ಪಾಟ್ನಾ(ಬಿಹಾರ): ಇತ್ತೀಚಿನ ದಿನಗಳಲ್ಲಿ ಆನ್ಲೈನ್ ಶಾಪಿಂಗ್ ಹೆಚ್ಚಾಗಿ ನಡೆಯುತ್ತಿದ್ದು, ಲಕ್ಷಾಂತರ ಗ್ರಾಹಕರು ತಮ್ಮಿಷ್ಟದ ಸಾಮಗ್ರಿ ವಿವಿಧ ಆನ್ಲೈನ್ ಕಂಪನಿಗಳ ಮೂಲಕ ಆರ್ಡರ್ ಮಾಡಿ ಪಡೆದುಕೊಳ್ಳುತ್ತಿದ್ದಾರೆ. ಇದರ ಮಧ್ಯೆ ಅನೇಕ ಮೋಸ ಸಹ ನಡೆಯುತ್ತಿದ್ದು, ಅಂತಹದೊಂದು ಪ್ರಕರಣ ಸದ್ಯ ಬಿಹಾರದಲ್ಲಿ ಬೆಳಕಿಗೆ ಬಂದಿದೆ.
ದೆಹಲಿಯಲ್ಲಿರುವ ವ್ಯಕ್ತಿಯೊಬ್ಬ ಪಾಟ್ನಾದಲ್ಲಿರುವ ತನ್ನ ತಂದೆಗೋಸ್ಕರ ಆನ್ಲೈನ್ನಲ್ಲಿ ಲ್ಯಾಪ್ಟಾಪ್ ಆರ್ಡರ್ ಮಾಡಿದ್ದರು. ಆದರೆ, ಲ್ಯಾಪ್ಟಾಪ್ ಬದಲಿಗೆ ಇಟ್ಟಿಗೆ ಹಾಗೂ ಕೆಲವೊಂದು ಪುಸ್ತಕ ಬಂದಿವೆ. ಅಮೆಜಾನ್ ಕಂಪನಿಯಿಂದ ಈ ಎಡವಟ್ಟು ನಡೆದಿದೆ.
ಇದನ್ನೂ ಓದಿರಿ: ಸಚಿವರ ಬರ್ತಡೇ ಕಾರ್ಯಕ್ರಮದಲ್ಲಿ ಭಾಗಿಯಾಗದ ಆರೋಪ..ನಾಲ್ವರು ಸರ್ಕಾರಿ ನೌಕರರ ಅಮಾನತು,ನೋಟಿಸ್ ಜಾರಿ
ದೆಹಲಿಯಲ್ಲಿ ಕೆಲಸ ಮಾಡುತ್ತಿರುವ ಸೌರವ್ ಸುಮನ್ ತನ್ನ ತಂದೆ ಶ್ಯಾಮ್ ಸುಂದರ್ ಪ್ರಸಾದ್ಗೋಸ್ಕರ ಅಮೆಜಾನ್ ಆನ್ಲೈನ್ ಮೂಲಕ ಲ್ಯಾಪ್ಟಾಪ್ ಆರ್ಡರ್ ಮಾಡಿದ್ದರು. ಕಳೆದ ಬುಧವಾರ ಆರ್ಡರ್ ಬಂದಿದೆ. ಅದನ್ನ ತೆರೆದು ನೋಡಿದಾಗ ಅದರೊಳಗೆ ಇಟ್ಟಿಗೆ ಹಾಗೂ ಕೆಲವೊಂದು ಪುಸ್ತಕ ಕಂಡು ಬಂದಿವೆ. ಇನ್ನೂ ಲ್ಯಾಪ್ಟಾಪ್ಗೋಸ್ಕರ ಸೌರವ್ ಮುಂಗಡವಾಗಿ 34,600 ರೂಪಾಯಿ ಪಾವತಿ ಮಾಡಿದ್ದರು ಎಂದು ತಿಳಿದು ಬಂದಿದೆ. ಇದಕ್ಕೆ ಸಂಬಂಧಿಸಿದಂತೆ ಸೌರವ್ ಪ್ರಕರಣ ದಾಖಲು ಮಾಡಿದ್ದು, ತನಿಖೆ ನಡೆಸಲು ಜುಲೈ 31ರವರೆಗೆ ಕಾಲಾವಕಾಶ ಕೇಳಿದೆ. ಈ ಹಿಂದೆ ಸಹ ಇಂತಹ ಅನೇಕ ಘಟನೆಗಳು ನಡೆದಿರುವ ಬಗ್ಗೆ ವರದಿಯಾಗಿವೆ.
