ಜೈಸಲ್ಮೇರ್(ರಾಜಸ್ಥಾನ): ಭಾರತೀಯ ವಾಯುಪಡೆಯ ಫೈಟರ್ ಜೆಟ್ ಮಿಗ್-21 ಯುದ್ಧ ವಿಮಾನ ರಾಜಸ್ಥಾನದ ಜೈಸಲ್ಮೇರ್‌ನಲ್ಲಿ ಪತನಗೊಂಡಿದ್ದು, ವಿಂಗ್ ಕಮಾಂಡರ್ ಹರ್ಷಿತ್ ಸಿನ್ಹಾ ಹುತಾತ್ಮರಾಗಿದ್ದಾರೆ ಎಂದು ಎಂದು ಮೂಲಗಳು ತಿಳಿಸಿವೆ.
ಜೈಸಲ್ಮೇರ್‌ನ ಬಳಿಯ ಭಾರತ-ಪಾಕ್ ಗಡಿ ಸಮೀಪದ ಗ್ರಾಮವೊಂದರ ಬಳಿ ದುರ್ಘಟನೆ ಸಂಭವಿದ್ದು, ಸ್ಥಳಕ್ಕೆ ಉನ್ನತಾಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ಭಾರತೀಯ ವಾಯುಪಡೆ ಸುಮಾರು 8.30ರ ವೇಳೆಗೆ ವಾಯುಪಡೆ ಪಶ್ಚಿಮ ವಲಯದಲ್ಲಿ ತರಬೇತಿ ಪಡೆಯುತ್ತಿದ್ದ ಫೈಟರ್ ಜೆಟ್ ಪತನವಾಗಿದ್ದು, ಮೃತಪಟ್ಟ ವಿಂಗ್ ಕಮಾಂಡರ್ ಅವರ ಕುಟುಂಬಕ್ಕೆ ವಾಯುಪಡೆ ಸಂತಾಪ ಸೂಚಿಸಿದೆ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.
ಇದನ್ನೂ ಓದಿ: ಜಮ್ಮು - ಕಾಶ್ಮೀರದಲ್ಲಿ ಇಬ್ಬರು ಎಲ್ಇಟಿ ಸಹಚರರ ಬಂಧನ
