ಮಧುರೈ (ತಮಿಳುನಾಡು): ಫೇಸ್ಬುಕ್ನಲ್ಲಿ ಪ್ರಚೋದನಕಾರಿ ಪೋಸ್ಟ್ ಹಾಕಿದ್ದ ಆರೋಪಿಯನ್ನು ಮಧುರೈನಲ್ಲಿ ಎನ್ಐಎ ಅಧಿಕಾರಿಗಳು ಪೊಲೀಸರ ನೆರವಿನೊಂದಿಗೆ ಬಂಧಿಸಿದ್ದಾರೆ.
ಈತ ಭಾರತದಲ್ಲಿ ನಿಷೇಧಿತ ಹಿಜ್ಬ್-ಉತ್-ತಹರ್ ಸಂಘಟನೆಯ ಸದಸ್ಯನಾಗಿದ್ದು, ಬಾವಾ ಬಹ್ರುದ್ದೀನ್ ಅಲಿಯಾಸ್ ಮನ್ನಾ ಬಾವಾ ಜೊತೆ ಹಲವಾರು ಸಂಚು ರೂಪಿಸಿದ್ದಾನೆ ಎಂದು ಎನ್ಐಎ ತನಿಖೆಯಿಂದ ತಿಳಿದುಬಂದಿದೆ.
2020ರಲ್ಲಿ ಫೇಸ್ಬುಕ್ ಪೇಜ್ನಲ್ಲಿ ಮೊಹಮ್ಮದ್ ಇಕ್ಬಾಲ್ ಅಲಿಯಾಸ್ ಸೆಂಥಿಲ್ ಕುಮಾರ್ ಕೆಲ ಸಮುದಾಯಗಳನ್ನು ಅವಹೇಳನ ಮಾಡುವ ಪೋಸ್ಟ್ ಸೇರಿದಂತೆ ಜಾತಿ ಮತ್ತು ಧಾರ್ಮಿಕ ಸಾಮರಸ್ಯದ ವಿರುದ್ಧ ಪೋಸ್ಟ್ ಮಾಡಿ ಸಾರ್ವಜನಿಕ ಶಾಂತಿ ಕದಡುವಂತಹ ಪೋಸ್ಟ್ ಮಾಡಿದ್ದ. ಈ ಹಿನ್ನೆಲೆ ಆತನನ್ನು ಪೊಲೀಸರು ಬಂಧಿಸಿದ್ದರು.
ಇಕ್ಬಾಲ್ ಬಾವಾ ಜೊತೆಗೆ ಮಧುರೈ, ಈರೋಡ್, ಸೇಲಂ ಮತ್ತು ತಂಜಾವೂರಿನಲ್ಲಿ ರಹಸ್ಯ ಸಭೆಗಳನ್ನು ನಡೆಸಿ, ಜನರನ್ನು ಹಿಜ್ಬ್-ಉತ್-ತಹ್ರಿರ್ ಸಂಘಟನೆ ಸೇರುವಂತೆ ಪ್ರಚೋದಿಸುತ್ತಿದ್ದ ಎಂದು ತಿಳಿದುಬಂದಿದೆ.
ಇದಕ್ಕೂ ಮೊದಲು ರಾಷ್ಟ್ರೀಯ ಗುಪ್ತಚರ ದಳ ಅಧಿಕಾರಿಗಳು ಇಲ್ಲಿನ ಮಣ್ಣಗುರ್ಡಿ ಮತ್ತು ಮನ್ಸೂರ್ ಅಲಿ ತೈಕ್ಕಲ್ ಪ್ರದೇಶದಲ್ಲಿ ದಾಳಿ ನಡೆಸಿ ಉಗ್ರ ಮನ್ನಾ ಬಾವಾನನ್ನು ಬಂಧಿಸಲಾಗಿತ್ತು. ಈತನಿಂದ 30 ಪುಸ್ತಕ, ಹಿಸ್ಬ್-ಉತ್-ತಹ್ರಿರ್ ಸಂಘಟನೆಗೆ ಸಂಬಂಧಿಸಿದ ಹಲವು ದಾಖಲೆಗಳು, ಮೂರು ಮೊಬೈಲ್ ಫೋನ್, ಹಾರ್ಡ್ ಡಿಸ್ಕ್ ಅನ್ನು ವಶಕ್ಕೆ ಪಡೆಯಲಾಗಿತ್ತು.
ಇದನ್ನೂ ಓದಿ: ಚೆಂಡು ಎಂದುಕೊಂಡು ಕಚ್ಚಾಬಾಂಬ್ನಲ್ಲಿ ಮಕ್ಕಳ ಆಟ.. ಮುಂದಾಗಿದ್ದು ಮಾತ್ರ ಘೋರ ದುರಂತ
