ನಿಶ್ಚಿತ ಠೇವಣಿಗಳಿಂದ ಹಣ ಗಳಿಸುವುದು ಹೇಗೆ? ಇಲ್ಲಿದೆ ಕೆಲವೊಂದು ಮಾಹಿತಿ

ಭವಿಷ್ಯದ ಚಿಂತನೆಯಿಂದ ಹೆಚ್ಚಿನವರು ಬ್ಯಾಂಕ್​ಗಳಲ್ಲಿ ಎಫ್​ಡಿ ಇಡುವುದು ಸಾಮಾನ್ಯ. ಆದರೆ, ಎಫ್​ಡಿ ಇಡುವಾಗ ಯಾವುದಾದರೊಂದು ಬ್ಯಾಂಕ್​ನಲ್ಲಿ ಹೋಗಿ ಇಟ್ಟರೆ ಅದರಿಂದ ಲಾಭದ ನಿರೀಕ್ಷೆ ಕಡಿಮೆ ಇರಬಹುದು. ಯಾವ ಬ್ಯಾಂಕ್​ಗಳಲ್ಲಿ ಯಾವಾಗ ನಿಶ್ಚಿತ ಠೇವಣಿ ಇಡಬೇಕು ಎಂಬುದಕ್ಕೆ ಇಲ್ಲಿದೆ ಕೆಲವು ಸಲಹೆಗಳು.

ಹೈದರಾಬಾದ್: ಇತ್ತೀಚಿನ ದಿನಗಳಲ್ಲಿ ನಿಶ್ಚಿತ ಠೇವಣಿಗಳ ಮೇಲಿನ ಬಡ್ಡಿ ದರಗಳು ಸಾಕಷ್ಟು ನಿರಾಶಾದಾಯಕವಾಗಿವೆ. ಕಳೆದ ಎರಡು ವರ್ಷಗಳಿಂದ ಸ್ಥೂಲ ಆರ್ಥಿಕತೆಯು ಕಡಿಮೆ - ಬಡ್ಡಿ ದರಗಳಲ್ಲಿ ಅಭಿವೃದ್ಧಿ ಹೊಂದುತ್ತಿವೆ. ಆದರೆ, ಈಗ ಹಣದುಬ್ಬರವು ಸುಮಾರು ಶೇ6 ರಷ್ಟಾಗಿದೆ. ಆದರೆ, ಜನಪ್ರಿಯ ಬ್ಯಾಂಕ್‌ಗಳು ಕಳೆದ ಒಂದು ಅಥವಾ ಎರಡು ವರ್ಷಗಳಿಂದ ತೆರಿಗೆಗೆ ಮೊದಲು ಸುಮಾರು ಶೇ 4.9 ಮತ್ತು ಶೇ 5.1 ನಡುವಿನ ಸ್ಥಿರ ಠೇವಣಿಗಳ ಮೇಲೆ ಬಡ್ಡಿದರಗಳನ್ನು ಒದಗಿಸುತ್ತಿವೆ. ಆದ್ದರಿಂದ, ತೆರಿಗೆಯ ನಂತರದ ನಿಜವಾದ ಆದಾಯವು ತೀರಾ ಕಡಿಮೆಯಾಗುತ್ತಿದೆ.

ಅಂತಹ ಸಂದರ್ಭಗಳಲ್ಲಿ, ನಿಶ್ಚಿತ ಠೇವಣಿಗಳು ಹೂಡಿಕೆಯ ಬೆಳವಣಿಗೆಗೆ ಕೊಡುಗೆ ನೀಡುವ ಬದಲಿಗೆ ಹಣವನ್ನು ಅಪಮೌಲ್ಯಗೊಳಿಸುತ್ತದೆ. ಈಗ, ಬಡ್ಡಿದರಗಳು ಏರುತ್ತಿವೆ, ಆದರೆ, ನಿರೀಕ್ಷಿತ ಮಟ್ಟವನ್ನು ತಲುಪಿಲ್ಲ. ಹಣದುಬ್ಬರವು ಹೆಚ್ಚಾದರೆ, ಅದು ನಿವ್ವಳ ಗಳಿಕೆಯ ಮೇಲೆ ಪರಿಣಾಮ ಬೀರುತ್ತದೆ. ಇವುಗಳು ಈ ಬಡ್ಡಿಯನ್ನೇ ಅವಲಂಬಿಸಿಕೊಂಡಿರುವ ಹಿರಿಯ ನಾಗರಿಕರಿಗೆ ಸಮಸ್ಯೆಯನ್ನುಂಟು ಮಾಡುತ್ತದೆ. ಹೆಚ್ಚುತ್ತಿರುವ ಜೀವನ ವೆಚ್ಚದ ನಡುವೆ ಬಡ್ಡಿಗಿಂತ ಆದಾಯದ ಕುಸಿತವು ಗಂಭೀರ ಪರಿಣಾಮಗಳನ್ನು ಉಂಟುಮಾಡಬಹುದು.

