ಮುಂಬೈ(ಮಹಾರಾಷ್ಟ್ರ): ರಾಜ್ಯದಲ್ಲಿ ಸುರಿಯುತ್ತಿರುವ ಭಾರಿ ಮಳೆಯಿಂದಾಗಿ ಬಹುತೇಕ ಭಾಗಗಳಲ್ಲಿ ಭೂ ಕುಸಿತ ಉಂಟಾಗಿದ್ದು, ನೂರಾರು ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಕೊಲ್ಲಾಪುರ ಜಿಲ್ಲೆಯ ಗಗನ್ ಬೌಡಾ ತಾಲೂಕಿನ ಧುಂಡ್ವಾಡೆ ಗ್ರಾಮದ ರಸ್ತೆ ಕುಸಿದಿದ್ದು, ಅಂಡೂರು ಅಣೆಕಟ್ಟು ಕುಸಿಯುವ ಭೀತಿ ಶುರುವಾಗಿದೆ.
ಈ ರಸ್ತೆ ಕುಸಿದಿದ್ದರಿಂದ 15-20 ಗ್ರಾಮಗಳ ಸಂಪರ್ಕ ಕಡಿತವಾಗಿದ್ದು, ಜನತೆ ಪರದಾಡುತ್ತಿದ್ದಾರೆ. ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ತಾಲೂಕಿನ ಧುಂಡ್ವಾಡೆ, ಚೌಧರ್ವಾಡಿ, ಖೇರಿವಾಡೆ, ಶೆಲೋಶಿ, ಜಾರ್ಗಿ, ಗರಿವಾಡೆ, ಬೊರ್ಬೆಟ್, ಬವೇಲಿ, ಕಡ್ವೆ, ಚೌಕೆ, ಮ್ಯಾನ್‌ಬೆಟ್, ಕಂದ ಗಾಂವ್, ರಾಹಿ, ಮಸೂರ್ಲಿ, ಗವಾಶಿ, ಕೊನೊಲಿ ಗ್ರಾಮಗಳ ಸಂಪರ್ಕ ಕಡಿತಗೊಂಡಿದೆ.
ಭೂ ಕುಸಿತ, ಏರುತ್ತಿರುವ ಸಾವಿನ ಸಂಖ್ಯೆ
ಅಂಬೆಘರ್, ಧೋಕವಾಲೆ, ಮಿರ್ಗಾಂವ್ನಲ್ಲಿ ನಿನ್ನೆ ಸಂಭವಿಸಿದ ಭೂ ಕುಸಿತದಲ್ಲಿ ಅಂದಾಜು 21 ಮಂದಿ ಮೃತಪಟ್ಟಿದ್ದಾರೆ. 8 ಮಂದಿ ನಾಪತ್ತೆಯಾಗಿದ್ದಾರೆ. ನಾಪತ್ತೆಯಾದವರಿಗಾಗಿ ಎನ್ಡಿಆರ್ಎಫ್ ತಂಡ ಶೋಧ ಕಾರ್ಯ ನಡೆಸುತ್ತಿದೆ.
ಇದನ್ನೂ ಓದಿ : ಮಹಾರಾಷ್ಟ್ರದಲ್ಲಿ ಮಳೆ ಅಬ್ಬರ: 112 ಜನ ಸಾವು, 99 ಮಿಸ್ಸಿಂಗ್
ಭಾರಿ ಅವಾಂತರಗಳು ಸಂಭವಿಸಿರುವ ಹಿನ್ನೆಲೆ ಇಂದು ಸಿಎಂ ಉದ್ಧವ್ ಠಾಕ್ರೆ ಸತಾರಾಗೆ ಭೇಟಿ ನೀಡಿ, ಪರಿಶೀಲಿಸದ್ದಾರೆ. ಮೃತರ ಕುಟುಂಬಗಳಿಗೆ ಸಾಂತ್ವನ ಹೇಳಲಿದ್ದಾರೆ.
