JK Earthquake: ಕಣಿವೆ ನಾಡಿನಲ್ಲಿ ಪದೇ ಪದೆ ಕಂಪಿಸುತ್ತಿರುವ ಭೂಮಿ.. ಬೆಚ್ಚಿಬಿದ್ದ ಜನ

Jammu and Kashmir Earthquake: ಕಣಿವೆ ನಾಡಿನಲ್ಲಿ ಪದೇ ಪದೆ ಭೂಮಿ ಕಂಪಿಸುತ್ತಿದ್ದು, ಇಲ್ಲಿನ ವಾಸಿಗಳು ಬೆಚ್ಚಿ ಬೀಳುತ್ತಿದ್ದಾರೆ.

ಕತ್ರಾ (ಜಮ್ಮು ಮತ್ತು ಕಾಶ್ಮೀರ): ಬುಧವಾರ ನಸುಕಿನಲ್ಲಿ ಜಮ್ಮು ಮತ್ತು ಕಾಶ್ಮೀರದ ಕತ್ರಾ ಪಟ್ಟಣದಲ್ಲಿ ಭೂಮಿ ಕಂಪಿಸಿದೆ. ಭೂಕಂಪನದ ತೀವ್ರತೆಯು ರಿಕ್ಟರ್ ಮಾಪಕದಲ್ಲಿ 4.3 ರಷ್ಟಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಬೆಳಗಿನ ಜಾವ 2.20ರ ಸುಮಾರಿಗೆ ಭೂಕಂಪ ಸಂಭವಿಸಿದೆ. ರಿಕ್ಟರ್ ಮಾಪಕದಲ್ಲಿ 4.3 ತೀವ್ರತೆಯ ಭೂಕಂಪವು ಜಮ್ಮು ಮತ್ತು ಕಾಶ್ಮೀರದ ಕತ್ರಾದಿಂದ (Jammu and Kashmir Earthquake) ಸುಮಾರು 81 ಕಿಮೀ ದೂರದಲ್ಲಿ ಕೇಂದ್ರ ಬಿಂದು ಪತ್ತೆಯಾಗಿದೆ. ಈ ಭೂಕಂಪನವೂ ನಡು ರಾತ್ರಿ ಸುಮಾರು 2.20ಕ್ಕೆ ಸಂಭವಿಸಿದೆ ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ (NCS) ಟ್ವೀಟ್‌ನಲ್ಲಿ ತಿಳಿಸಿದೆ.

• An earthquake with a magnitude of 4.3 on the Richter Scale hit 81km ENE of Katra, Jammu and Kashmir at around 2.20 am today: National Centre for Seismology pic.twitter.com/eGmkgkylz6

  — ANI (@ANI) June 13, 2023 " class="align-text-top noRightClick twitterSection" data="

  An earthquake with a magnitude of 4.3 on the Richter Scale hit 81km ENE of Katra, Jammu and Kashmir at around 2.20 am today: National Centre for Seismology pic.twitter.com/eGmkgkylz6

  — ANI (@ANI) June 13, 2023

  ">

  An earthquake with a magnitude of 4.3 on the Richter Scale hit 81km ENE of Katra, Jammu and Kashmir at around 2.20 am today: National Centre for Seismology pic.twitter.com/eGmkgkylz6

  — ANI (@ANI) June 13, 2023

ಮಂಗಳವಾರ, ಜೂನ್ 13 ರ ಮಧ್ಯಾಹ್ನ 1.30ರ ಸುಮಾರು ಜಮ್ಮು-ಕಾಶ್ಮೀರದಲ್ಲಿ ಭೂಕಂಪನ ಸಂಭವಿಸಿತ್ತು. ಭೂಕಂಪನದ ತೀವ್ರತೆಯು ರಿಕ್ಟರ್ ಮಾಪಕದಲ್ಲಿ 5.4 ದಾಖಲಾಗಿತ್ತು. ಅಷ್ಟೇ ಅಲ್ಲ ಜಮ್ಮು-ಕಾಶ್ಮೀರ ಹೊರತು ಪಡಿಸಿ ಉತ್ತರ ಭಾರತದ ಕೆಲ ಭಾಗಗಳಲ್ಲಿಯೂ ಭೂಕಂಪನದ ಅನುಭವ ಆಗಿತ್ತು.

ದೆಹಲಿ - ರಾಷ್ಟ್ರೀಯ ರಾಜಧಾನಿ ಪ್ರದೇಶ (NCR) ಮತ್ತು ನೆರೆಹೊರೆಯ ಪ್ರದೇಶಗಳಲ್ಲಿ ಭೂಮಿ ಕಂಪಿಸಿತು. ಮಧ್ಯಾಹ್ನ 1.33ಕ್ಕೆ ಭೂಕಂಪ ಸಂಭವಿಸಿದೆ ಎಂದು ಅಧಿಕಾರಿಗಳು ಖಚಿತ ಪಡಿಸಿದ್ದರು. ಭೂಕಂಪದ ಕೇಂದ್ರಬಿಂದು ಜಮ್ಮು ಮತ್ತು ಕಾಶ್ಮೀರದ ದೋಡಾ ಜಿಲ್ಲೆಯ ಗಂಡೋ ಭಲೆಸ್ಸಾ ಎಂಬ ದೂರದ ಹಳ್ಳಿಯ ಬಳಿ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದರು.

