ಮುಂಬೈ (ಮಹಾರಾಷ್ಟ್ರ): ಮುಂಬೈನ ಸುಪ್ರಸಿದ್ದ ಲಾಲ್ಬಾಗ್ ಚಾ ರಾಜ ಗಣಪತಿಗೆ ಸಮರ್ಪಿಸಲಾಗಿದ್ದ ವಸ್ತುಗಳ ಹರಾಜು ಭಾನುವಾರದಿಂದ ಪ್ರಾರಂಭವಾಗಿದೆ. ಗಣೇಶ ಚುತುರ್ಥಿಯಂದು ಈ ಗಣಪನಿಗೆ ಚಿನ್ನ ಮತ್ತು ಬೆಳ್ಳಿ ಸೇರಿದಂತೆ ಹಲವಾರು ವಸ್ತುಗಳನ್ನು ಅರ್ಪಿಸಲಾಗಿತ್ತು. ಈ ಎಲ್ಲಾ ವಸ್ತುಗಳ ಹರಾಜು ಕಾರ್ಯಕ್ರಮ ಆರಂಭವಾಗಿದೆ.
ಈ ಬಗ್ಗೆ ಈಟಿವಿ ಭಾರತಕ್ಕೆ ಪ್ರತಿಕ್ರಿಯೆ ನೀಡಿರುವ ಮಂಡಳಿಯ ಕಾರ್ಯದರ್ಶಿ ಸುಧೀರ್ ಸಾಲ್ವಿ, ಲಾಲ್ಬಾಗ್ ಚಾ ಗಣಪನಿಗೆ ಅರ್ಪಿಸಲಾಗಿದ್ದ ವಸ್ತುಗಳ ಹರಾಜು ನಡಯುತ್ತಿದೆ. ಎಂದಿನಂತೆ ಈ ಬಾರಿಯೂ ಹರಾಜಿಗೆ ಭಕ್ತರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
2021 ರಲ್ಲಿ ಲಾಲ್ಬಾಗ್ ಚಾ ರಾಜ ಧರಿಸಿದ್ದ ಚಿನ್ನ ಮತ್ತು ಬೆಳ್ಳಿಯ ಆಭರಣಗಳನ್ನು ಹರಾಜು ಮಾಡಲಾಯಿತು. ಸುಮಾರು 3.5 ಕೆಜಿ ಚಿನ್ನ ಮತ್ತು 64 ಕೆಜಿ ಬೆಳ್ಳಿಯನ್ನು ಈ ವರ್ಷ ಹರಾಜು ಮಾಡಲಾಗುತ್ತಿದೆ ಎಂದರು. ಭಕ್ತರಿಂದ ಉತ್ತಮ ಸ್ಪಂದನೆ ದೊರೆತರೆ 1 ಕೆಜಿ ಚಿನ್ನದ ಸರವನ್ನು ಇಂದು ಮಾರಾಟ ಮಾಡಲಾಗುವುದು. ಇಂದು 52 ಚಿನ್ನಾಭರಣ ಹಾಗೂ 72 ಬೆಳ್ಳಿಯ ವಸ್ತುಗಳನ್ನು ಹರಾಜು ಮಾಡಲಾಗುವುದು ಎಂದು ಅವರು ಹೇಳಿದರು. ಲಾಲ್ಬಾಗ್ ಚಾ ರಾಜನ ಪಾದಕ್ಕೆ ಅರ್ಪಿಸಲಾಗಿದ್ದ ಕಾರೊಂದು 1 ಲಕ್ಷ 65 ಸಾವಿರ ರೂಪಾಯಿಗೆ ಹರಾಜುಗೊಂಡಿದೆ. ಜತೆಗೆ ಐದು ತೊಲ ಚಿನ್ನದ ನೆಕ್ಲೇಸ್ ಮೂರು ಲಕ್ಷ 33 ಸಾವಿರದ 333 ರೂಪಾಯಿಗೆ ಮಾರಾಟವಾಗಿದೆ. ಹಾಗೆ ಮರದಿಂದ ತಯಾರಿಸಿದ್ದ ಬ್ಯಾಟ್ವೊಂದು 20 ಸಾವಿರ ರೂಪಾಯಿಗೆ ಭಕ್ತರೊಬ್ಬರು ಖರೀದಿಸಿದ್ದಾರೆ ಎಂದು ಮಂಡಳಿಯ ಕಾರ್ಯದರ್ಶಿ ಸುಧೀರ್ ಸಾಲ್ವಿ ಮಾಹಿತಿ ನೀಡಿದ್ದಾರೆ.
1.20 ಕೋಟಿಗೆ ಹರಾಜಾದ ಲಡ್ಡು: ಕಳೆದ ವಾರ ಹೈದರಬಾದನಲ್ಲಿ ಗಣೇಶ ನಿಮ್ಮಜನೆ ದಿನ ಬಂಡ್ಲಗೂಡದ ಗಣಪನ ಲಡ್ಡು ಬರೋಬ್ಬರಿ 1.20 ಕೋಟಿಗೆ ಹರಾಜುಗೊಂಡಿತ್ತು. ಕೀರ್ತಿ ರಿಚ್ಮಂಡ್ ವಿಲ್ಲಾ ಕಮ್ಯೂನಿಟಿ ಗ್ರೂಪ್ ಈ ಲಡ್ಡುವನ್ನು ಪಡೆದುಕೊಂಡಿತ್ತು. ಕಳೆದ ವರ್ಷ ಇದೇ ಗಣಪನ ಲಡ್ಡು 60.80 ಲಕ್ಷ ರೂಗೆ ಬಿಕರಿಯಾಗಿತ್ತು. 2021ರಲ್ಲಿ 41 ಲಕ್ಷ ರೂ ಗೆ ಲಡ್ಡು ಹರಾಜುಗೊಂಡಿತ್ತು. ಮತ್ತೊಂದೆಡೆ ಹೈದರಾಬಾದ್ನ ಸುಪ್ರಸಿದ್ದ ಬಾಲಾಪೂರ್ ಗಣಪತಿಯ ಲಡ್ಡು 27 ಲಕ್ಷ ರೂಗೆ ಹರಾಜಾಗಿತ್ತು. ಕಳೆದ 28 ವರ್ಷಗಳಿಂದ ಪ್ರತಿವರ್ಷ ಬಾಲಾಪೂರ್ ಗಣಪನ ಲಡ್ಡು ಹರಾಜು ಕಾರ್ಯಕ್ರಮ ನಡೆಯುತ್ತ ಬಂದಿದೆ. 1994ರಲ್ಲಿ ಮೊದಲ ಬಾರಿಗೆ ಬಾಲಾಪೂರ್ ಗಣೇಶ ಲಡ್ಡು 450 ರೂಪಾಯಿಗೆ ಹರಾಜಾ ಮಾಡಲಾಗಿತ್ತು. ಕಳೆದ ವರ್ಷ 24.60 ಲಕ್ಷ ರೂ ಲಡ್ಡುವನ್ನು ಭಕ್ತರೊಬ್ಬರ ಪಡೆದಿದ್ದರು.
ಇದನ್ನೂ ಓದಿ: ಅಬ್ಬಾ! ಬರೋಬ್ಬರಿ 1.20 ಕೋಟಿ ರೂಗೆ ಗಣಪತಿ ಲಡ್ಡು ಹರಾಜು...
