ಮೂರನೇ ಹಂತದಲ್ಲಿ ಸ್ವಿಸ್​ ಬ್ಯಾಂಕ್​​ನಿಂದ ಖಾತೆಗಳ ವಿವರ ಪಡೆದ ಭಾರತ

ಆಂಟಿಗುವಾ ಮತ್ತು ಬಾರ್ಬುಡಾ, ಅಜೆರ್ಬೈಜಾನ್, ಡೊಮಿನಿಕಾ, ಘಾನಾ, ಲೆಬನಾನ್, ಮಕಾವು, ಪಾಕಿಸ್ತಾನ, ಕತಾರ್, ಸಮೋವಾ ಮತ್ತು ವೌಟು ರಾಷ್ಟ್ರಗಳಿಗೂ ಈ ವರ್ಷದಿಂದ ಮಾಹಿತಿ ವಿನಿಮಯ ಮಾಡಲಾಗುತ್ತದೆ..

ನವದೆಹಲಿ : ಸ್ವಿಟ್ಜರ್‌ಲ್ಯಾಂಡ್‌ನೊಂದಿಗೆ ಸ್ವಯಂಚಾಲಿತ ಮಾಹಿತಿ ವಿನಿಮಯ ಒಪ್ಪಂದದಡಿ ಭಾರತವು ಸ್ವಿಸ್​ ಬ್ಯಾಂಕ್​ನಿಂದ ಭಾರತೀಯರ ಖಾತೆಗಳ ಮಾಹಿತಿ ಪಡೆದಿದೆ.

ಸ್ವಯಂಚಾಲಿತ ಮಾಹಿತಿ ವಿನಿಮಯದಡಿ ಯುರೋಪಿಯನ್ ರಾಷ್ಟ್ರವು 96 ದೇಶಗಳೊಂದಿಗೆ 33 ಲಕ್ಷ ಹಣಕಾಸು ಖಾತೆಗಳ ವಿವರಗಳನ್ನು ಹಂಚಿಕೊಂಡಿದೆ. ಫೆಡರಲ್ ಟ್ಯಾಕ್ಸ್ ಅಡ್ಮಿನಿಸ್ಟ್ರೇಷನ್ (ಎಫ್‌ಟಿಎ) ಈ ವರ್ಷ ಮಾಹಿತಿ ವಿನಿಮಯವು ಇನ್ನೂ 10 ದೇಶಗಳನ್ನು ಒಳಗೊಂಡಿದೆ.

ಆಂಟಿಗುವಾ ಮತ್ತು ಬಾರ್ಬುಡಾ, ಅಜೆರ್ಬೈಜಾನ್, ಡೊಮಿನಿಕಾ, ಘಾನಾ, ಲೆಬನಾನ್, ಮಕಾವು, ಪಾಕಿಸ್ತಾನ, ಕತಾರ್, ಸಮೋವಾ ಮತ್ತು ವೌಟು ರಾಷ್ಟ್ರಗಳಿಗೂ ಈ ವರ್ಷದಿಂದ ಮಾಹಿತಿ ವಿನಿಮಯ ಮಾಡಲಾಗುತ್ತದೆ.

ಎಫ್​ಟಿಎ, ಎಲ್ಲಾ 96 ದೇಶಗಳ ಹೆಸರುಗಳು ಮತ್ತು ಹೆಚ್ಚಿನ ವಿವರಗಳನ್ನು ಬಹಿರಂಗಪಡಿಸದಿದ್ದರೂ, ಭಾರತವು ಸತತ 3ನೇ ವರ್ಷ ಖಾತೆಗಳ ವಿವರಗಳನ್ನು ಪಡೆದಿದೆ ಎಂದು ಮಾಹಿತಿ ನೀಡಿದೆ. ಸ್ವಿಟ್ಜರ್ಲೆಂಡ್​​​​ ಮುಂದಿನ ಮಾಹಿತಿಯನ್ನು ಸೆಪ್ಟೆಂಬರ್​ 2022ರಲ್ಲಿ ಹಂಚಿಕೊಳ್ಳಲಿದೆ. ಸೆಪ್ಟೆಂಬರ್​ 2019ರಲ್ಲಿ ಸ್ವಯಂಚಾಲಿತ ಮಾಹಿತಿ ವಿನಿಮಯದಡಿ ಭಾರತವು ಸ್ವಿಟ್ಜರ್ಲೆಂಡ್ ​ನಿಂದ ಮೊದಲ ವಿವರಗಳನ್ನು ಪಡೆಯಿತು.