ಕೊಲ್ಹಾಪೂರ (ಮಹಾರಾಷ್ಟ್ರ): ಪ್ರೀತಿಯ ಸೂಚಕವಾಗಿ ಕೊಲ್ಹಾಪುರದ ಯುವಕನೋರ್ವ ತನ್ನ ಚಿಕ್ಕಮ್ಮನಿಗೆ ಬೆಳ್ಳಿ ಚಪ್ಪಲಿ ಉಡುಗೊರೆಯಾಗಿ ನೀಡಿದ್ದಾನೆ. ಈ ಚಪ್ಪಲಿ ತಯಾರಿಸಲು ಯುವರಾಜ್ ಘೋರ್ಪಾಡೆ ಎಂಬಾತ ಕೊಲ್ಹಾಪುರದ ವಿಶೇಷ ಆಭರಣ ವ್ಯಾಪಾರಿಯನ್ನು ಸಂಪರ್ಕಿಸಿದ್ದಾನೆ.
ಜಯಶ್ರೀ ಅವರಿಗೆ 240 ಗ್ರಾಂ ತೂಕದ ಒಂದು ಜೋಡಿ ಬೆಳ್ಳಿ ಚೆಪ್ಪಲಿ ಉಡುಗೊರೆಯಾಗಿ ನೀಡಿದ್ದು, ಇದರ ಬೆಲೆ ಸುಮಾರು 20 ಸಾವಿರ ರೂ. ಆಗಿದೆ. 2010ರಲ್ಲಿ ಚಿಕ್ಕ ವಯಸ್ಸಿನವನಾಗಿದ್ದ ವೇಳೆ ಯುವರಾಜ್ ಹೆತ್ತವರನ್ನ ಕಳೆದುಕೊಂಡ ನಂತರ ಆತನನ್ನು ನೋಡಿಕೊಳ್ಳಲು ಯಾರೂ ಇರಲಿಲ್ಲ. ಈ ವೇಳೆ ಈತನ ಜವಾಬ್ದಾರಿ ಹೊತ್ತುಕೊಂಡಿದ್ದು ಗಂಡನನ್ನು ಕಳೆದುಕೊಂಡಿದ್ದ ಜಯಶ್ರಿ. ಸಾಂಗ್ಲಿಯಲ್ಲಿ ಜೆರಾಕ್ಸ್ ಅಂಗಡಿ ನಡೆಸುತ್ತಿದ್ದ ಇವರು, ಯುವರಾಜ್ನನ್ನು ತನ್ನ ಮಗನಂತೆ ಬೆಳೆಸಿದ್ದಾರೆ.
ಈಟಿವಿ ಭಾರತ್ ಜತೆ ಮಾತನಾಡಿರುವ ಯುವರಾಜ್, ನನ್ನ ತಾಯಿ ನಿಧನದ ಬಳಿಕ ಚಿಕ್ಕಮ್ಮ ನನ್ನನ್ನು ನೋಡಿಕೊಂಡಿದ್ದು, ಯಾವಾಗಲೂ ಅನಾಥನಂತೆ ಭಾವಿಸಲಿಲ್ಲ. ಹಾಗಾಗಿ ಕೃತಜ್ಞತೆ ವ್ಯಕ್ತಪಡಿಸಲು ಈ ನಿರ್ಧಾರ ಕೈಗೊಂಡಿದ್ದಾಗಿ ತಿಳಿಸಿದ್ದಾರೆ.
