ವಿಡಿಯೋ: 400 ಮೀಟರ್​ ಆಳದ ಕಂದಕಕ್ಕೆ ಬಿದ್ದ ಟ್ರಕ್​; ನಿಯಂತ್ರಣ ತಪ್ಪಿ ಬಾವಿಯಲ್ಲಿ ಮುಳುಗಿದ ಕಾರು

ನಿಯಂತ್ರಣ ಕಳೆದುಕೊಂಡ ಕಾರೊಂದು ಕೃಷಿ ಬಾವಿಯಲ್ಲಿ ಬಿದ್ದಿರುವ ಘಟನೆ ತೆಲಂಗಾಣದ ಕರೀಂನಗರ ಜಿಲ್ಲೆಯಲ್ಲಿ ನಡೆದಿದಿದೆ. ಕಾರು ಹೊರ ತೆಗೆಯುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಹೈದರಾಬಾದ್​/ಶಿಮ್ಲಾ: ತೆಲಂಗಾಣದ ಕರೀಂನಗರದ ಚಿಗುರುಮಾಡಿ ವಲಯದ ಚಿನ್ನಮುಲ್ಕನೂರಿನಲ್ಲಿ ನಡೆದ ಅಪಘಾತವೊಂದರಲ್ಲಿ ಕಾರು ಕೃಷಿ ಬಾವಿಯೊಳಗೆ ಬಿದ್ದ ಘಟನೆ ನಡೆದಿದೆ.

ಜಮೀನು ಕೆಲಸಕ್ಕೆ ಹೋಗಿದ್ದ ರೈತನೋರ್ವ ಕೃಷಿ ಬಾವಿಯೊಳಗಿನ ಮೋಟರ್​ ತೆಗೆಯಲು ಹೋಗಿದ್ದ ಸಂದರ್ಭದಲ್ಲಿ ಬಾವಿಯೊಳಗೆ ಕಾರು ಇರುವುದನ್ನು ನೋಡಿದ್ದಾನೆ. ತಕ್ಷಣವೇ ಪಕ್ಕದ ಹೊಲದಲ್ಲಿದ್ದವರಿಗೆ ಮಾಹಿತಿ ನೀಡಲಾಗಿದೆ. ಬಳಿಕ ಸ್ಥಳಕ್ಕಾಗಮಿಸಿದ ಪೊಲೀಸರು ಕಾರು ಹೊರತೆಗೆಯುವಲ್ಲಿ ಯಶಸ್ವಿಯಾದರು. ಘಟನಾ ಸ್ಥಳಕ್ಕೆ ಎನ್​ಡಿಆರ್​ಎಫ್​ ತಂಡವೂ ತಲುಪಿದ್ದು, ಕಾರ್ಯಾಚರಣೆ ನಡೆಸಿದರು. ಸ್ಥಳೀಯರು ಹೇಳುವ ಪ್ರಕಾರ ಕಾರಿನಲ್ಲಿ ಮೂವರು ಇದ್ದರು.