ಪ್ರಿಯತಮೆ​, ಆಕೆಯ ತಾಯಿಗೆ ಸೀಮೆಎಣ್ಣೆ ಸುರಿದು ತಾನೂ ಬೆಂಕಿ ಹಚ್ಚಿಕೊಂಡ ಪ್ರೇಮಿ!

ವಿಧಿಯ ಆಟಕ್ಕೆ ಮೂರು ಪ್ರಾಣಗಳು ಬಲಿಯಾಗಿವೆ. ತನ್ನ ಜೊತೆ ಪ್ರಿಯತಮೆ ಮತ್ತು ಆಕೆಯ ತಾಯಿಗೆ ಸಿಮೇಎಣ್ಣೆ ಸುರಿದು ಬೆಂಕಿ ಹಚ್ಚಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ತಮಿಳುನಾಡಿನ ಚೆನ್ನೈನಲ್ಲಿ ನಡೆದಿದೆ.

ಚೆನ್ನೈ: ಪ್ರೇಮಿಯೊಬ್ಬ ತನ್ನ ಪ್ರಿಯತಮೆ ಮತ್ತು ಆಕೆಯ ತಾಯಿಗೆ ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿಕೊಂಡು ಸಾವನ್ನಪ್ಪಿರುವ ಘಟನೆ ಕೊರಕ್ಕು ಪೇಟದಲ್ಲಿ ನಡೆದಿದೆ.

ಇಲ್ಲಿನ ನಿವಾಸಿ ಸತೀಶ್​ (31) ಚಾಲಕನಾಗಿ ಕೆಲಸ ಮಾಡುತ್ತಿದ್ದಾನೆ. ಇದೇ ನಗರ ನಿವಾಸಿ ರಜಿತಾ (26) ಜೊತೆ ಸತೀಶ್​ ಕಳೆದ 7 ವರ್ಷದಿಂದಲೂ ಪ್ರೀತಿಸುತ್ತಿದ್ದಾರೆ. ಆದ್ರೆ ಇವರ ಪ್ರೇಮಕ್ಕೆ ರಜಿತಾ ತಾಯಿಯೇ ವಿಲನ್​ ಆಗಿದ್ದರು.

ಹೌದು, ರಜಿತಾ ತಾಯಿ ವೆಂಕಟಮ್ಮ ಇವರ ಪ್ರೇಮವನ್ನು ನಿರಾಕರಿಸಿದ್ದರು. ಆದ್ರೂ ಇವರಿಬ್ಬರು ಯಾರಿಗೂ ತಿಳಿಯದಂತೆ ಮದುವೆ ಮಾಡಿಕೊಂಡಿದ್ದರು ಎಂಬ ಸಮಾಚಾರವಿದೆ. ಕೆಲ ದಿನಗಳ ಹಿಂದೆ ರಜಿತಾ ತಂದೆ ಮೃತಪಟ್ಟಿದ್ದಾರೆ. ಅವರ ಉದ್ಯೋಗ ರಜಿತಾಳಿಗೆ ಬಂದಿದೆ. ಈ ಹಿನ್ನೆಲೆ ಬೇರೆ ಯುವಕನೊಂದಿಗೆ ವೆಂಕಟಮ್ಮ ತನ್ನ ಮಗಳು ರಜಿತಾಳಿಗೆ ನಿಶ್ಚಿತಾರ್ಥ ಮಾಡಿಸಿದ್ದಾರೆ.

ರಜಿತಾಳಿಗೆ ನಿಶ್ಚಿತಾರ್ಥ ಮಾಡಿರುವ ವಿಷಯ ಸತೀಶ್​ಗೆ ಗೊತ್ತಾಗಿದೆ. ಶುಕ್ರವಾರ ಬೆಳಗಿನ ಜಾವ ರಜಿತಾಳ ಮನೆಗೆ ತೆರಳಿ ಆಕೆಯ ತಾಯಿ ವೆಂಕಟಮ್ಮ ಜೊತೆ ಗಲಾಟೆ ನಡೆಸಿದ್ದಾನೆ. ಮಾತ - ಮಾತಲ್ಲಿ ಇಬ್ಬರು ಮೇಲೆ ಸೀಮೆ ಎಣ್ಣೆ ಸುರಿದು ಬಳಿಕ ತನ್ನ ಮೇಲಿಯೂ ಚುಮಣಿ ಎಣ್ಣೆ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿದ್ದಾನೆ. ಈ ವೇಳೆ ಮೂವರಿಗೂ ಬೆಂಕಿ ತಗುಲಿದ್ದು, ಕೇಕೆ ಹಾಕಿದ್ದಾರೆ. ಇವರ ಕಿರುಚಿಕೊಂಡಿದ್ದ ಶಬ್ದ ಕೇಳೆ ನೆರೆಹೊರೆಯವರು ಇವರ ಮನೆಗೆ ಓಡಿ ಬಂದಿದ್ದಾರೆ. ಕೂಡಲೇ ಅಗ್ನಿಶಾಮಕ ದಳಕ್ಕೆ ಮಾಹಿತಿ ರವಾನಿಸಿದ್ದರು. ಅಷ್ಟೋತ್ತಿಗಾಗಲೇ ಮೂವರು ಬೆಂಕಿಗಾಹುತಿಯಾಗಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಘಟನೆ ಕುರಿತು ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.