ಕರ್ನೂಲ್ (ಮಂತ್ರಾಲಯ): ಇಲ್ಲಿನ ಮಂತ್ರಾಲಯ ಮಂಡಲದ ಮಾಲಪಲ್ಲಿ ಎಂಬಲ್ಲಿ ಯಾರದ್ದೇ ಮನೆಗೆ ಹಾವು ಬಂದರೂ ಸಹ ಈ ಉರಗ ರಕ್ಷಕನನ್ನು ಕರೆದು ಹಾವನ್ನು ರಕ್ಷಣೆ ಮಾಡಲಾಗುತ್ತಿತ್ತು. ಆದರೆ ಇಂದು ಅದೇ ವ್ಯಕ್ತಿ ಹಾವು ಕಚ್ಚಿ ಸಾವನ್ನಪ್ಪಿದ್ದಾನೆ.
ರಂಗಸ್ವಾಮಿ ಮೃತ ವ್ಯಕ್ತಿ. ಗ್ರಾಮಕ್ಕೆ ಬಂದ ಹಾವನ್ನು ಹಿಡಿಯಲು ಮುಂದಾದಾಗ ಅದು ಸತ್ತಿದೆ ಎಂದು ಭಾವಿಸಿ, ಮತ್ತೆ ಪರಿಶೀಲನೆ ಮಾಡಲು ಮುಂದಾಗಿದ್ದಾರೆ. ಈ ವೇಳೆ ಹಠತ್ತಾಗಿ ದಾಳಿ ನಡೆಸಿದ ಹಾವು ರಂಗಸ್ವಾಮಿಯ ಪ್ರಾಣ ತೆಗೆದಿದೆ.
ಘಟನೆ ನಡೆದ ತಕ್ಷಣ ಜನರು ರಂಗಸ್ವಾಮಿಯನ್ನು ಚಿಕಿತ್ಸೆಗೆಂದು ಆಸ್ಪತ್ರೆಗೆ ಕರೆದುಕೊಂಡು ತೆರಳಿದರೂ ಸಹ, ದಾರಿ ಮಧ್ಯೆಯೇ ಆತ ಸಾವನ್ನಪ್ಪಿರುವುದಾಗಿ ವೈದ್ಯರು ತಿಳಿಸಿದ್ದಾರೆ.
