ಚೆಂಗಣ್ಣೂರು: ವ್ಯಕ್ತಿಯೊಬ್ಬ ತನ್ನ ಪತ್ನಿಯ ಬಾಯ್ಫ್ರೆಂಡ್ ಮನೆಗೆ ನುಗ್ಗಿ ಆತನ ಖಾಸಗಿ ಭಾಗಕ್ಕೆ ಗುಂಡು ಹಾರಿಸಿರುವ ಘಟನೆ ನಗರದಲ್ಲಿ ನಡೆದಿದೆ. ಯುವಕ ಗಂಭೀರವಾಗಿ ಗಾಯಗೊಂಡಿದ್ದು, ಸಾವು - ಬದುಕಿನ ಮಧ್ಯೆ ಹೋರಾಟ ನಡೆಸುತ್ತಿದ್ದಾರೆ.
ಕೊಟ್ಟಾಯಂನ ವಡವತೂರ್ ಮೂಲದ ದಂಪತಿ ವಿಚ್ಛೇದನ ಪಡೆಯಲು ಇಚ್ಚಿಸಿದ್ದರು. ಅದರಂತೆ ಅವರ ವಿಚ್ಛೇದನ ಪ್ರಕ್ರಿಯೆಗಳು ನಡೆಯುತ್ತಿದ್ದು, ಇನ್ನು ಪೂರ್ಣಗೊಂಡಿಲ್ಲ. ವಿಚ್ಛೇದನಾ ಪ್ರಕ್ರಿಯೆಗಳು ನಡೆಯುತ್ತಿರುವಾಗಲೇ ಮಹಿಳೆ ಗಂಡನನ್ನು ಬಿಟ್ಟು ಬಾಯ್ಫ್ರೇಂಡ್ ಜೊತೆ ಚೆಂಗಣ್ಣೂರಿನಲ್ಲಿ ವಾಸಿಸುತ್ತಿದ್ದಳು. ಇದನ್ನು ತಿಳಿದ ಮಹಿಳೆ ಪತಿ ಬಾಯ್ಫ್ರೇಂಡ್ ಮನೆಯ ಬಗ್ಗೆ ಪತ್ತೆ ಹಚ್ಚಿದ್ದಾನೆ.
ಪತ್ನಿ ಮತ್ತು ಬಾಯ್ಫ್ರೆಂಡ್ ವಾಸಿಸುತ್ತಿದ್ದ ಮನೆಗೆ ತೆರಳಿದ ಗಂಡ ಜಗಳಕ್ಕಿಳಿದಿದ್ದಾನೆ. ಜಗಳ ವಿಕೋಪಕ್ಕೆ ತಿರುಗಿದ್ದು, ತಾನು ತಂದಿದ್ದ ಏರ್ ಗನ್ನಿಂದ ಹೆಂಡ್ತಿಯ ಬಾಯ್ಫ್ರೆಂಡ್ನ ಖಾಸಗಿ ಪಾತ್ರಕ್ಕೆ ಗುಂಡು ಹಾರಿಸಿ ಕಾಲ್ಕಿತ್ತಿದ್ದಾನೆ. ಕೂಡಲೇ ಯುವಕನನ್ನು ತಿರುವಲ್ಲಾದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಸಾವು-ಬದುಕಿನ ಮಧ್ಯೆ ಹೋರಾಟ ನಡೆಸುತ್ತಿದ್ದಾನೆ.
ಯುವಕನನ್ನು ಆಸ್ಪತ್ರೆಗೆ ದಾಖಲಿಸಿದ ಬಳಿಕ ಪ್ರಕರಣ ಬೆಳಕಿಗೆ ಬಂದಿದೆ. ಆದ್ರೆ ಈ ಘಟನೆ ಕುರಿತು ಯಾವುದೇ ದೂರು ದಾಖಲಾಗಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಹರದಾಡುತ್ತಿರುವ ಸುದ್ದಿಯ ಆಧಾರದ ಮೇಲೆ ತನಿಖೆ ಕೈಗೊಳ್ಳಾಲಾಗಿದೆ ಎಂದು ಚೆಂಗಣ್ಣೂರು ಪೊಲೀಸರು ತಿಳಿಸಿದ್ದಾರೆ.
