ಗಾಜಿಯಾಬಾದ್ : ನಿನ್ನೆ ರೆಸ್ಟೋರೆಂಟ್‌ನಲ್ಲಿ ರೊಟ್ಟಿಗೆ ಉಗುಳು ಹಾಕಿ ತಯಾರು ಮಾಡುತ್ತಿದ್ದ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಈ ಘಟನೆ ಹಿನ್ನೆಲೆ ಹಿಂದೂ ರಕ್ಷಾ ದಳ, ಪೊಲೀಸರಿಗೆ ದೂರು ನೀಡಿದೆ.
ಹಿಂದೂ ರಕ್ಷಣಾ ದಳದ ಕಾರ್ಯಕರ್ತರು ವಿಡಿಯೋದಲ್ಲಿ ಕಂಡ ವ್ಯಕ್ತಿಯನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ದೂರಿನ ಆಧಾರದ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಇನ್ನು, ಈ ಘಟನೆ ಸಂಬಂಧ ಈಟಿವಿ ಭಾರತ ಸುದ್ದಿ ಕೂಡ ಪ್ರಕಟ ಮಾಡಿತ್ತು. ಈ ಹಿನ್ನೆಲೆ ಗಾಜಿಯಾಬಾದ್ ನಗರದ ಕೊತ್ವಾಲಿ ಪ್ರದೇಶದಲ್ಲಿ ದೊಡ್ಡ ಪರಿಣಾಮ ಉಂಟಾಗಿತ್ತು.
ಏನಿದೆ ವಿಡಿಯೋದಲ್ಲಿ?
ರೆಸ್ಟೋರೆಂಟ್‌ನಲ್ಲಿ ರೊಟ್ಟಿ ಮಾಡುವ ವ್ಯಕ್ತಿ ರೊಟ್ಟಿ ತಟ್ಟುವಾಗ ಉಗುಳು ಮಿಶ್ರಣ ಮಾಡಿದ್ದಾನೆ. ಅದೂ ಕೂಡ ಜನರು ಸುತ್ತ ನೆರೆದಿರುವ ಸಂದರ್ಭದಲ್ಲಿ ಈ ಕೆಲಸ ಮಾಡಿದ್ದಾನೆ. ಇದನ್ನು ಯಾರೋ ಮೊಬೈಲ್ನಲ್ಲಿ ಸೆರೆ ಹಿಡಿದು ವೈರಲ್ ಮಾಡಿದ್ದಾರೆ.
ವಿಡಿಯೋದಲ್ಲಿ ಕಾಣಿಸಿಕೊಂಡಿರುವ ವ್ಯಕ್ತಿ ಸೇರಿದಂತೆ ಮೂವರು ಆರೋಪಿಗಳ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಇವರಲ್ಲಿ ಒಬ್ಬನನ್ನು ಬಂಧಿಸಲಾಗಿದೆ.