ದೊಡ್ಡ ಬ್ಯಾಂಕಗಳಲ್ಲಿ ಹೀಗಿದೆ ಬಡ್ಡಿದರ: ದೊಡ್ಡ ಸಾರ್ವಜನಿಕ ವಲಯದ ಬ್ಯಾಂಕುಗಳು ಐದು ವರ್ಷಗಳ ಅವಧಿಗೆ ಶೇ4.9 ಮತ್ತು 5.50ರ ನಡುವಿನ ಬಡ್ಡಿದರಗಳನ್ನು ನೀಡುತ್ತಿವೆ. ಉದಾಹರಣೆಗೆ, ಕೆನರಾ ಬ್ಯಾಂಕ್ ಐದರಿಂದ ಹತ್ತು ವರ್ಷಗಳವರೆಗೆ ಠೇವಣಿಗಳ ಮೇಲೆ ಶೇಕಡಾ 5.50 ಮತ್ತು ಹಿರಿಯ ನಾಗರಿಕರಿಗೆ ಶೇಕಡಾ 6 ಬಡ್ಡಿ ನೀಡುತ್ತದೆ. ಮೂರು ವರ್ಷಗಳವರೆಗೆ ಅಲ್ಪಾವಧಿಯ ಠೇವಣಿಗಳ ಮೇಲಿನ ದರಗಳು ಶೇಕಡಾ 4.9 ಮತ್ತು 5.3 ರವರೆಗೆ ನೀಡುತ್ತಿದೆ.

ಅಂಚೆ ಕಚೇರಿಯೇ ಬೆಸ್ಟ್​: ಕೆಲವು ಬ್ಯಾಂಕ್‌ಗಳು ಶೇಕಡಾ 5.45 ವರೆಗೆ ನೀಡುತ್ತವೆ. ಅಂಚೆ ಕಚೇರಿಗಳು ಒಂದು, ಎರಡು ಮತ್ತು ಮೂರು ವರ್ಷಗಳ ಅವಧಿಯ ಠೇವಣಿಗಳಿಗೆ 5.5 ಶೇಕಡಾ ಬಡ್ಡಿದರವನ್ನು ನೀಡಲಾಗುತ್ತಿದೆ. ಜೊತೆಗೆ ಐದು ವರ್ಷಗಳ ಠೇವಣಿಗಳ ಮೇಲೆ ಗರಿಷ್ಠ 6.7 ಶೇಕಡಾ ಬಡ್ಡಿದರವನ್ನು ನೀಡುತ್ತಿದೆ.

ಈ ಬ್ಯಾಂಕ್​​ಗಳಲ್ಲಿಇಷ್ಟಿಷ್ಟು ಬಡ್ಡಿ: ಖಾಸಗಿಯ ಕೆಲವು ಬ್ಯಾಂಕ್‌ಗಳಲ್ಲೂ ಬಹುತೇಕ ಇದೇ ರೀತಿ ಶೇಕಡಾ 6.25 - 6.5 ವರೆಗೆ ಬಡ್ಡಿ ನೀಡುತ್ತವೆ. ಉದಾಹರಣೆಗೆ, ಇಂಡಸ್​ ಲ್ಯಾಂಡ್​ ಬ್ಯಾಂಕ್ ಎರಡು ವರ್ಷ ಮತ್ತು 61 ತಿಂಗಳ ನಡುವಿನ ಠೇವಣಿಗಳ ಮೇಲೆ 6.5 ಶೇಕಡಾ ಮತ್ತು ಹಿರಿಯ ನಾಗರಿಕರಿಗೆ 7 ಶೇಕಡಾ ಬಡ್ಡಿದರಗಳನ್ನು ಘೋಷಿಸಿದೆ. ಹೆಚ್ಚಿನ ಬ್ಯಾಂಕುಗಳು ಶೇಕಡಾ 5.75 ಕ್ಕಿಂತ ಹೆಚ್ಚು ಬಡ್ಡಿ ಪಾವತಿಸುತ್ತವೆ. ಹೆಚ್ಚಿನ ಬಡ್ಡಿದರಗಳಿಗೆ ದೀರ್ಘಾವಧಿಯ ಠೇವಣಿಗಳನ್ನು ಮಾಡುವುದು ಉತ್ತಮ.

ಈ ತರಹದ ಬ್ಯಾಂಕ್​​ಗಳ ಆಯ್ಕೆ ಅಪಾಯಕಾರಿ: ಈಗಿನ ಪರಿಸ್ಥಿತಿಯಲ್ಲಿ ನೀವು ಸ್ವಲ್ಪ ಹೆಚ್ಚಿನ ಬಡ್ಡಿದರವನ್ನು ