ವಿಜಯವಾಡ, ಆಂಧ್ರಪ್ರದೇಶ: ತನ್ನ ಮಗಳ ವಯಸ್ಸಿನ ಹುಡುಗಿಯ ಮೇಲೆ ಪ್ರತಿದಿನ ಲೈಂಗಿಕ ದೌರ್ಜನ್ಯ ನಡೆಸಿ ಆತ್ಮಹತ್ಯೆಗೆ ಕಾರಣನಾದ ವ್ಯಕ್ತಿಗೆ ನ್ಯಾಯಾಲಯ ಶಿಕ್ಷೆ ವಿಧಿಸಿದೆ. ಎರಡು ತಿಂಗಳಿಂದ ಪ್ರತಿದಿನ ಅವಾಚ್ಯ ಶಬ್ಧಗಳಿಂದ ಕಿರುಕುಳ ನೀಡುತ್ತಿದ್ದುದನ್ನು ತಾಳಲಾರದೇ ಅಪಾರ್ಟ್ಮೆಂಟ್ ಮೇಲಿಂದ ಹಾರಿ ಬಾಲಕಿ ಆತ್ಮಹತ್ಯೆ ಮಾಡಿಕೊಂಡಿದ್ದಳು. ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿ ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪಿ ವಿನೋದ್ ಕುಮಾರ್ ಜೈನ್ (49)ಗೆ ಜೀವಾವಧಿ ಶಿಕ್ಷೆ ಹಾಗೂ ಮೂರು ಲಕ್ಷ ರೂಪಾಯಿ ದಂಡ ವಿಧಿಸಿ ವಿಜಯವಾಡ ಪೋಕ್ಸೊ ನ್ಯಾಯಾಲಯದ ನ್ಯಾಯಾಧೀಶೆ ಎಸ್.ರಜಿನಿ ಬುಧವಾರ ತೀರ್ಪು ನೀಡಿದ್ದಾರೆ.
ವಿವಿಧ ಕಲಂಗಳಡಿ ಪ್ರಕರಣ ದಾಖಲು: ಕಳೆದ ವರ್ಷ ಜ.29ರಂದು ನಡೆದ ಈ ಘಟನೆ ಕುರಿತು ಅಪ್ರಾಪ್ತ ಬಾಲಕಿಯ ಅಜ್ಜ ನೀಡಿದ ದೂರಿನ ಮೇರೆಗೆ ಅದೇ ದಿನ ಭವಾನಿಪುರಂ ಪೊಲೀಸರು ಕಲಂ 306, 354ಎ, 354, 509, 354ಡಿ ಅಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿತ್ತು. POCSO ಕಾಯಿದೆಯ 506, 8 ಮತ್ತು 10 ಅಡಿ ತನಿಖೆ ನಡೆಸಲಾಯಿತು. ಭವಾನಿಪುರಂ ಪಿಎಸ್‌ಐ ಪ್ರಸಾದ್‌ ಪ್ರಕರಣದ ತನಿಖೆ ನಡೆಸಿದ್ದಾರೆ. ಈ ಪ್ರಕರಣದಲ್ಲಿ ವಿಶೇಷ ಸರ್ಕಾರಿ ಅಭಿಯೋಜಕರಾದ ಗುಜ್ಜಲ ನಾಗಿರೆಡ್ಡಿ ಮತ್ತು ಜಿ.ವಿ.ನಾರಾಯಣ ರೆಡ್ಡಿ ಅವರು 20 ಸಾಕ್ಷಿಗಳನ್ನು ವಿಚಾರಣೆಗೊಳಪಡಿಸಿ ಅವರ ಹೇಳಿಕೆಗಳನ್ನು ನ್ಯಾಯಾಲಯದಲ್ಲಿ ದಾಖಲಿಸಿಕೊಂಡರು. ಈ ಪ್ರಕರಣದಲ್ಲಿ ಆರೋಪಿಗೆ ಶಿಕ್ಷೆ ವಿಧಿಸಲಾಗಿದೆ. ಆರೋಪಿ ಕಳೆದ ವರ್ಷ ಫೆಬ್ರವರಿ 1 ರಿಂದ ಬಂಧಿಸಲಾಗಿತ್ತು.
