2021ರ ಅಂತ್ಯದ ವೇಳೆಗೆ 200 ಕೋಟಿ ಕೋವಿಡ್ ಡೋಸ್, ಮುಂದಿನ ವಾರ ಮಾರುಕಟ್ಟೆಗೆ ಸ್ಪುಟ್ನಿಕ್​​

ಕೋವಿಡ್ ವಿರುದ್ಧ ಹೋರಾಡಲು ಮುಂದಿನ ವಾರ ಮತ್ತೊಂದು ಅಸ್ತ್ರ ಲಭ್ಯವಾಗಲಿದ್ದು, ರಷ್ಯಾದ ಸ್ಪುಟ್ನಿಕ್​ ವಿ ಮಾರುಕಟ್ಟೆಗೆ ಲಗ್ಗೆ ಹಾಕಲಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

ನವದೆಹಲಿ: ದೇಶದಲ್ಲಿ ಮಹಾಮಾರಿ ಕೊರೊನಾ ವೈರಸ್ ಹಾವಳಿ ಹೆಚ್ಚಾಗಿದ್ದು, ಇದರ ಮಧ್ಯೆ ಕೆಲವೊಂದು ರಾಜ್ಯಗಳಲ್ಲಿ ಕೋವಿಡ್ ವ್ಯಾಕ್ಸಿನ್​ ಅಭಾವ ಕೂಡ ಉದ್ಭವವಾಗಿದೆ. ಈ ವಿಷಯಕ್ಕೆ ಸಂಬಂಧಿಸಿದಂತೆ ಮಾತನಾಡಿರುವ ಕೇಂದ್ರ ಸರ್ಕಾರ ಮಹತ್ವದ ಮಾಹಿತಿ ಹಂಚಿಕೊಂಡಿದೆ.

2021ರ ಅಂತ್ಯದ ವೇಳೆಗೆ ದೇಶದಲ್ಲಿ 200 ಕೋಟಿ ಕೋವಿಡ್​ ಡೋಸ್ ಲಭ್ಯವಾಗಲಿದೆ ಎಂದಿದೆ. ಈ ವರ್ಷದ ಆಗಸ್ಟ್​ನಿಂದ ಡಿಸೆಂಬರ್ ನಡುವೆ ಇಷ್ಟೊಂದು ವ್ಯಾಕ್ಸಿನ್ ದೇಶದಲ್ಲಿ ಲಭ್ಯವಾಗಲಿದೆ ಎಂದು ಮಾಹಿತಿ ನೀಡಲಾಗಿದೆ.

• Overall, 216 crore doses of vaccines will be manufactured in India between August-December - for India and for Indians. There should be no doubt that vaccine will be available for all as we move forward: Dr VK Paul, Member (Health), NITI Aayog#COVID19 pic.twitter.com/T2ELYt2H4q

  — ANI (@ANI) May 13, 2021 " class="align-text-top noRightClick twitterSection" data="

  Overall, 216 crore doses of vaccines will be manufactured in India between August-December - for India and for Indians. There should be no doubt that vaccine will be available for all as we move forward: Dr VK Paul, Member (Health), NITI Aayog#COVID19 pic.twitter.com/T2ELYt2H4q

  — ANI (@ANI) May 13, 2021

  ">

  Overall, 216 crore doses of vaccines will be manufactured in India between August-December - for India and for Indians. There should be no doubt that vaccine will be available for all as we move forward: Dr VK Paul, Member (Health), NITI Aayog#COVID19 pic.twitter.com/T2ELYt2H4q

  — ANI (@ANI) May 13, 2021

ಸೀರಮ್​ ಇನ್ಸ್​​ಸ್ಟಿಟ್ಯೂಪ್ ಆಫ್ ಇಂಡಿಯಾ ತಯಾರಿಸಿದ 75 ಕೋಟಿ ಅಸ್ಟ್ರಾಜೆನಿಕಾ, ಭಾರತ್ ಬಯೋಟೆಕ್​ನ 55 ಕೋಟಿ ಡೋಸ್ ಕೊವ್ಯಾಕ್ಸಿನ್​​ ಸಹ ಇದರಲ್ಲಿ ಸೇರಿವೆ ಎಂದು ನೀತಿ ಆಯೋಗದ ಸದಸ್ಯ ವಿ.ಕೆ. ಪೌಲ್​ ತಿಳಿಸಿದ್ದಾರೆ. ಮುಂದಿನ ಐದು ತಿಂಗಳಲ್ಲಿ 200 ಕೋಟಿ ಡೋಸ್ ಲಸಿಕೆ ತಯಾರಿಸಲಾಗುವುದು ಎಂದಿರುವ ಅವರು, ಮುಂದಿನ ವರ್ಷ ಈ ಸಂಖ್ಯೆ 300 ಕೋಟಿ ದಾಟಲಿದೆ ಎಂದಿದ್ದಾರೆ.

ಲಸಿಕೆ ತಯಾರಿಕೆಯಲ್ಲಿ ಭಾರತ ಜಾಗತಿಕ ಕೇಂದ್ರವಾಗಿದ್ದರೂ ಸದ್ಯ ಅನೇಕ ರಾಜ್ಯಗಳಲ್ಲಿ ಕೋವಿಡ್ ಲಸಿಕೆ ಲಭ್ಯವಾಗುತ್ತಿಲ್ಲ. ಇದೇ ವಿಚಾರವನ್ನಿಟ್ಟುಕೊಂಡು ಕೇಂದ್ರದ ವಿರುದ್ಧ ಅನೇಕ ರಾಜ್ಯಗಳು ವಾಗ್ದಾಳಿ ನಡೆಸಿವೆ.

ಮುಂದಿನ ವಾರದಿಂದ ಸ್ಪುಟ್ನಿಕ್​ ಲಸಿಕೆ

ಕೋವಿಡ್ ವಿರುದ್ಧ ಹೋರಾಡಲು ಈಗಾಗಲೇ ಭಾರತಕ್ಕೆ ಆಗಮಿಸಿರುವ ರಷ್ಯಾದ ಸ್ಪುಟ್ನಿಕ್​ ವಿ ಲಸಿಕೆ ಮುಂದಿನ ವಾರದಿಂದ ಮಾರುಕಟ್ಟೆಗೆ ಲಭ್ಯವಿರಲಿದೆ ಎಂದು ಕೇಂದ್ರ ತಿಳಿಸಿದೆ. ಇದೇ ವಿಚಾರವಾಗಿ ಮಾಹಿತಿ ನೀಡಿದ ಡಾ. ವಿ.ಕೆ. ಪೌಲ್​, ಸ್ಪುಟ್ನಿಕ್​ ಭಾರತಕ್ಕೆ ಬಂದಿದೆ. ಮುಂದಿನ ವಾರ ಇದು ಮಾರುಕಟ್ಟೆಯಲ್ಲಿ ಲಭ್ಯವಿರಲಿದೆ ಎಂದು ತಿಳಿಸಿದ್ದಾರೆ.