ಮುಂಬೈ: ಎನ್ಸಿಪಿ ಅಧ್ಯಕ್ಷರೂ ಮಹಾರಾಷ್ಟ್ರದ ಪ್ರಭಾವಿ ರಾಜಕಾರಿಣಿ, ಜನನಾಯಕ ಶರದ್ ಪವಾರ್ ಅವರಿಗೆ ಮಂಗಳವಾರ ಕೊಲೆ ಬೆದರಿಕೆ ಕರೆಯೊಂದು ಬಂದಿದೆ. ಶರದ್ ಪವಾರ್ರವರ ಸಿಲ್ವರ್ ಓಕ್ ನಿವಾಸಕ್ಕೆ ಅಪರಿಚಿತ ವ್ಯಕ್ತಿ ಕರೆ ಮಾಡಿ ಈ ಬೆದರಿಕೆ ಹಾಕಿದ್ದಾನೆ ಎನ್ನಲಾಗಿದೆ. ಈ ಸಂಬಂಧ ಆತನ ವಿರುದ್ಧ ಗಾದೇವಿ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ.
ಶರದ್ ಪವಾರ್ ಅವರ ಜನ್ಮದಿನವನ್ನು ಸೋಮವಾರವಷ್ಟೇ ಅವರ ಅಭಿಮಾನಿಗಳು, ಬೆಂಬಲಿಗರು ಹಾಗೂ ಪಕ್ಷದ ಕಾರ್ಯಕರ್ತರು ಆಚರಿಸಿದ್ದರು. ಆ ಸಂಭ್ರಮ ಮನೆ ಮಾಡಿ ಒಂದು ದಿನ ಕಳೆದಿಲ್ಲ, ಇಂದು ಅವರಿಗೆ ಫೋನ್ ಬೆದರಿಕೆ ಕರೆ ಬಂದಿದೆ. ಇದು ಮಹಾರಾಷ್ಟ್ರ ಅಷ್ಟೇ ಏಕೆ ದೇಶಾದ್ಯಂತ ಸಂಚಲನ ಸೃಷ್ಟಿಸುವಂತೆ ಮಾಡಿದೆ.
ಈ ಪ್ರಕರಣದಲ್ಲಿ ಬಿಹಾರದ ನಿವಾಸಿಯಾಗಿರುವ ನಾರಾಯಣ್ ಸೋನಿ ಎಂಬಾತನ ಹೆಸರು ಕೇಳಿ ಬಂದಿದೆ. ಸಿಲ್ವರ್ ಓಕ್ ನಿವಾಸಕ್ಕೆ ಕರೆ ಮಾಡಿದ ಆತ, ರಾಷ್ಟ್ರೀಯವಾದಿಯಾಗಿರುವ ಪವಾರ್ರವರನ್ನು ಮುಂಬೈ ಗಾತ್ರದ ಕಂಟ್ರಿಮೇಡ್ ಪಿಸ್ತೂಲ್ನಿಂದ ಹತ್ಯೆ ಮಾಡುವುದಾಗಿ ತಿಳಿಸಿ, ಹಿಂದಿಯಲ್ಲಿ ಬೆದರಿಕೆ ಹಾಕಿದ್ದಾನೆ.
ಸದ್ಯ ಪೊಲೀಸರು ಐಪಿಸಿ ಸೆಕ್ಷನ್ 294,506(2) ಅಡಿ ಪ್ರಕರಣ ದಾಖಲಿಸಿಕೊಂಡಿರುವ ಮಹಾರಾಷ್ಟ್ರ ಪೊಲೀಸರು ಈತನ ಬಂಧನಕ್ಕೆ ತಂಡವನ್ನು ರಚಿಸಿ ತನಿಖೆಗೆ ರವಾನೆ ಮಾಡಲಾಗಿದೆ.
ತನಿಖೆ ವೇಳೆ ಬಂದ ಮಾಹಿತಿಗಳ ಪ್ರಕಾರ, ಈ ಹಿಂದೆ ಇದೇ ವ್ಯಕ್ತಿ ಪವಾರ್‌ಗೆ ದೂರವಾಣಿ ಮೂಲಕ ಬೆದರಿಕೆ ಹಾಕಿದ್ದ. ಆ ವೇಳೆ ಪೊಲೀಸರು ಆತನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿ ವಿವರಣೆ ನೀಡಿದ ಬಳಿಕ ಬಿಡುಗಡೆಗೊಳಿಸಿದರು. ಇದೀಗ ಮತ್ತೆ ಅದೇ ವ್ಯಕ್ತಿ ಬೆದರಿಕೆ ಹಾಕಿದ್ದು, ಹೀಗಾಗಿ ಈ ಬಾರಿ ಎಫ್ ಐಆರ್ ದಾಖಲಿಸಿದ್ದು, ಶೀಘ್ರವೇ ಬಂಧಿಸಲಾಗುವುದು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ:ಅಶ್ಲೀಲ ವಿಡಿಯೋ ನಿರ್ಮಾಣ ಪ್ರಕರಣ: ರಾಜ್ ಕುಂದ್ರಾಗೆ ನಿರೀಕ್ಷಣಾ ಜಾಮೀನು
