ಅಬುದಾಬಿ: ನಿಗದಿತ ಓವರ್ಗಳ ಕ್ರಿಕೆಟ್ನಲ್ಲಿ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ವಿಶ್ವದ ಅತ್ಯುತ್ತಮ ಬ್ಯಾಟ್ಸ್ಮನ್ ಹಾಗೂ ರವೀಂದ್ರ ಜಡೇಜಾ ಉತ್ತಮ ಆಲ್ರೌಂಡರ್ ಎಂದು ಶ್ರೀಲಂಕಾ ಮಧ್ಯಮ ಕ್ರಮಾಂಕದ ಬೌಲರ್ ಇಸುರು ಉದಾನ್ ಹೇಳಿದ್ದಾರೆ.
ಇದನ್ನೂ ಓದಿ: ಟೆಸ್ಟ್ನಲ್ಲಿ 40 ರಿಂದ 50 ಓವರ್ ಎಸೆಯಲು ಸಿದ್ಧ: ವಾಷಿಂಗ್ಟನ್ ಸುಂದರ್
ಮಿಚೆಲ್‌ ಸ್ಟಾರ್ಕ್ ವಿಶ್ವದ ಉತ್ತಮ ಬೌಲರ್ ಎಂದು ಅವರು ಹೇಳಿದ್ದಾರೆ. ಮುಂಬರುವ ಅಬುದಾಬಿ ಟಿ10 ಕ್ರಿಕೆಟ್ ಲೀಗ್ನಲ್ಲಿ ಕ್ರಿಸ್ ಗೇಲ್ ನೇತೃತ್ವದ ತಂಡವನ್ನು ಇಸುರು ಉದಾನ್ ಎದುರಿಸಲಿದ್ದು, ಬಾಂಗ್ಲಾ ಟೈಗರ್ಸ್ ತಂಡದ ಪರ ಆಡಲಿದ್ದಾರೆ. ಈ ಪಂದ್ಯ ಜನವರಿ 28ರಂದು ಶೇಖ್ ಜಾಯೆದ್ ಕ್ರೀಡಾಂಗಣದಲ್ಲಿ ನಡೆಯಲಿದೆ.
ಕ್ರಿಸ್ ಗೇಲ್ ವಿರುದ್ಧ ತಾವು ಉತ್ತಮ ಪ್ಲಾನ್ ಮಾಡಿಕೊಂಡಿದ್ದು, ಬೌಲಿಂಗ್ನಲ್ಲಿ ಅವರ ವಿಕೆಟ್ ಪಡೆದುಕೊಳ್ಳಲು ಹೊಸ ಯೋಜನೆ ರೂಪಿಸಿರುವುದಾಗಿ ಅವರು ತಿಳಿಸಿದ್ದಾರೆ. ಜೊತೆಗೆ ತಮ್ಮದು ಉತ್ತಮ ತಂಡವೆಂದೂ ಹೇಳಿದ್ದಾರೆ.
ಲಾಕ್ಡೌನ್ ಸಮಯದಲ್ಲಿ ರನ್ನಿಂಗ್ ಮಾಡುವುದು ಹಾಗೂ ಜಿಮ್ಗೆ ಹೋಗುವುದು ತುಂಬಾ ಕಠಿಣವಾಗಿತ್ತು. ಈ ಸಮಯದಲ್ಲಿ ನಾವು ಆತ್ಮವಿಶ್ವಾಸ ಕಾಯ್ದುಕೊಳ್ಳುವುದು ಅತೀ ಅವಶ್ಯವಾಗಿತ್ತು ಎಂದರು.
ಇಸುರು ಉದಾನ್ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಭಾಗವಾಗಿದ್ದಾರೆ.
