ನವದೆಹಲಿ: ಸರ್ಕಾರಿ ಶಾಲೆಗಳಲ್ಲಿ ಇಂಟರ್ನೆಟ್ ಸೌಲಭ್ಯ ಕುರಿತಂತೆ ಕೇಂದ್ರ ಶಿಕ್ಷಣ ಸಚಿವಾಲಯವು ಅಂಕಿ - ಅಂಶಗಳನ್ನು ನೀಡಿದ್ದು, 20 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶದಲ್ಲಿ ಶೇ.10ಕ್ಕಿಂತಲೂ ಕಡಿಮೆ ಶಾಲೆಗಳು ಇಂಟರ್ನೆಟ್ ಸೌಕರ್ಯ ಹೊಂದಿವೆ. ಇದರಲ್ಲಿ ಕರ್ನಾಟಕ ರಾಜ್ಯವೂ ಒಂದಾಗಿದೆ.
ಸರ್ಕಾರಿ ಶಾಲೆಗಳಲ್ಲಿ ಇಂಟರ್ನೆಟ್ ವ್ಯವಸ್ಥೆ ಕುರಿತ ಲಿಖಿತ ಪ್ರಶ್ನೆಗೆ ಶಿಕ್ಷಣ ಇಲಾಖೆಯ ರಾಜ್ಯ ಖಾತೆ ಸಚಿವೆ ಅನ್ನಪೂರ್ಣ ದೇವಿ ಈ ಮಾಹಿತಿ ನೀಡಿದ್ದಾರೆ. ಚಂಡೀಗಢದಲ್ಲಿ ಶೇ.100ಕ್ಕೆ 100ರಷ್ಟು ಸರ್ಕಾರಿ ಶಾಲೆಗಳು ಇಂಟರ್ನೆಟ್ ವ್ಯವಸ್ಥೆ ಹೊಂದುವ ಮೂಲಕ ಅಗ್ರ ಸ್ಥಾನದಲ್ಲಿ ಇದೆ. ನಂತರ ಲಕ್ಷದ್ವೀಪ - ಶೇ.93.33, ದೆಹಲಿ-ಶೇ.88.18 ಮತ್ತು ಕೇರಳದಲ್ಲಿ ಶೇ.87.16ರಷ್ಟು ಸರ್ಕಾರಿ ಶಾಲೆಗಳು ಅಂತರ್ಜಾಲ ಸೌಕರ್ಯ ಪಡೆದಿದೆ.
ಆದರೆ, ಬಹುಪಾಲು ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶದಲ್ಲಿ ಶೇ.10ಕ್ಕಿಂತಲೂ ಕಡಿಮೆ ಶಾಲೆಗಳು ಇಂಟರ್ನೆಟ್ ವ್ಯವಸ್ಥೆ ಹೊಂದಿವೆ. ಕರ್ನಾಟಕದಲ್ಲಿ ಶೇ.7.75ರಷ್ಟು ಸರ್ಕಾರಿ ಶಾಲೆಗಳಲ್ಲಿ ಇಂಟರ್ನೆಟ್ ಸೌಕರ್ಯ ಇದೆ. ಆಂಧ್ರಪ್ರದೇಶ-ಶೇ.9.10, ಅರುಣಾಚಲ ಪ್ರದೇಶ-ಶೇ.3.44, ಅಸ್ಸೋಂ - 4.32, ಬಿಹಾರ-ಶೇ. 2.05, ಛತ್ತೀಸ್ಗಢ-ಶೇ.3.35, ಗೋವಾ-ಶೇ.8.46, ಜಮ್ಮು-ಕಾಶ್ಮೀರ-ಶೇ.7.75, ಲಡಾಖ್-ಶೇ.1.86, ಮಧ್ಯಪ್ರದೇಶದಲ್ಲಿ ಕೇವಲ ಶೇ.3.44ರಷ್ಟು ಮಾತ್ರ ಸರ್ಕಾರಿ ಶಾಲೆಗಳಲ್ಲಿ ಇಂಟರ್ನೆಟ್ ಇದೆ.
ಅದೇ ರೀತಿಯಾಗಿ ಮಣಿಪುರ - ಶೇ.2.36, ಮೇಘಾಲಯ-ಶೇ.1,27, ಮಿಜೋರಾಂ-ಶೇ.2.35, ನಾಗಾಲ್ಯಾಂಡ್-ಶೇ.3.03, ಒಡಿಶಾ-ಶೇ.2.72, ತೆಲಂಗಾಣ-ಶೇ.8.03, ತ್ರಿಪುರ-ಶೇ.1.61, ಉತ್ತರ ಪ್ರದೇಶ-2.94, ಉತ್ತರಾಖಂಡ್-6.40 ಹಾಗೂ ಪಶ್ಚಿಮ ಬಂಗಾಳದಲ್ಲಿ 9.65ರಷ್ಟು ಸರ್ಕಾರಿ ಶಾಲೆಗಳು ಶಾಲೆಗಳು ಅಂತರ್ಜಾಲ ಸೌಲಭ್ಯ ಹೊಂದಿವೆ. ಯುನಿಫೈಡ್ ಡಿಸ್ಟ್ರಿಕ್ಟ್ ಇನ್ಫಾರ್ಮೇಶನ್ ಸಿಸ್ಟಮ್ ಫಾರ್ ಎಜುಕೇಷನ್ (ಯುಡಿಎಸ್ಇ)ನ 2019-20ರ ವರದಿ ಪ್ರಕಾರ ಈ ಅಂಕಿ - ಅಂಶವನ್ನು ನೀಡಲಾಗಿದೆ ಎಂದು ಸಚಿವರು ತಮ್ಮ ಉತ್ತರದಲ್ಲಿ ಉಲ್ಲೇಖಿಸಿದ್ದಾರೆ.
ಇದನ್ನೂ ಓದಿ: ಹಿಜಾಬ್ ವಿವಾದದ ಬಗ್ಗೆ ಇಂದು ಮಹತ್ವದ ತೀರ್ಪು ಪ್ರಕಟಿಸಲಿರುವ ರಾಜ್ಯದ ಹೈಕೋರ್ಟ್!
