ಪಶ್ಚಿಮ ಬಂಗಾಳದ ಶಾಸಕನ ಮನೆ ಮೆಲೆ ಐಟಿ ಇಲಾಖೆ ದಾಳಿ: 11 ಕೋಟಿ ರೂ ವಶ

ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ಬುಧವಾರ ನಡೆಸಿದ ದಾಳಿ ವೇಳೆ ಪಶ್ಚಿಮ ಬಂಗಾಳದ ಮಾಜಿ ಸಚಿವ ಹಾಗೂ ಶಾಸಕ ಜಾಕೀರ್ ಹುಸೇನ್​ ಅವರ ಮನೆಯಿಂದ ಸುಮಾರು 11 ಕೋಟಿ ರೂಪಾಯಿ ನಗದನ್ನು ವಶಕ್ಕೆ ಪಡೆದಿರುವುದು ಬೆಳಕಿಗೆ ಬಂದಿದೆ.

ಜಂಗೀಪುರ, ಪಶ್ಚಿಮ ಬಂಗಾಳ: ನಿನ್ನೆ ಬೆಳ್ಳಂಬೆಳಗ್ಗೆ ಮಾಜಿ ಸಚಿವ ಹಾಗೂ ಶಾಸಕ ಜಾಕೀರ್​ ಹುಸೇನ್​​ ಅವರಿಗೆ ಆದಾಯ ತೆರಿಗೆ ಇಲಾಖೆಯ ಶಾಕ್​ ನೀಡಿದ್ದಾರೆ. ಐಟಿಯ ಮೂರು ತಂಡಗಳು ಜಾಕೀರ್ ಹುಸೇನ್​ ಮನೆ, ಬೀಡಿ ಕಾರ್ಖಾನೆ, ಎಣ್ಣೆ ಗಿರಣಿ, ಅಕ್ಕಿ ಗಿರಣಿ ಮೇಲೆ ಗುರುವಾರ ಬೆಳಗ್ಗೆ ದಾಳಿ ನಡೆಸಿತ್ತು. ಬುಧವಾರ ಸಂಜೆಯವರೆಗೂ ಮುಂದುವರಿದಿತ್ತು.

ಆದಾಯ ತೆರಿಗೆ ಇಲಾಖೆ ಮಾಹಿತಿ ಪ್ರಕಾರ ಸುಮಾರು 11 ಕೋಟಿ ರೂಪಾಯಿ ನಗದನ್ನು ಜಪ್ತಿ ಮಾಡಲಾಗಿದ್ದು, ಐಟಿ ದಾಳಿ ಸುದ್ದಿ ತಿಳಿಯುತ್ತಿದ್ದಂತೆ ಸ್ಥಳೀಯ ಬೆಂಬಲಿಗರು ಇಂದು ಬೆಳಗ್ಗೆ ಶಾಸಕರ ಮನೆ ಮುಂದೆ ಜಮಾಯಿಸಲಾರಂಭಿಸಿದರು. ಆದಾಯ ತೆರಿಗೆ ಇಲಾಖೆಯ 10-12 ಜನರ ತಂಡ ಬುಧವಾರ ಬೆಳಗ್ಗೆ 10 ಗಂಟೆ ಸುಮಾರಿಗೆ ಸಂಶೇರ್‌ಗಂಜ್ ಪ್ರವೇಶಿಸಿತ್ತು. ಅವರೊಂದಿಗೆ ಬಿಎಸ್‌ಎಫ್ ಯೋಧರು ಸಹ ಇದ್ದರು. ಸಂಶೇರ್‌ಗಂಜ್ ಮತ್ತು ಸುತಿ ಬ್ಲಾಕ್‌ನ ಹಲವು ಸ್ಥಳಗಳಲ್ಲಿ ಶೋಧ ಕಾರ್ಯಾಚರಣೆ ಕೈಗೊಂಡಿದ್ದರು.

ಐಟಿ ದಾಳಿಯಲ್ಲಿ ಶಾಸಕ ಜಾಕೀರ್ ಹುಸೇನ್​ ಅವರ ಮನೆ, ದಿಬ್ ಬೀಡಿ ಫ್ಯಾಕ್ಟರಿ, ಆಯಿಲ್ ಮಿಲ್ ಮತ್ತು ರೈಸ್ ಮಿಲ್ ಸೇರಿವೆ. ಜಾಕಿರ್ ಹೊಸೈನ್ ಅವರ ಮನೆ ಮೇಲೆ ದಾಳಿ ಸೇರಿದಂತೆ ವಿವಿಧೆಡೆ ಹಲವು ದಾಖಲೆಗಳನ್ನು ಐಟಿ ಇಲಾಖೆ ವಶಪಡಿಸಿಕೊಳ್ಳಲಾಗಿದೆ. ಆ ದಾಖಲೆಯಿಂದ ಆದಾಯ ತೆರಿಗೆ ಇಲಾಖೆಗೆ ವಂಚನೆ ಎಸಗಿರುವ ಆರೋಪ ಕೇಳಿ ಬಂದಿದೆ. ಸುಮಾರು 10 ಗಂಟೆಗಳ ಕಾಲ ಕಾರ್ಯಾಚರಣೆ ನಡೆದಿತ್ತು. ರಾತ್ರಿ 8 ಗಂಟೆ ಸುಮಾರಿಗೆ ಆದಾಯ ತೆರಿಗೆ ಅಧಿಕಾರಿಗಳು ತಮ್ಮ ಪಡೆಗಳೊಂದಿಗೆ ದಾಖಲೆಗಳೊಂದಿಗೆ ವಾಪಸ್​ ಆಗಿದ್ದರು. ಬಳಿಕ ಜಾಕಿರ್ ಹುಸೇನ್​ ಮಾಧ್ಯಮಗಳ ಮುಂದೆ ಮಾತನಾಡಿ, ‘ತನಿಖೆಗೆ ಸಾಕಷ್ಟು ಸಹಕಾರ ನೀಡಿದ್ದೇನೆ’ ಎಂದರು.

