ಹೈದರಾಬಾದ್ : ಮುತ್ತಿನ ನಗರಿ ಹೈದರಾಬಾದ್ ಜಗತ್ತಿನಲ್ಲಿ ವ್ಯಾಕ್ಸಿನೇಷನ್ನ ರಾಜಧಾನಿಯಾಗಿ ಬದಲಾಗಿದೆ ಎಂದು ತೆಲಂಗಾಣ ಮಾಹಿತಿ ತಂತ್ರಜ್ಞಾನ ಸಚಿವ ಕೆ.ಟಿ.ರಾಮರಾವ್ ಬಣ್ಣಿಸಿದ್ದು, ಇದು ಹೈದರಾಬಾದ್ಗೆ ಹೆಮ್ಮೆಯ ವಿಚಾರ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಹೈದರಾಬಾದ್ನಲ್ಲಿ ನಡೆದ ಬಯೋ ಏಷಿಯಾ ಕಾನ್ಫರೆನ್ಸ್-2021ರ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಕೆಟಿಆರ್, ಲಸಿಕೆ ಉತ್ಪಾದನೆ ಮತ್ತು ವ್ಯಾಕ್ಸಿನೇಷನ್ ವಿಚಾರವಾಗಿ ಹೈದರಾಬಾದ್ ಅನ್ನು ಹೊಗಳಿದರು.
ತೆಲಂಗಾಣ ರಾಜ್ಯ ಸರ್ಕಾರ ಈ ಕಾನ್ಫರೆನ್ಸ್ ಅನ್ನು ಆಯೋಜಿಸಿದ್ದು, ಕೊರೊನಾ ಸೋಂಕಿನ ಕಾರಣಕ್ಕೆ ವಿಡಿಯೋ ಕಾನ್ಫರೆನ್ಸ್ ಮೂಲಕ ನಡೆಸಲಾಯಿತು. ಈ ಕಾರ್ಯಕ್ರಮದಲ್ಲಿ ಔಷಧ ಮತ್ತು ಇತರ ವಲಯಗಳ ಕಂಪನಿಗಳು ಭಾಗಿಯಾಗಿದ್ದವು.
ಇದನ್ನೂ ಓದಿ: ಮಹಾರಾಷ್ಟ್ರಕ್ಕೆ ಸಂಚರಿಸುವ ಎಲ್ಲ ಬಸ್ಗಳಿಗೂ ಪರ್ಮಿಟ್ ಇದೆ: ಎಂ.ಆರ್. ಮುಂಜಿ
ಭಾರತ್ ಬಯೋಟೆಕ್ನ ಕೋವ್ಯಾಕ್ಸಿನ್ ಲಸಿಕೆ ಬಗ್ಗೆ ಮಾತನಾಡಿದ ಕೆಟಿಆರ್ , ಈ ಕೊರೊನಾ ಲಸಿಕೆಯನ್ನು ಹೊರತರಲು ಭಾರತ್ ಬಯೋಟೆಕ್ ಸಾಕಷ್ಟು ಪರಿಶ್ರಮ ವಹಿಸಿದೆ ಎಂದು ಅಭಿಪ್ರಾಯಪಟ್ಟರು.
ಹೈದರಾಬಾದ್ನಲ್ಲಿ ವಿವಿಧ ಔಷಧ ಕಂಪನಿಗಳು ವಿಸ್ತರಣೆಯಾಗುತ್ತಿವೆ. ಸರ್ಕಾರ ಸುಲ್ತಾನ್ಪುರದಲ್ಲಿ ಆರೋಗ್ಯ ಸಲಕರಣೆಗಳ ಪಾರ್ಕ್ ಅನ್ನು ನಿರ್ಮಿಸುತ್ತಿದೆ ಎಂದು ಕೆಟಿಆರ್ ಸ್ಪಷ್ಟನೆ ನೀಡಿದರು.
ಜೀನೋಮ್ ವ್ಯಾಲಿಯಲ್ಲಿ ಬಯೋಫಾರ್ಮಾ ಹಬ್ ಅನ್ನು ನಿರ್ಮಾಣ ಮಾಡುವುದರೊಂದಿಗೆ ಹೈದರಾಬಾದ್ ಅನ್ನು ಔಷಧ ವಲಯದಲ್ಲಿ ಮತ್ತಷ್ಟು ಬಲಗೊಳಿಸಲಾಗುತ್ತದೆ ಎಂದು ಕೆಟಿಆರ್ ಮಾಹಿತಿ ನೀಡಿದರು.
