ಭಾರತೀಯ ವಾಯುಪಡೆ ವಿಮಾನ ಪತನ; ಪೈಲಟ್​ ಪ್ರಾಣಾಪಾಯದಿಂದ ಪಾರು

ಭಾರತೀಯ ವಾಯುಪಡೆಯ ತರಬೇತಿ ವಿಮಾನ ಮಧ್ಯಪ್ರದೇಶದ ಬಿಂಡ್‌ ಎಂಬಲ್ಲಿ ಪತನವಾಗಿದೆ.

ಬಿಂಡ್​(ಮಧ್ಯಪ್ರದೇಶ): ಭಾರತೀಯ ವಾಯುಪಡೆಯ (IAF) ವಿಮಾನವೊಂದು ತರಬೇತಿಯ ವೇಳೆ ಪತನವಾಗಿದೆ. ವಿಮಾನದ ಪೈಲಟ್​ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ದುರ್ಘಟನೆ ಬಿಂಡ್​ನಲ್ಲಿ ನಡೆದಿದೆ.

ಪೈಲಟ್​ ಅಭಿಲಾಷ್​ ಗ್ವಾಲಿಯಾರ್​ ಏರ್​ಬೇಸ್​ನಿಂದ ಫೈಟರ್​ ವಿಮಾನ ಮಿರಾಜ್​ 2000ನಲ್ಲಿ ತರಬೇತಿ ಪಡೆಯುತ್ತಿದ್ದರು. ಈ ವೇಳೆ ತಾಂತ್ರಿಕ ದೋಷ ಉಂಟಾಗಿದ್ದು, ವಿಮಾನವು ಪೈಲಟ್ ನಿಯಂತ್ರಣ ಕಳೆದುಕೊಂಡಿದೆ.

ಈ ದುರಂತದಲ್ಲಿ ಪೈಲಟ್​ ಅಭಿಲಾಷ್​ಗೆ ಸಣ್ಣಪುಟ್ಟ ಗಾಯಗಳಾಗಿದೆ. ವಿಮಾನ ನೆಲಕ್ಕಪ್ಪಳಿಸಿದ್ದರಿಂದ ಸಂಪೂರ್ಣ ಸುಟ್ಟು ಕರಕಲಾಗಿದೆ.