ದುಲಿಯಾಜನ್ (ಅಸ್ಸೋಂ): ಅಸ್ಸೋಂ ವಿಧಾನಸಭಾ ಚುನಾವಣೆಯಲ್ಲಿ ಎಐಯುಡಿಎಫ್ ಜೊತೆಗಿನ ಮೈತ್ರಿ ಕುರಿತು ಮಧ್ಯಪ್ರದೇಶದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಸೋಮವಾರ ಕಾಂಗ್ರೆಸ್ ಮೇಲೆ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.
ಚುನಾವಣಾ ರ‍್ಯಾಲಿಯನ್ನುದ್ದೇಶಿಸಿ ಮಾತನಾಡಿದ ಚೌಹಾಣ್, ನೆಹರೂ - ಗಾಂಧಿ ಕುಟುಂಬದ ಮೂವರು ಕಾಂಗ್ರೆಸ್ ನಾಯಕರ ಹೆಸರಿನ ಮೊದಲ ವರ್ಣಮಾಲೆಗಳನ್ನು ಬಳಸಿ (ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿ ವಾದ್ರಾ) ಕಾಂಗ್ರೆಸ್ ನಾಯಕ ಮೇಲೆ ವಾಗ್ದಾಳಿ ನಡೆಸಿದರು. ರಾಹುಲ್ ಗಾಂಧಿ ಅಸ್ಸೋಂ, ಬಂಗಾಳ ಮತ್ತು ಕೇರಳದಲ್ಲಿ "ವಿಭಜಕ ಶಕ್ತಿಗಳೊಂದಿಗೆ" ಮೈತ್ರಿ ಮಾಡಿಕೊಂಡಿದ್ದಾರೆ. ಕಾಂಗ್ರೆಸ್ ಮುಹಮ್ಮದ್ ಅಲಿ ಜಿನ್ನಾ ಅವರ ಹೆಜ್ಜೆಗಳನ್ನು ಅನುಸರಿಸುತ್ತಿದೆ ಎಂದು ಆರೋಪಿಸಿದರು.
ಕಾಂಗ್ರೆಸ್ ಮತ್ತು ರಾಹುಲ್ ಅವರ ವಿಭಜಕ ಮಾರ್ಗವನ್ನು ಅಸ್ಸೋಂ ಮತ್ತು ದೇಶದ ಜನರು ಸ್ವೀಕರಿಸುವುದಿಲ್ಲ. ಕಾಂಗ್ರೆಸ್ ಎಸ್ - ಸೋನಿಯಾ, ಆರ್ - ರಾಹುಲ್, ಪಿ - ಪ್ರಿಯಾಂಕಾ ಸೇರಿ ಸರ್ಪ್ (ಹಿಂದಿಯಲ್ಲಿ 'ಸರ್ಪ್' ಎಂದರೆ ಸರ್ಪ) ಪಕ್ಷವಾಗಿ ಮಾರ್ಪಟ್ಟಿದೆ ಎಂದು ಕಿಡಿಕಾರಿದರು.
ಒಂದು ಕಡೆ, ರಾಹುಲ್ ಸಮುದ್ರದಲ್ಲಿ ಸ್ನಾನ ಮಾಡುತ್ತಿದ್ದರೆ, ಮತ್ತೊಂದೆಡೆ, ಪ್ರಿಯಾಂಕಾ ಆಫ್ - ಸೀಸನ್‌ನಲ್ಲಿ ಚಹಾ ತೋಟಗಳಲ್ಲಿ ಎಲೆಗಳನ್ನು ಕಿತ್ತರು. ಇದನ್ನೆಲ್ಲ ನೋಡಿದರೆ ಯಾವುದೋ ಚಿತ್ರದ ಚಿತ್ರೀಕರಣ ನಡೆಯುತ್ತಿರುವಂತೆ ತೋರುತ್ತಿದೆ ಎಂದು ಲೇವಡಿ ಮಾಡಿದರು.
ಇದನ್ನೂ ಓದಿ: ರೈತರ ಹಕ್ಕುಗಳ ಕುರಿತ ವಿಶ್ವಸಂಸ್ಥೆ ಘೋಷಣೆ ಉಲ್ಲಂಘನೆ: ಸಂಯುಕ್ತ ಕಿಸಾನ್ ಮೋರ್ಚಾ ಆರೋಪ
ಕಾಂಗ್ರೆಸ್ ಅಸ್ಸೋಂಗೆ ಹಸಿವು, ನಿರುದ್ಯೋಗ, ಬಡತನವನ್ನು ನೀಡಿತು. ಇದು ಅಸ್ಸೋಂ ಪ್ರಗತಿಗೆ ಅವಕಾಶ ನೀಡಲಿಲ್ಲ. ಆದರೆ ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ ಸರ್ಬಾನಂದ ಸೋನೊವಾಲ್ ಸರ್ಕಾರವು ಅಸ್ಸೋಂ ಅನ್ನು ಸಂಪೂರ್ಣವಾಗಿ ಬದಲಿಸಿದೆ ಮತ್ತು ಅಭಿವೃದ್ಧಿ ಮಾಡಿದೆ ಎಂದರು.
ಎ - ಅದ್ಭುತ, ಇಲ್ಲಿ ಸಾರ್ವಜನಿಕರು ಅದ್ಭುತವಾಗಿದ್ದಾರೆ. ಎಸ್-ಆತ್ಮ, ಅಸ್ಸೋಂ ಭಾರತದ ಆತ್ಮ. ಎಸ್-ಸ್ಟ್ರಾಂಗ್, ಅಸ್ಸೋಂನ ಜನರು ಧೈರ್ಯಶಾಲಿಗಳು. ಎ-ಸಾಮರ್ಥ್ಯ, ಅಸ್ಸೋಂಗೆ ಅಪಾರ ಸಾಮರ್ಥ್ಯವಿದೆ. ಎಂ-ಏಕಶಿಲೆ, ಅಸ್ಸೋಂ ಸಂಕೇತವಾಗಿದೆ ದೇಶದ ಸಮಗ್ರತೆ ಎಂದು ಇದೇ ವೇಳೆ ಬಣ್ಣಿಸಿದರು.