ಅಮಾನುಷ ಅಪರಾಧಕ್ಕೆ ತೀರ್ಪು: ಐಪಿಸಿ ಸೆಕ್ಷನ್ 305 ರ ಅಡಿಯಲ್ಲಿ ಜೀವಾವಧಿ ಶಿಕ್ಷೆ, ರೂ. 1 ಲಕ್ಷ ದಂಡ, ಪೋಕ್ಸೋ ಸೆಕ್ಷನ್ 9(ಎಲ್), 10ರ ಅಡಿ ಏಳು ವರ್ಷಗಳ ಕಠಿಣ ಸೆರೆವಾಸ, ರೂ. 50,000 ದಂಡ, ಪೋಕ್ಸೋ ಕಾಯ್ದೆಯ ಸೆಕ್ಷನ್ 12 ರ ಅಡಿ ಮೂರು ವರ್ಷ, ದಂಡ 50,000, ಐಪಿಸಿ ಸೆಕ್ಷನ್ 354 ಐಪಿಸಿ ಸೆಕ್ಷನ್ 509 ಅಡಿ ಮೂರು ವರ್ಷಗಳ ಕಠಿಣ ಜೈಲು ಶಿಕ್ಷೆ ಮತ್ತು 50 ಸಾವಿರ ರೂಪಾಯಿ ದಂಡ ವಿಧಿಸಲಾಗಿದೆ ಎಂದು ನ್ಯಾಯಾಧೀಶರು ತೀರ್ಪಿನಲ್ಲಿ ತಿಳಿಸಿದ್ದಾರೆ.
ಈ ಎಲ್ಲ ಶಿಕ್ಷೆಯನ್ನು ಏಕಕಾಲದಲ್ಲಿ ಜಾರಿಗೊಳಿಸಿ, ಸಂತ್ರಸ್ತ ಕುಟುಂಬಕ್ಕೆ 3 ಲಕ್ಷ ಮತ್ತು 2.4 ಲಕ್ಷ ರೂಪಾಯಿ ದಂಡ ಪಾವತಿಸಬೇಕು ಎಂದು ಕೋರ್ಟ್ ಆದೇಶಿಸಿದೆ. ಈ ಪ್ರಕರಣವನ್ನು ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿ, ಆಕೆಯ ಸಾವಿಗೆ ಕಾರಣವಾದ ಮತ್ತು ಆಕೆಯ ಪೋಷಕರನ್ನು ಭಾವನಾತ್ಮಕವಾಗಿ ಸಂಕಷ್ಟಕ್ಕೆ ಸಿಲುಕಿಸುವ ಘೋರ ಅಪರಾಧ ಎಂದು ಪರಿಗಣಿಸಬೇಕು ಅಂತಾ ನ್ಯಾಯಾಧೀಶರು ತೀರ್ಪು ನೀಡಿದ್ದಾರೆ.
ನಡೆದಿದ್ದೇನು?: ವಿದ್ಯಾಧರಪುರಂನ ಕುಮ್ಮರಿಪಾಲೆಂ ಸೆಂಟರ್ನಲ್ಲಿರುವ ಅಪಾರ್ಟ್ಮೆಂಟ್ವೊಂದರಲ್ಲಿ ವಾಸವಿರುವ ವಿನೋದ್ ಜೈನ್ ಅದೇ ಅಪಾರ್ಟ್ಮೆಂಟ್ನಲ್ಲಿ ವಾಸವಿದ್ದ 13 ವರ್ಷದ ಬಾಲಕಿಯೊಂದಿಗೆ ಅನುಚಿತವಾಗಿ ವರ್ತಿಸುತ್ತಿದ್ದ ಎಂದು ತಿಳಿದು ಬಂದಿದೆ.
2 ತಿಂಗಳ ಕಾಲ ಪ್ರತಿದಿನ ಬಾಲಕಿಗೆ ನರಕ ತೋರಿಸುತ್ತಿದ್ದ. ನಿತ್ಯ ಮನೆಯಿಂದ ಹೊರಗೆ ಹೋಗುವಾಗ ಬಾಲಕಿಯ ದೇಹವನ್ನು ಮುಟ್ಟಿ ವಾಪಸ್ ಬರುವಾಗ ಅಸಭ್ಯವಾಗಿ ಮಾತನಾಡುತ್ತಿದ್ದ. ಅಪಾರ್ಟ್ಮೆಂಟ್ ಮೆಟ್ಟಿಲುಗಳ ಮೇಲೆ ಬಾಲಕಿ ಹಿಂಬಾಲಿಸುತ್ತಿದ್ದ. ಮತ್ತು ಬಾಲಕಿಯನ್ನು ಎತ್ತಿಕೊಂಡು ಅನುಚಿತವಾಗಿ ವರ್ತಿಸುತ್ತಿದ್ದ. ಪೋಷಕರಿಗೆ ಹೇಳಿದರೆ ಮುಂದೆ ಏನಾಗುತ್ತೋ ಎಂಬ ಆತಂಕದಲ್ಲಿ ಬಾಲಕಿ ಕಾಲ ಕಳೆಯುತ್ತಿದ್ದಳು. ಮತ್ತೊಂದೆಡೆ ಆತನ ಕಿರುಕುಳ ಹೆಚ್ಚಾಗುತ್ತಿತ್ತು. ಇದರಿಂದ ಬೇಸತ್ತ ಬಾಲಕಿ ಕಳೆದ ವರ್ಷ ಜನವರಿ 29 ರಂದು ಸಂಜೆ 5 ಗಂಟೆಗೆ ಅಪಾರ್ಟ್ಮೆಂಟ್ನ ಟೆರೇಸ್ನಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಳು.
