ವಾಷಿಂಗ್ಟನ್: ಶ್ವಾಸಕೋಶದ ಕ್ಯಾನ್ಸರ್ ತಪಾಸಣೆ ಹೊಸ ವಿಶ್ಲೇಷಣೆಯೊಂದು ಶ್ವಾಸಕೋಶದ ಕ್ಯಾನ್ಸರ್ನಿಂದ ಸಂಭವಿಸಬಹುದಾದ ನಿರ್ದಿಷ್ಟ ಸಾವಿನ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ ಎಂದು ಅಧ್ಯಯನವೊಂದು ಹೇಳಿದೆ.
ಲೋ ಡೋಸ್ ಸಿಟಿ ಸ್ಕ್ರೀನಿಂಗ್ ವಿಧಾನಗಳು ಶ್ವಾಸಕೋಶದ ಕ್ಯಾನ್ಸರ್ ತಪಾಸಣೆಯ ಎಂಟು ನಿಯಂತ್ರಿತ ಕ್ಲಿನಿಕಲ್ ಪ್ರಯೋಗಗಳ ಮೆಟಾ-ವಿಶ್ಲೇಷಣೆಯ ಪ್ರಕಾರ, ಶ್ವಾಸಕೋಶದ ಕ್ಯಾನ್ಸರ್ ಗೆ ಒಳಗಾದ ಪ್ರತಿ 250 ವಯಸ್ಕರಲ್ಲಿ ಒಂದು ಸಾವನ್ನು ತಡೆಯಬಹುದು.
ಜಾರ್ಜಿಯಾ ವಿಶ್ವವಿದ್ಯಾನಿಲಯದ ಸಂಶೋಧಕರು 90,275 ರೋಗಿಗಳ ಆರೋಗ್ಯವನ್ನು ವಿಶ್ಲೇಷಿಸಿದ್ದಾರೆ. ಇನ್ನು ಈ ರೀತಿಯ ತಪಾಸಣೆಗೆ ಒಳಗಾದವರನ್ನು ಸಾಮಾನ್ಯ ವೈದ್ಯಕೀಯ ಆರೈಕೆ ಅಥವಾ ಎಕ್ಸ್ರೇಗೆ ಒಳಗಾದವರ ಜೊತೆ ಹೋಲಿಕೆ ಮಾಡಿ ವಿಶ್ಲೇಷಿಸಲಾಗಿದೆ.
ಈ ವಿಶ್ಲೇಷಣೆಯು ವೈದ್ಯಕೀಯವಾಗಿ ಮತ್ತು ಸಾಂಖಿಕವಾಗಿ ಮಹತ್ವದ್ದಾಗಿದೆ. ಏಕೆಂದರೆ, ಈ ತಪಾಸಣೆಗೆ ಒಳಗಾದವರು ದೀರ್ಘಾವಧಿಯಲ್ಲಿ ಶ್ವಾಸಕೋಶದ ಕ್ಯಾನ್ಸರ್ನಿಂದ ಉಂಟಾಗುವ ಸಾವಿನ ಸಂಖ್ಯೆಯಲ್ಲಿ ಪ್ರತೀ 250 ವಯಸ್ಕರಲ್ಲಿ ಒಬ್ಬರನ್ನು ಸಾವಿನ ದವಡೆಯಿಂದ ಉಳಿಸುತ್ತದೆ.
ಈ ಲೋ ಡೋಸ್ ಸಿಟಿ ಸ್ಕ್ರೀನಿಂಗ್ ವಿಶ್ಲೇಷಣೆಯ ಫಲಿತಾಂಶಗಳನ್ನು ಅನ್ನಲ್ಸ್ ಆಫ್ ಫ್ಯಾಮಿಲಿ ಮೆಡಿಸಿನ್‌ನಲ್ಲಿ ಪ್ರಕಟಿಸಲಾಗಿದೆ. ಈ ಹೊಸ ವಿಧಾನದ ಬಗ್ಗೆ ಲೇಖಕರು ಅದರಲ್ಲಿ ವಿಶ್ಲೇಷಿಸಿದ್ದಾರೆ.
ಇನ್ನು, ಯುಎಸ್ನ ಪ್ರಿವೆಂಟಿವ್ ಸರ್ವೀಸಸ್ ಟಾಸ್ಕ್ ಫೋರ್ಸ್ ಈ ಹೊಸ ಅಧ್ಯಯನದ ನಿಯಮಿತವಾಗಿ ಧೂಮಪಾನದ ಇತಿಹಾಸವನ್ನು ಹೊಂದಿರುವ 55 ರಿಂದ 80 ವರ್ಷ ವಯಸ್ಸಿನ ವಯಸ್ಕರಿಗೆ ಸಿಟಿ ಸ್ಕ್ರೀನಿಂಗ್ ಆಧಾರಿತ ಶ್ವಾಸಕೋಶದ ಕ್ಯಾನ್ಸರ್ ತಪಾಸಣೆ ಮಾಡುವಂತೆ ಶಿಫಾರಸು ಮಾಡಿದೆ.
