ನಳಂದ (ಬಿಹಾರ): ಚಂದ್‌ಪುರ ಗ್ರಾಮದ ಬಳಿಯ ರೈಲು ಹಳಿಗಳು ಹಾನಿಯೊಳಗಾಗಿದ್ದು, ಗ್ರಾಮಸ್ಥರ ಗಮನದಿಂದ ಸಂಭವಿಸಬಹುದಾದ ಭಾರಿ ದುರಂತವೊಂದು ತಪ್ಪಿದೆ.
ಬೇರ್ಪಟ್ಟಿದ್ದ ರೈಲು ಹಳಿಗಳ ಬಗ್ಗೆ ಗ್ರಾಮಸ್ಥರು ಗೇಟ್‌ಮ್ಯಾನ್‌ಗೆ ಮಾಹಿತಿ ನೀಡಿದ್ದು, ಅವರು ಬಿಹಾರ ಶರೀಫ್ ರೈಲು ನಿಲ್ದಾಣದ ಅಧಿಕಾರಿಗಳ ಗಮನಕ್ಕೆ ತರುವ ಮೂಲಕ ಅನಾಹುತವನ್ನು ತಪ್ಪಿಸಿದ್ದಾರೆ. ಅದೃಷ್ಟವಶಾತ್, ಉಳಿದ ದಿನಕ್ಕೆ ಹೋಲಿಸಿದರೆ ಭಾನುವಾರ ರೈಲುಗಳ ಸಂಚಾರ ಕಡಿಮೆ ಇದ್ದ ಕಾರಣ ದೊಡ್ಡ ಅನಾಹುತ ತಪ್ಪಿದೆ.
ಇವು ರಾಜ್‌ಗೀರ್-ಭಕ್ತ್ಯಾರ್‌ಪುರ ರೈಲ್ವೆ ವಿಭಾಗದ ರೈಲು ಹಳಿಗಳಾಗಿದ್ದು, ಇದೇ ಟ್ರ್ಯಾಕ್ ಮೂಲಕ ನವದೆಹಲಿಗೆ ತೆರಳುತ್ತಿದ್ದ ಶ್ರಮಜೀವಿ ಎಕ್ಸ್‌ಪ್ರೆಸ್ ಮತ್ತು ಸರಕು ಸಾಗಣೆ ರೈಲನ್ನು ಹೊರತುಪಡಿಸಿ ಮತ್ತೊಂದು ಎಕ್ಸ್‌ಪ್ರೆಸ್ ರೈಲು, ಸಂಚರಿಸಿದೆ ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ. ಒಂದು ಜೋಡಿ ಪ್ಯಾಸೆಂಜರ್ ರೈಲು ಮತ್ತು ಗೂಡ್ಸ್ ರೈಲು ಈಗಾಗಲೇ ರೈಲು ಹಳಿಗಳ ಮುರಿದ ಭಾಗವನ್ನು ದಾಟಿರುವುದನ್ನು ರೈಲ್ವೆ ಕ್ರಾಸಿಂಗ್‌ನಲ್ಲಿದ್ದ ಗೇಟ್‌ಮ್ಯಾನ್ ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ.
ಇದರಿಂದ ತಕ್ಷಣ ಎಚ್ಚೆತ್ತುಕೊಂಡ ರೈಲು ನಿಲ್ದಾಣದ ಅಧಿಕಾರಿಗಳು ರೈಲ್ವೆ ಹಳಿಗಳ ಬಿರುಕು ಸರಿಪಡಿಸಲು ತಾಂತ್ರಿಕ ತಂಡವನ್ನು ನಿಯೋಜಿಸಿದರು. ಕಾರ್ಮಿಕರು ಹಾನಿಗೊಳಗಾದ ಭಾಗಕ್ಕೆ ಬೆಸುಗೆ ಹಾಕಿ ಮುರಿದ ಟ್ರ್ಯಾಕ್‌ಗಳಲ್ಲಿ ಪ್ಲೇಟ್‌ಗಳನ್ನು ಬಳಸಿ ಸರಿಪಡಿಸಿದ್ದಾರೆ.
ನಂತರ ಈ ಕುರಿತು ಮಾತನಾಡಿದ ರೈಲ್ವೆ ಅಧಿಕಾರಿ ಸುಧಾಂಶು ಕುಮಾರ್ ನಿರಾಲಾ, ಹಾನಿಗೊಳಗಾಗಿದ್ದ ಹಳಿಗಳನ್ನು ಗಮನಿಸಿದ ಗ್ರಾಮಸ್ಥರು ವಿಷಯವನ್ನು ಗೇಟ್‌ಮ್ಯಾನ್‌ನ ಗಮನಕ್ಕೆ ತಂದರು. ರೈಲ್ವೆ ಕ್ರಾಸಿಂಗ್‌ನಲ್ಲಿರುವ ಗೇಟ್‌ಮ್ಯಾನ್ ನಮಗೆ ಮಾಹಿತಿ ನೀಡಿದರು. ನಂತರ ಬಿಹಾರ ಶರೀಫ್ ರೈಲು ನಿಲ್ದಾಣದಿಂದ ತಾಂತ್ರಿಕ ತಂಡ ಅಲ್ಲಿಗೆ ನಿಯೋಜಿಸಲಾಯಿತು. ಹಾನಿಯನ್ನು ಸರಿಪಡಿಸಿದ ನಂತರ, ಮಾರ್ಗದಲ್ಲಿ ರೈಲು ಕಾರ್ಯಾಚರಣೆಯನ್ನು ಪ್ರಾರಂಭಿಸಲಾಯಿತು ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ಜೋಧ್ಪುರ ಸಿಲಿಂಡರ್ ಸ್ಫೋಟ ಪ್ರಕರಣ; 17 ಲಕ್ಷ ರೂ ಪರಿಹಾರ ನೀಡಿದ ರಾಜಸ್ಥಾನ ಸರ್ಕಾರ
