ಪಾಟ್ನಾದಲ್ಲಿ ಮೊಬೈಲ್ ಟವರ್ ಕಳವು.. ಸಿಸಿಟಿವಿ ದೃಶ್ಯಾವಳಿಗಳ ಆಧಾರದ ಮೇಲೆ ತನಿಖೆ ಆರಂಭ

ಬಿಹಾರದಲ್ಲಿ ಕಬ್ಬಿಣದ ಸೇತುವೆ ಮತ್ತು ರೈಲು ಎಂಜಿನ್ ಕಳ್ಳತನದ ನಂತರ ಇದೀಗ ಮೊಬೈಲ್ ಟವರ್ ಕಳ್ಳತನದ ಹೊಸ ಪ್ರಕರಣ ಮುನ್ನೆಲೆಗೆ ಬಂದಿದೆ.

ಪಾಟ್ನಾ (ಬಿಹಾರ) : ರಾಜಧಾನಿ ಪಾಟ್ನಾದ ಪಿರ್ಬೋರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಮನೆಯೊಂದರಲ್ಲಿ ಅಳವಡಿಸಲಾಗಿದ್ದ ಮೊಬೈಲ್ ಟವರ್ ಅನ್ನು ಖದೀಮರು ಕಳ್ಳತನ ಮಾಡಿರುವ ಪ್ರಕರಣ ಬೆಳಕಿಗೆ ಬಂದಿದೆ. ನಂತರ ಮನೆಯ ಮಾಲೀಕರು ಅನುಮಾನಗೊಂಡು ಈ ಬಗ್ಗೆ ಮೊಬೈಲ್ ಟವರ್ ಕಂಪನಿ ಜಿಟಿಎಲ್‌ಗೆ ತಿಳಿಸಿದ್ದಾರೆ. ಬಳಿಕ ಕಂಪನಿಯ ಮ್ಯಾನೇಜರ್ ಪಿರ್ ಭೋರ್ ಪೊಲೀಸ್ ಠಾಣೆಯಲ್ಲಿ ಲಿಖಿತ ದೂರು ದಾಖಲಿಸಿದ್ದಾರೆ. ಹೀಗಾಗಿ, ಪೊಲೀಸರು ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.

2006 ರಲ್ಲಿ ಮೊಬೈಲ್ ಟವರ್ ಅಳವಡಿಸಲಾಗಿತ್ತು: ಮಾಹಿತಿ ಪ್ರಕಾರ, 2006ರಲ್ಲಿ ಏರ್​ಸೆಲ್​ ಕಂಪನಿಗೆ ಸೇರಿದ್ದ ಈ ಮೊಬೈಲ್ ಟವರ್ ಅನ್ನು ಜಿಟಿಎಲ್ ಕಂಪನಿ ಖರೀದಿಸಿತ್ತು. ಲಿಖಿತ ಎಫ್‌ಐಆರ್‌ನಲ್ಲಿ ಜಿಟಿಎಲ್ ಕಂಪನಿಯ ಉದ್ಯೋಗಿಗಳು ಎಂದು ಹೇಳಿಕೊಂಡು ಕೆಲವರು ಮೊಬೈಲ್ ಟವರ್ ಅಳವಡಿಸಿದ ಮನೆಗೆ ಬಂದಿದ್ದರು ಎಂದು ಜಿಟಿಎಲ್ ಕಂಪನಿ ತಿಳಿಸಿದೆ. ಬಳಿಕ ಮನೆಯ ಮಾಳಿಗೆಗೆ ತೆರಳಿ 4 ಗಂಟೆಗಳ ಕಾಲ ಮೊಬೈಲ್ ಟವರ್ ತೆರೆದು ಅಲ್ಲಿಂದ ತೆರಳಿದ್ದಾರೆ.

ಸಿಸಿಟಿವಿ ದೃಶ್ಯಾವಳಿ ಪರಿಶೀಲನೆ: ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಸಿಸಿಟಿವಿ ದೃಶ್ಯಾವಳಿ ಆಧರಿಸಿ ಕಳ್ಳರ ಪತ್ತೆಗೆ ಯತ್ನಿಸುತ್ತಿದ್ದಾರೆ. ಜಿಟಿಎಲ್ ಕಂಪನಿಯ ವ್ಯವಸ್ಥಾಪಕ ಮೊಹಮ್ಮದ್ ಶಹನವಾಜ್ ಅನ್ವರ್ ಪ್ರಕಾರ, ಮೊಬೈಲ್ ಟವರ್‌ನ ಒಟ್ಟು ವೆಚ್ಚ 8 ಲಕ್ಷ 32 ಸಾವಿರ ರೂ ಗಳಂತೆ. ಅಪರಿಚಿತ ಕಳ್ಳರ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ಲಿಖಿತ ಎಫ್‌ಐಆರ್ ಕೂಡಾ ದಾಖಲಾಗಿದೆ. ಈ ಹಿಂದೆ ಕಂಪನಿ ತನ್ನದೇ ಮಟ್ಟದಲ್ಲಿ ತನಿಖೆ ನಡೆಸುತ್ತಿದೆ ಎಂದು ವ್ಯವಸ್ಥಾಪಕರು ಹೇಳಿದ್ದಾರೆ.

ಪಾಟ್ನಾದಲ್ಲಿ ಮೊಬೈಲ್ ಟವರ್ ಕಳ್ಳತನದ ಎರಡನೇ ಪ್ರಕರಣ: 4 ತಿಂಗಳುಗಳ ಹಿಂದೆ ಇಂತಹುದೇ ಕಳ್ಳತನ ಪ್ರಕರಣವೊಂದು ನಡೆದಿತ್ತು. ಕಳ್ಳತನ ನಡೆದು ನಾಲ್ಕು ತಿಂಗಳ ನಂತರ ಮೊಬೈಲ್ ಟವರ್ ಕಳ್ಳತನದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಲಾಗಿದೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಪಾಟ್ನಾದಲ್ಲಿ ಮೊಬೈಲ್ ಟವರ್ ಕಳ್ಳತನದ ಎರಡನೇ ಪ್ರಕರಣ ಇದಾಗಿದೆ.

ಅಡವಿಟ್ಟಿದ್ದ ಗೋಲ್ಡ್​ ಕದ್ದ ಮ್ಯಾನೇಜರ್​​ ಬಂಧನ( ಬೆಂಗಳೂರು): ಇನ್ನೊಂದೆಡೆ ಬೆಂಗಳೂರಲ್ಲಿ ಗ್ರಾಹಕರೊಬ್ಬರು ಗೋಲ್ಡ್ ಫೈನಾನ್ಸ್​ನಲ್ಲಿ‌ ಅಡ ಇಟ್ಟಿದ್ದ ಚಿನ್ನಾಭರಣವನ್ನು ಕಳವು ಮಾಡಿದ್ದ ಮ್ಯಾನೇಜರ್ ಅನ್ನು ನಂದಿನಿ ಲೇಔಟ್ ಪೊಲೀಸರು ಬಂಧಿಸಿದ್ದಾರೆ. ಸಿದ್ದೇಶ್ ಬಂಧಿತ ಆರೋಪಿ ಎಂಬುದು ತಿಳಿದುಬಂದಿದೆ. ಆರೋಪಿಯು ಕ್ರಿಕೆಟ್ ಬೆಟ್ಟಿಂಗ್​ಗಾಗಿ ತಾನು ಕೆಲಸ ಮಾಡುತ್ತಿದ್ದ ಕಚೇರಿಯಿಂದ 40 ಗ್ರಾಂ ಚಿನ್ನದ ಆಭರಣವನ್ನು ಎಗರಿಸಿ‌ ಪರಾರಿಯಾಗಿದ್ದ ಎಂಬುದು ತಿಳಿದುಬಂದಿದೆ.

ತುಮಕೂರು ಮಧುಗಿರಿ ಮೂಲದ ಸಿದ್ದೇಶ್ ನಗರದ ನಂದಿನಿ‌ ಲೇಔಟ್​ನಲ್ಲಿ ವಾಸ ಮಾಡುತ್ತಿದ್ದ. ಕಳೆದ ಎರಡೂವರೆ ವರ್ಷಗಳಿಂದ ಗೋಲ್ಡ್ ಫೈನಾನ್ಸ್​ ಕಂಪನಿಯೊಂದರಲ್ಲಿ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದ. ಅಲ್ಲದೇ ಆರೋಪಿಯು ಮಲ್ಲೇಶ್ವರ ಬ್ರಾಂಚ್ ಸೇರಿದಂತೆ ವಿವಿಧ ಕಡೆಗಳಲ್ಲಿ ಮ್ಯಾನೇಜರ್ ಆಗಿ ಕೆಲಸ‌ ಮಾಡುತ್ತಿದ್ದ ಎಂಬುದು ತಿಳಿದು ಬಂದಿದೆ.

ಓದಿ : ಕ್ರಿಕೆಟ್​ ಬೆಟ್ಟಿಂಗ್​: ಅಡವು ಇಟ್ಟಿದ್ದ ಚಿನ್ನಾಭರಣ ಎಗರಿಸಿದ್ದ ಗೋಲ್ಡ್ ಫೈನ್ಸಾನ್ ಮ್ಯಾನೇಜರ್ ಬಂಧನ