ಆದರೆ, ಅನೇಕ ಜನರು ಕಂಪನವನ್ನು ಅನುಭವಿಸಿರುವುದರ (Earthquake tremors felt) ಬಗ್ಗೆ ಹೇಳಿಕೊಂಡಿದ್ದರು. ಶ್ರೀನಗರದ ಸ್ಥಳೀಯರೊಬ್ಬರು ಈ ಬಗ್ಗೆ ಪ್ರತಿಕ್ರಿಯಿಸಿ, "ಭೂಕಂಪದಿಂದಾಗಿ ಶಾಲಾ ಮಕ್ಕಳು ಭಯಭೀತರಾಗಿದ್ದರು. ಅಂಗಡಿಗಳಲ್ಲಿದ್ದ ಜನರು ಹೊರಗೆ ಧಾವಿಸಿದ್ದರು ಎಂದಿದ್ದರು.

ಶ್ರೀನಗರದ ಮತ್ತೊಬ್ಬ ಸ್ಥಳೀಯರಾದ ಬಶೀರ್ ಈ ಬಗ್ಗೆ ಮಾತನಾಡಿ, 1.30 ಸುಮಾರಿಗೆ ಭೂಮಿ ಕಂಪಿಸಿತು. ನಡುಕ ಸಾಕಷ್ಟು ಪ್ರಬಲವಾಗಿತ್ತು. ನಾವೂ ಕೂಡ ಹೊರಗೆ ಧಾವಿಸಿದೆವು. ಭೂ ಕಂಪನಿಂದಾಗಿ ಎಲ್ಲರೂ ಭಯಭೀತರಾಗಿದ್ದೇವೆ. ಮಕ್ಕಳು ಮತ್ತು ಮಹಿಳೆಯರು ಭಯಭೀತರಾಗಿದ್ದರು. ಭೂಕಂಪನಿಂದಾಗಿ ಕಟ್ಟಡಗಳು ಸಹ ಬೀಳುತ್ತವೆ ಎಂಬ ಭಯದಲ್ಲಿದ್ದೆವು. ದೇವರ ದಯದಿಂದ ಅಂತಹ ಅನಾಹುತಗಳು ಸಂಭವಿಸಲಿಲ್ಲ ಎಂದು ಹೇಳಿದ್ದರು.

ಜೂನ್ 11 ರಂದು, ಅರುಣಾಚಲ ಪ್ರದೇಶದ ಪಶ್ಚಿಮ ಕಮೆಂಗ್ ಜಿಲ್ಲೆಯಲ್ಲಿ ರಿಕ್ಟರ್ ಮಾಪಕದಲ್ಲಿ 3.2 ತೀವ್ರತೆಯ ಭೂಕಂಪನ ಸಂಭವಿಸಿತ್ತು. ಜೂನ್ 9 ರಂದು ಬೆಳಗ್ಗೆ 3.9 ರ ತೀವ್ರತೆಯ ಭೂಕಂಪವು ಕೇಂದ್ರಾಡಳಿತ ಪ್ರದೇಶವಾದ ಲಡಾಖ್​​​​​ಗೆ ಅಪ್ಪಳಿಸಿತ್ತು. ಮೇ 11 ರಂದು, ಉತ್ತರಾಖಂಡದ ಭೂಕಂಪನ ಸೂಕ್ಷ್ಮ ಜಿಲ್ಲೆಯಾದ ಪಿಥೋರಗಢದಲ್ಲಿ ಭೂಕಂಪನದ ಅನುಭವವಾಗಿತ್ತು. ರಿಕ್ಟರ್ ಮಾಪಕದಲ್ಲಿ 3.1ರಷ್ಟು ತೀವ್ರತೆ ದಾಖಲಾಗಿತ್ತು. ಹೀಗೆ ಅನೇಕ ಸ್ಥಳಗಳಲ್ಲಿ ಭೂಕಂಪನ ಸಂಭವಿಸಿತ್ತು.

ಫೆಬ್ರುವರಿ ಸಂಭವಿಸಿತ್ತು ಭೀಕರ ಭೂಕಂಪ: ಫೆಬ್ರವರಿ 6 ರಂದು ದಕ್ಷಿಣ ಟರ್ಕಿಯ 11 ಪ್ರಾಂತ್ಯಗಳು ಮತ್ತು ಉತ್ತರ ಸಿರಿಯಾದ ಹಲವು ಭಾಗಗಳಲ್ಲಿ 7.8 ತೀವ್ರತೆಯ ಭೂಕಂಪದ ಉಂಟಾಗಿತ್ತು. ಇದರಿಂದ 50 ಸಾವಿರಕ್ಕೂ ಅಧಿಕ ಜನರು ಸಾವಿಗೀಡಾಗಿದ್ದರು. 44 ಸಾವಿರಕ್ಕೂ ಅಧಿಕ ಜನರು ಟರ್ಕಿಯೊಂದರಲ್ಲೇ ಪ್ರಾಣ ಕಳೆದುಕೊಂಡಿದ್ದರೆ, ಸಿರಿಯಾದಲ್ಲಿ 6 ಸಾವಿರಕ್ಕೂ ಹೆಚ್ಚು ಸಾವಾಗಿತ್ತು. ಇನ್ನು ಟರ್ಕಿಯಲ್ಲಿ 1.73 ಲಕ್ಷ ಕಟ್ಟಡಗಳು ಭಾಗಶಃ ಮತ್ತು ಸಂಪೂರ್ಣ ಹಾನಿಗೀಡಾಗಿದ್ದವು.

ಓದಿ: Earthquake.. ದೆಹಲಿ ಸೇರಿ ಉತ್ತರ ಭಾರತದಲ್ಲಿ ಕಂಪಿಸಿದ ಭೂಮಿ.. 5.4 ತೀವ್ರತೆ ದಾಖಲು!