ನವನ್‌ಶಹರ್(ಪಂಜಾಬ್): ಆಮ್ ಆದ್ಮಿ ಪಕ್ಷದ ಮುಖ್ಯಮಂತ್ರಿ ಭಗವಂತ್ ಸಿಂಗ್ ಮಾನ್ ಅವರ ಪ್ರಮಾಣ ವಚನ ಸಮಾರಂಭದಲ್ಲಿ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್, ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಮತ್ತು ಅವರ ಸಂಪುಟ ಸಹೋದ್ಯೋಗಿಗಳು ಮಾತ್ರ ಭಾಗವಹಿಸಿದ್ದರು. ಬೇರೆ ಯಾವುದೇ ರಾಜ್ಯದ ಮುಖ್ಯಮಂತ್ರಿಯಾಗಲೀ ಅಥವಾ ಅವರ ಸಂಪುಟ ಸಹೋದ್ಯೋಗಿಗಳಾಗಲೀ ಭಾಗಿಯಾಗದಿರುವುದು ಅಚ್ಚರಿ ಮೂಡಿಸಿದೆ.
ಪ್ರಮಾಣ ವಚನ ಸಮಾರಂಭದಲ್ಲಿ ಕೇವಲ 91 ಶಾಸಕರು ಮಾತ್ರ ಭಾಗಿ: ಪ್ರಮಾಣ ವಚನ ಸ್ವೀಕಾರ ಸಮಾರಂಭದಲ್ಲಿ 116 ಶಾಸಕರಿಗೆ ಆಸನ ವ್ಯವಸ್ಥೆ ಮಾಡಲಾಗಿತ್ತು. ಈ ಕುರ್ಚಿಗಳನ್ನು ವೇದಿಕೆಯ ಬಲಭಾಗದಲ್ಲಿ ಇರಿಸಲಾಗಿತ್ತು. ಮಧ್ಯದಲ್ಲಿ ಮುಖ್ಯಮಂತ್ರಿಗಳ ಪ್ರಮಾಣ ವಚನ ಸ್ವೀಕಾರ ಸಮಾರಂಭದ ವೇದಿಕೆ ಇತ್ತು. ಇದೇ ವೇಳೆ, ಬಾಹ್ಯ ಅತಿಥಿಗಳಿಗೆ ಅಥವಾ ಮುಖ್ಯ ಅತಿಥಿಗಳಿಗೆ ವೇದಿಕೆ ಸಹ ಸಿದ್ಧಪಡಿಸಲಾಗಿತ್ತು.
ಓದಿ: ನೂತನ ವಿಶ್ವಸುಂದರಿಯಾಗಿ ಹೊರಹೊಮ್ಮಿದ ಪೋಲೆಂಡ್ನ ಕರೋಲಿನಾ ಬಿಲಾವ್ಸ್ಕಾ
ಪಂಜಾಬ್ ಸರ್ಕಾರವು ಎಲ್ಲ ಚುನಾಯಿತ ಪ್ರತಿನಿಧಿಗಳಿಗೆ ಆಹ್ವಾನ ಕಳುಹಿಸಿತ್ತು. ದೆಹಲಿ ಮುಖ್ಯಮಂತ್ರಿ ಕೇಜ್ರಿವಾಲ್, ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಮತ್ತು ಅವರ ಐವರು ಸಚಿವರು ಮುಖ್ಯ ಅತಿಥಿಗಳ ವೇದಿಕೆಯಲ್ಲಿದ್ದರು. ಆಮ್ ಆದ್ಮಿ ಪಕ್ಷದ 91 ಶಾಸಕರು ಮಾತ್ರ ಶಾಸಕ ಸ್ಥಾನಗಳಲ್ಲಿ ಕುಳಿತಿದ್ದರು. ರಾಜ್ಯದ ಯಾವುದೇ ಕಾಂಗ್ರೆಸ್, ಎಸ್‌ಎಡಿ ಅಥವಾ ಬಿಜೆಪಿ ಶಾಸಕರು ಕಾರ್ಯಕ್ರಮಕ್ಕೆ ಹಾಜರಾಗಲಿಲ್ಲ.
ಇನ್ನು ಖ್ಯಾತ ಪಂಜಾಬಿ ಗಾಯಕ ಗುರುದಾಸ್ ಮಾನ್, ಹಾಸ್ಯನಟ ಬಿನು ಧಿಲ್ಲೋನ್, ಕರಮ್‌ಜಿತ್ ಅನ್ಮೋಲ್, ಮೊಹಮ್ಮದ್ ಸಾದಿಕ್ ಮತ್ತು ಗಾಯಕ ಅಮರ್ ನೂರಿ ಪ್ರಮಾಣವಚನ ಸಮಾರಂಭದಲ್ಲಿ ಭಾಗವಹಿಸಿದ್ದರು.
ಓದಿ: ಹಿಜಾಬ್ ವಿಚಾರವಾಗಿ ಬಂದ್ಗೆ ಕರೆ ಕೊಟ್ಟವರು ರಾಷ್ಟ್ರ ವಿರೋಧಿಗಳು: ಸಚಿವ ಆರ್.ಅಶೋಕ್
ಮುಖ್ಯಮಂತ್ರಿಯಾದರೆ ಶಹೀದ್ ಭಗತ್ ಸಿಂಗ್ ಮನೆಗೆ ಬಂದು ಪ್ರಮಾಣ ವಚನ ಸ್ವೀಕರಿಸುತ್ತೇನೆ ಎಂದು ಭಗವಂತ್ ಮಾನ್ ಹೇಳುತ್ತಿದ್ದರು. ಅದರಂತೆ ಅವರು ಮಾಡಿದ್ದಾರೆ ಎಂದು ಗಾಯಕ ಗುರುದಾಸ್ ಮಾನ್ ಹೇಳಿದರು. ಭಗತ್ ಸಿಂಗ್ ಅವರ ಚಿಂತನೆಯಂತೆ ಭಗತ್ ಶಹೀದ್ -ಎ - ಆಜಮ್‌ ನಡೆಯಲಿದ್ದಾರೆ. ಅವರು ಈ ಸ್ಥಳದೊಂದಿಗೆ ನಂಟು ಹೊಂದಿದ್ದಾರೆ. ಪಂಜಾಬ್ನಲ್ಲಿ ಬದಲಾವಣೆಯ ಅಗತ್ಯವಿತ್ತು. ಅದನ್ನು ಜನರು ಈಡೇರಿಸಿದ್ದಾರೆ. ಈಗ ಹೊಸ ಸರ್ಕಾರ ಪಂಜಾಬ್ ಅನ್ನು ಮತ್ತೆ ವರ್ಣರಂಜಿತ ಪಂಜಾಬ್ ಮಾಡುತ್ತದೆ ಎಂದು ಗಾಯಕ ಹೇಳಿದರು.
ಪಂಜಾಬ್ ಸರ್ಕಾರವು ವಿವಿಐಪಿಗಳಿಗಾಗಿ ನಾಲ್ಕು ಹೆಲಿಪ್ಯಾಡ್‌ಗಳನ್ನು ನಿರ್ಮಿಸಿತ್ತು. ಆದರೆ, ಆ ಸ್ಥಳಗಳಲ್ಲಿ ಮುಖ್ಯಮಂತ್ರಿ ಭಗವಂತ್ ಸಿಂಗ್ ಮಾನ್ ಅವರ ಹೆಲಿಕಾಪ್ಟರ್ ಮಾತ್ರ ಗೋಚರಿಸಿತ್ತು.