ಪ್ರಮುಖ ಸಾಕ್ಷಿಯಾದ ಡೆತ್ನೋಟ್: ಆತ್ಮಹತ್ಯೆಗೂ ಮುನ್ನ ಬಾಲಕಿ 3 ಪುಟಗಳ ಡೆತ್ನೋಟ್ ಬರೆದಿದ್ದರು. ವಿನೋದ್ ಜೈನ್ ಕಿರುಕುಳದಿಂದ ಬೇಸತ್ತಿರುವುದಾಗಿ ಪತ್ರದಲ್ಲಿ ಉಲ್ಲೇಖಿಸಿದ್ದಳು. 'ಅಮ್ಮಾ.. ಈ ವಿಷಯವನ್ನು ನಾನು ಆರಂಭದಲ್ಲಿ ಹೇಳಲು ಆಗಲಿಲ್ಲ. ನನಗೆ ತುಂಬಾ ಭಯವಾಯಿತು. ಜೀವನದಲ್ಲಿ ಬೇರೆ ಸಮಸ್ಯೆಯಾಗಿದ್ದರೆ ನಾನು ಸಾಯುತ್ತಿರಲಿಲ್ಲ. ಆದರೆ, ನಾನು ಆ ವಿಷಯದಲ್ಲಿ ಏನನ್ನೂ ಮಾಡಲು ಸಾಧ್ಯವಾಗಲಿಲ್ಲ. ಇದಕ್ಕೆಲ್ಲ ವಿನೋದ್ ಜೈನ್ ಕಾರಣ. ಕಳೆದ ಎರಡು ತಿಂಗಳಿಂದ ಆತ ನನಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದ. ಅವನು ಆಗಾಗ ನನ್ನ ದೇಹವನ್ನು ಮುಟ್ಟಿ ಕಿರುಕುಳ ನೀಡುತ್ತಿದ್ದ ಎಂದು ಬಾಲಕಿ ಡೆತ್ನೋಟ್ನಲ್ಲಿ ಬರೆದುಕೊಂಡಿದ್ದಾರೆ.
ನಿನ್ನನ್ನು ಬಿಟ್ಟು ಹೋಗೋಕೆ ಮನಸ್ಸಿಲ್ಲದಿದ್ದರೂ ನನಗೆ ತಪ್ಪದ ಪರಿಸ್ಥಿತಿ ಬಂದಿದೆ.. ಇದು ನನ್ನ ಕೊನೆಯ ದಿನ ಎಂದು ಇಂಗ್ಲಿಷ್ನಲ್ಲಿ ಡೆತ್ನೋಟ್ ಬರೆದಿಟ್ಟಿದ್ದರು ಬಾಲಕಿ. ಘಟನೆ ನಡೆಯುವ 2 ದಿನಗಳ ಮೊದಲು ಆಕೆ ತನ್ನ ಮೊಬೈಲ್‌ನಲ್ಲಿ 19 ಬಾರಿ 'ಐ ವಾಂಟ್‌ ಟು ಡೈ' ಎಂದು ಟೈಪ್ ಮಾಡಿದ್ದರು. ಬಾಲಕಿ ತನ್ನ ಕೈಬರಹದಲ್ಲಿ ಬರೆದಿರುವ ಪತ್ರ ಪ್ರಕರಣಕ್ಕೆ ಪ್ರಮುಖ ಸಾಕ್ಷಿಯಾಗಿದೆ. ವಿಧಿವಿಜ್ಞಾನ ತಜ್ಞರು ಬಾಲಕಿಯ ಕೈಬರಹವನ್ನು ಖಚಿತಪಡಿಸಿದ್ದಾರೆ. ಇದು ವಿನೋದ್ ಜೈನ್ ಆರೋಪಿಗಳಿಗೆ ಶಿಕ್ಷೆಯಾಗಲು ಸಹಾಯ ಮಾಡಿತು.
ಓದಿ: ಸಿಂಗಾಪುರದಲ್ಲಿ ಸಹೋದ್ಯೋಗಿ ಜೊತೆ ಸ್ವಂತ ಸೊಸೆ ಮದುವೆ ಮಾಡಿದ್ದ ಭಾರತೀಯ ವ್ಯಕ್ತಿಗೆ ಜೈಲು ಶಿಕ್ಷೆ
