ನವದೆಹಲಿ: ದಕ್ಷಿಣ ಆಫ್ರಿಕಾದಲ್ಲಿ ಪತ್ತೆಯಾಗಿರುವ ಕೋವಿಡ್ ವೈರಸ್ ರೂಪಾಂತರಿ 'ನಿಯೋಕೋವ್' ಬಗ್ಗೆ ಜಗತ್ತಿನಾದ್ಯಂತ ಆತಂಕ ಮೂಡಿದೆ. ಆದರೆ ಬಾವಲಿಯಿಂದ ಹುಟ್ಟಿಕೊಂಡಿರುವ ಈ ವೈರಸ್‌ನಿಂದ ಭಾರತಕ್ಕೆ ಯಾವುದೇ ಅಪಾಯವಿಲ್ಲ ಎಂದು ಭಾರತೀಯ ವಿಜ್ಞಾನಿಗಳು ಹೇಳಿದ್ದಾರೆ.
ಈ ಬಗ್ಗೆ ಈಟಿವಿ ಭಾರತಕ್ಕೆ ಪ್ರತಿಕ್ರಿಯಿಸಿರುವ, ಇನ್‌ಸ್ಟಿಟ್ಯೂಟ್ ಆಫ್ ಜೀನೋಮಿಕ್ಸ್ ಮತ್ತು ಇಂಟಿಗ್ರೇಟಿವ್ ಬಯಾಲಜಿ (IGIB)ಯ ವಿಜ್ಞಾನಿ ವಿನೋದ್ ಸ್ಕಾರಿಯಾ ಅವರು, ನಿಯೋಕೋವ್ ರೂಪಾಂತರಿಯು ಭಾರತಕ್ಕೆ ಅಪಾಯಕಾರಿಯಲ್ಲ ಎಂದು ತಿಳಿಸಿದ್ದಾರೆ.
ಐಜಿಐಬಿಯು ಜೀನೋಮಿಕ್ಸ್, ಮಾಲಿಕ್ಯುಲರ್ ಮೆಡಿಸಿನ್ ಮತ್ತು ಬಯೋಇನ್‌ಫರ್ಮ್ಯಾಟಿಕ್ಸ್‌ನ ಸಂಶೋಧನಾ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವ ಭಾರತದ ಪ್ರಮುಖ ಸಂಸ್ಥೆಯಾಗಿದೆ. ನಿಯೋಕೋವ್ ಹೊಸ ರೂಪಾಂತರವಲ್ಲ ಎಂದು ಪ್ರತಿಪಾದಿಸಿರುವ ಸ್ಕೇರಿಯಾ, ಇದು ಬಾವಲಿ ಕೊರೊನಾ ವೈರಸ್ ಮತ್ತು ಮನುಷ್ಯರಿಗೆ ಸೋಂಕು ತಗುಲುವುದಿಲ್ಲ. ಅಲ್ಲದೆ ಪ್ರಾಣಿಗಳಿಂದ ಜನರಿಗೆ ವೈರಸ್ಗಳು ಹರಡುವಿಕೆಯು ತೀರ ಅಪರೂಪ ಎಂದು ಹೇಳಿದ್ದಾರೆ.
ನಿಯೋಕೋವ್ ವೈರಸ್ ಮೊಟ್ಟ ಮೊದಲು ನಿಯೋರೋಮಿಯಾ ಎಂದು ಕರೆಯಲಾಗುವ ಬಾವಲಿಗಳ ಜಾತಿಯಲ್ಲಿ ಪತ್ತೆಯಾಗಿದೆ. ನಿಯೋಕೋವ್ ಜೀನೋಮ್ ಶೇ. 85ರಷ್ಟು ಎಂಇಆರ್ಎಸ್-ಕೋವ್(MERS-CoV) ನ್ನು ಹೋಲುತ್ತದೆ.
ಮಾನವ ಮತ್ತು ಪ್ರಾಣಿಗಳ ವೈರಸ್‌ಗಳ ಜೀನೋಮ್ ಸಿಕ್ವೆನ್ಸಿಂಗ್ ಹಾಗೂ ವೈರಸ್‌ಗಳ ವರ್ಣಪಟಲವನ್ನು ತಿಳಿದುಕೊಳ್ಳುವುದು ಪ್ರಮುಖವಾಗಿದೆ. ಸದ್ಯ ನಿಯೋಕೋವ್ ಪ್ರಾಣಿಗಳ ನಡುವೆ ಮಾತ್ರ ಹರಡುತ್ತಿದೆ. ಪ್ರಾಣಿಗಳಿಂದ ವೈರಸ್ ಅಂಟುವುದು ಅಪರೂಪವಾಗಿದ್ದು, ನಿಯೋಕೋವ್ ಮಾನವನ ಎಸಿಇ ಗ್ರಾಹಕಗಳೊಂದಿಗೆ ಅಂತರ್ಗತವಾಗಿ ಸೇರಿಕೊಳ್ಳಲು ಸಾಧ್ಯವಿಲ್ಲ. ಆದರೆ ಕೃತಕ ರೂಪಾಂತರಗಳ ಪರಿಣಾಮವು ಹೆಚ್ಚಿರಬಹುದು ಎಂದು ಸ್ಕೇರಿಯಾ ಹೇಳಿದರು.
ಜಾಹೀರಾತು: ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಆದರೆ, ವುಹಾನ್ ವಿಶ್ವವಿದ್ಯಾಲಯ ಮತ್ತು ಚೈನೀಸ್ ಅಕಾಡೆಮಿ ಆಫ್ ಸೈನ್ಸ್ನ ಇನ್‌ಸ್ಟಿಟ್ಯೂಟ್ ಆಫ್ ಬಯೋಫಿಸಿಕ್ಸ್‌ನ ಸಂಶೋಧಕರ ಪ್ರಕಾರ, ಮಾನವನ ಜೀವಕೋಶಗಳಿಗೆ ವೈರಸ್ ನುಸುಳಲು ಕೇವಲ ಒಂದು ರೂಪಾಂತರ ಮಾತ್ರ ಸಾಕು. ಈ ನಿಯೋಕೋವ್ ರೂಪಾಂತರದಿಂದ ಹೆಚ್ಚಿನ ಸಾವು ಸಂಭವಿಸಬಹುದು. ಪ್ರತಿ ಮೂವರಲ್ಲಿ ಒಬ್ಬರು ಈ ವೈರಸ್ಗೆ ಬಲಿಯಾಗಬಹುದು ಎಂದು ಎಚ್ಚರಿಕೆ ನೀಡಿದ್ದರು.
ವಿಶ್ವ ಆರೋಗ್ಯ ಸಂಸ್ಥೆಯೂ ಕೂಡ ನಿಯೋಕೋವ್ ಬಗ್ಗೆ ಹೆಚ್ಚಿನ ಅಧ್ಯಯನದ ಅಗತ್ಯವಿದೆ. ಕೊರೊನಾವೈರಸ್ ಸಾಮಾನ್ಯವಾಗಿ ಪ್ರಾಣಿಗಳಲ್ಲಿ ಕಂಡುಬರುತ್ತದೆ. ಅದರಲ್ಲೂ ಬಾವಲಿಗಳು ಈ ವೈರಸ್‌ಗಳ ನೈಸರ್ಗಿಕ ಆಶ್ರಯತಾಣಗಳಿದ್ದಂತೆ ಎಂದು ತಿಳಿಸಿದೆ.
ಅಲ್ಲದೆ ಈ ಬಗ್ಗೆ ಪ್ರತಿಕ್ರಿಯಿಸಿರುವ ಡಾ. ತಮೋರಿಶ್ ಕೋಲೆ, ಕೂಡ ಇದನ್ನೇ ಪುನರುಚ್ಚರಿಸಿದ್ದು, ಜೀನೋಮಿಕ್ ಸಾಮರ್ಥ್ಯವು ಹೆಚ್ಚು ಅಗತ್ಯವಾಗಿದೆ. ಸದ್ಯ ಈ ರೂಪಾಂತರಿಯಿಂದ ಹೆಚ್ಚಿನ ಹರಡುವಿಗೆ ಇಲ್ಲದಿರುವುದರಿಂದ ಭಯಪಡುವ ಅಗತ್ಯವಿಲ್ಲ. ನಮ್ಮ ಜೀನೋಮಿಕ್ ಸೀಕ್ವೆನ್ಸಿಂಗ್ ತುಂಬಾ ಜಾಗರೂಕರಾಗಿರಬೇಕು. ಹಾಗಿದ್ದರೆ ವೈರಸ್‌ನ ಯಾವುದೇ ಹೊಸ ರೂಪಾಂತರ ಬಂದರೂ ನಾವು ಎಚ್ಚರಿಕೆಯಿಂದ ನಿಭಾಯಿಸಬಹುದು ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ವಾಹನ ಖರೀದಿಗೆ ತೆರಳಿ ಅವಮಾನಕ್ಕೊಳಗಾದ ತುಮಕೂರಿನ ಕೆಂಪೇಗೌಡನ ಮನೆಗೇ ಬಂತು ಮಹೀಂದ್ರಾ ಪಿಕಪ್!
