿ 65 ಸಾವಿರ ರೂ. ಆಗಬಹುದು ಎಂದು ಅಂದಾಜಿಸಿದ್ದಾರೆ.
ಇವರ ಬಳಿ ನಾಲ್ಕು ಲಕ್ಷ ನಗದು ಹಣ ಕೂಡ ಸಿಕ್ಕಿದೆ ಎಂದಿದ್ದಾರೆ. ಬಂಧಿತರಲ್ಲಿ ಓರ್ವ ಗುಜರಾತ್ ಮೂಲದವನು ಹಾಗೂ ಮತ್ತೋರ್ವ ಹೈದರಾಬಾದ್ನವನು ಎಂದು ತಿಳಿದು ಬಂದಿದ್ದು, ಅವರ ವಿರುದ್ಧ ಈಗಾಗಲೇ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿರಿ: Article 370 ಮರುಸ್ಥಾಪನೆಗೆ ಎಲ್ಲ ಪಕ್ಷಗಳ ಬೇಡಿಕೆ.. ಐತಿಹಾಸಿಕ ಸರ್ವಪಕ್ಷ ಸಭೆಯಲ್ಲಿ ಏನೆಲ್ಲ ನಡೀತು!
