ಬಿಜಾಪುರ (ಛತ್ತೀಸ್ಗಢ): ದೇಶದ ಯಾರೊಬ್ಬರೂ ಕೋವಿಡ್ ಲಸಿಕೆಯಿಂದ ವಂಚಿತರಾಗದಿರಲೆಂದು ಆರೋಗ್ಯ ಇಲಾಖೆ ಸಾಕಷ್ಟು ಕ್ರಮಗಳನ್ನು ಕೈಗೊಂಡಿದೆ. ಇದಕ್ಕಾಗಿಯೇ ಛತ್ತೀಸ್ಗಢದ ನಕ್ಸಲ್ ಪೀಡಿತ ಪ್ರದೇಶದ ಗ್ರಾಮಗಳಿಗೆ ವೈದ್ಯಕೀಯ ಸಿಬ್ಬಂದಿಯನ್ನು ಕಳುಹಿಸಿಕೊಟ್ಟಿದೆ.
ಇಂದ್ರಾವತಿ ನದಿಯನ್ನು ದೋಣಿ ಮೂಲಕ ದಾಟಿ ಛತ್ತೀಸ್ಗಢದ ಬಿಜಾಪುರ ಜಿಲ್ಲೆಯ ನಕ್ಸಲ್ ಪೀಡಿತ ಅಬುಜ್ಮಾದ್ ಪ್ರದೇಶವನ್ನು ಆರೋಗ್ಯ ಇಲಾಖೆಯ ತಂಡ ತಲುಪಿದೆ. ಗ್ರಾಮಸ್ಥರ ತಪಾಸಣೆ ನಡೆಸಿ, ಕೋವಿಡ್ ಲಸಿಕೆ ನೀಡಲಾಗುತ್ತಿದೆ. ಗರ್ಭಿಣಿಯರಿಗೆ ಅಗತ್ಯ ಸಲಹೆಗಳನ್ನು ನೀಡಲಾಗುತ್ತಿದೆ.
ಇದೀಗ ಅಬುಜ್ಮಾದ್ನ ಗ್ರಾಮದ ಸುಮಾರು 200 ಜನರಿಗೆ ವ್ಯಾಕ್ಸಿನ್ ನೀಡಲಾಗಿದ್ದು, ಜ್ವರ, ರಕ್ತಹೀನತೆ, ಅತಿಸಾರದಿಂದ ಬಳಲುತ್ತಿರುವ 60 ಮಂದಿಗೆ ವೈದ್ಯರು ಚಿಕಿತ್ಸೆ ನೀಡಿದ್ದಾರೆ. ಮಾಸ್ಕ್, ಆಗಾಗ ಕೈ ತೊಳೆಯುವುದು ಸೇರಿದಂತೆ ಕೋವಿಡ್ ಜಾಗೃತಿಯನ್ನು ಗ್ರಾಮಸ್ಥರಲ್ಲಿ ವೈದ್ಯಕೀಯ ಸಿಬ್ಬಂದಿ ಮೂಡಿಸುತ್ತಿದ್ದಾರೆ.