ಎಲ್ಲದಕ್ಕೂ ದಾಖಲೆ ಇದೆ ಎಂದ ಹುಸೇನ್​: ನಮ್ಮ ಮನೆ ಮತ್ತು ಕಚೇರಿ ಮೇಲೆ ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ನಡೆಸಿದ್ದರು. ಈ ವೇಳೆ ನಾನು ಅವರಿಗೆ ಸಹಕರಿಸಿದ್ದೇನೆ. ಅವರು ಸಹ ಸಹಕರಿಸಿದ್ದಾರೆ. ನಮ್ಮ ದಾಖಲೆಗಳು ಎಲ್ಲವೂ ಸರಿಯಾಗಿದೆ. ನಾನು ಉದ್ಯಮಿ.. ನಾನು ಯಾವಾಗಲೂ ತೆರಿಗೆ ಕಟ್ಟುವ ಮೂಲಕ ವ್ಯಾಪಾರ ಮಾಡುತ್ತೇನೆ. ಜಿಲ್ಲೆಯಲ್ಲಿ ಅತಿ ಹೆಚ್ಚು ಆದಾಯ ಕೊಡುವವನು ನಾನೇ ಎಂದು ಶಾಸಕರು ಹೇಳಿಕೊಂಡರು.

ತನಿಖೆಗೆ ಸಹಕಾರ ಎಂದ ಶಾಸಕರು: ಮನೆಗೆ ಎಷ್ಟು ಅಧಿಕಾರಿಗಳು ಬಂದಿದ್ದರು ಎಂಬ ಪ್ರಶ್ನೆಗೆ ಜಂಗೀಪುರದ ತೃಣಮೂಲ ಶಾಸಕರು ಪ್ರತಿಕ್ರಿಯಿಸಿ, ನಾನು ಲೆಕ್ಕ ಹಾಕಿಲ್ಲ. ಆದರೆ 10-12 ಜನರು ಬಂದಿದ್ದರು. ಜಾಕಿರ್​ ಹುಸೇನ್​ ತನಿಖೆಗೆ ಸಹಕರಿಸಿದ್ದಾರೆ ಎಂದು ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳೇ ಹೇಳಿದ್ದಾರೆ ಎಂದು ಶಾಸಕರು ಹೇಳಿಕೊಂಡಿದ್ದಾರೆ.

ಈ ಬಾರಿ ಮೊತ್ತದ ನಗದನ್ನು ಅಧಿಕಾರಿಗಳು ತೆಗೆದುಕೊಂಡು ಹೋಗಿದ್ದು, ಇದರಿಂದ ಕಾರ್ಮಿಕರ ಸಂಬಳ ನೀಡುವ ಬಗ್ಗೆ ಆತಂಕ ಜಾಕಿರ್ ಹೊಸೈನ್​ಗೆ ಮೂಡಿದೆ. ನಮ್ಮ ಉದ್ಯೋಗಿಗಳಿಗೆ ನಾವು ಸಂಬಳ ನೀಡಬೇಕು. ಅದನ್ನು ಎಲ್ಲ ಕಡೆ ನಿಲ್ಲಿಸಲಾಗುತ್ತದೆ. ಆದ್ದರಿಂದ ಈ ಹಣವು ಮನೆಯಲ್ಲಿತ್ತು. ಅದನ್ನು ತೋರಿಸಲಾಗಿದೆ. ಬ್ಯಾಂಕ್‌ನಿಂದ ಹಣವನ್ನು ಹಿಂತೆಗೆದುಕೊಳ್ಳಲಾಗಿದೆ. ಅಕ್ಕಿ ಗಿರಣಿ ರೈತರು ನಗದು ಪಾವತಿಸಬೇಕು.

ಇದಲ್ಲದೇ, ಕಾರ್ಮಿಕರಿಗೆ ನಗದು ಪಾವತಿಸಬೇಕು, ತೈಲ ಮಿಲ್‌ಗಳು ಕೂಲಿ ಕಾರ್ಮಿಕರಿಗೂ ಸಹ ನಗದು ಪಾವತಿಸಬೇಕಾಗುತ್ತದೆ. ಕೃಷಿ ಮತ್ತು ಬೀಡಿ ಕಾರ್ಮಿಕರಿಗೆ ಸಾಮಾನ್ಯ ಶಿಕ್ಷಣ ತಿಳಿದಿಲ್ಲ. ಹೀಗಾಗಿ ಸಂಪೂರ್ಣ ಹಣವನ್ನು ನಗದು ರೂಪದಲ್ಲಿ ಪಾವತಿಸಬೇಕು ಎಂದು ಅವರು ಹೇಳಿದರು. ದಾಳಿ ವೇಳೆ ಐಟಿ ಅಧಿಕಾರಿಗಳು ಸುಮಾರು 11 ಕೋಟಿಗೂ ಹೆಚ್ಚು ನಗದನ್ನು ವಶಕ್ಕೆ ಪಡೆದಿದ್ದಾರೆ. ಈಕುರಿತು ಇನ್ನಷ್ಟು ಮಾಹಿತಿ ತಿಳಿದು ಬರಬೇಕಾಗಿದೆ.

ಓದಿ: ಆಸ್ತಿಯ ಮೂಲ ದಾಖಲೆ ಕಳೆದರೆ ಮುಂದೇನು? ನಕಲು ಪಡೆಯುವುದು ಹೇಗೆ? ಇಲ್ಲಿದೆ ಮಾಹಿತಿ