ನವದೆಹಲಿ: ಭಾರತೀಯ ಸಂಸ್ಕೃತಿಯಲ್ಲಿ ಸ್ತ್ರೀ-ಪುರುಷರು ಹಣೆಗೆ ತಿಲಕ ಹಚ್ಚಿಕೊಳ್ಳುವುದು ಸಾಮಾನ್ಯ. ಬೇರೆ ದೇಶಗಳಲ್ಲಿ ಈ ಸಂಪ್ರದಾಯ ಕಂಡು ಬರುವುದಿಲ್ಲ. ಆದರೆ, ಭಾರತೀಯ ಮೂಲದ ವ್ಯಕ್ತಿಯೋರ್ವ ಅಮೆರಿಕ ಏರ್ಪೋರ್ಸ್ನಲ್ಲಿ ಸೇವೆ ಸಲ್ಲಿಸುತ್ತಿದ್ದು, ಸಮವಸ್ತ್ರ ಹಾಕಿಕೊಳ್ಳುವ ಸಂದರ್ಭದಲ್ಲೂ ಆತನಿಗೆ ಹಣೆೆಗೆ ತಿಲಕವಿಡಲು ಅನುಮತಿಸಲಾಗಿದೆ.
ಅಮೆರಿಕ ಏರ್‌ಫೋರ್ಸ್ ಸೇರಿದಾಗಿನಿಂದಲೂ ಈ ಯುವಕ, ಹಣೆಗೆ ತಿಲಕ ಹಚ್ಚಿಕೊಳ್ಳಲು ಅನುಮತಿ ನೀಡುವಂತೆ ಮನವಿ ಮಾಡಿಕೊಂಡಿದ್ದರು. ದರ್ಶನ್ ಶಾ ಎಂಬ ಏರ್ಮ್ಯಾನ್, ವ್ಯೋಮಿಂಗ್ನ ವಾರೆನ್ ಏರ್ಪೋರ್ಸ್ ಬೇಸ್ನಲ್ಲಿ ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದಾರೆ. ಸಮವಸ್ತ್ರ ಧರಿಸುವ ಸಂದರ್ಭದಲ್ಲಿ ತಿಲಕ ಹಚ್ಚಿಕೊಳ್ಳಲು ಇವರಿಗೆ ಅವಕಾಶ ನೀಡಲಾಗಿದೆ.
ಭಾರತೀಯ ಸಂಪ್ರದಾಯ ಪಾಲಿಸುವ ದರ್ಶನ್ ಇದೀಗ ಕರ್ತವ್ಯದಲ್ಲಿರುವಾಗಲೇ ಹಣೆಗೆ ತಿಲಕ ಹಚ್ಚಿಕೊಳ್ಳುತ್ತಾರೆ. ಇವರಿಗೆ ಮಿಲಿಟರಿ ಅನುಮತಿ ನೀಡುತ್ತಿದ್ದಂತೆ ಟೆಕ್ಸಾಸ್, ಕ್ಯಾಲಿಫೋರ್ನಿಯಾ, ನ್ಯೂಜೆರ್ಸಿ ಮತ್ತು ನ್ಯೂಯಾರ್ಕ್ನಲ್ಲಿರುವ ತನ್ನ ಸ್ನೇಹಿತರಿಗೆ ಈ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ವಿಶ್ವದ ಅತಿ ದೊಡ್ಡ ಹಿಂದೂ ದೇಗುಲ ನಿರ್ಮಾಣ: ಮುಸ್ಲಿಂ ಕುಟುಂಬದಿಂದ ₹2.5 ಕೋಟಿ ಮೌಲ್ಯದ ಭೂದಾನ
ದರ್ಶನ್ ಶಾ ಮೂಲತಃ ಭಾರತೀಯ ಮೂಲದ ಹಿಂದೂ ಧರ್ಮೀಯ. ಕಳೆದ 20 ವರ್ಷಗಳಿಂದ ಏರ್ಪೋರ್ಸ್ನಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಈ ಕುರಿತು ಮಾತನಾಡಿರುವ ಅವರು, 'ತಿಲಕ ಧರಿಸುವುದು ನನಗೆ ವಿಶೇಷ ಅನುಭವ ನೀಡುತ್ತದೆ. ಕಷ್ಟದ ಸಮಯದಿಂದ ಹೊರಬರಲು ನನಗಿದೊಂದು ಮಾರ್ಗ. ಅಮೆರಿಕದ ಮಿಲಿಟರಿಗೆ ಧನ್ಯವಾದ' ಎಂದಿದ್ದಾರೆ.
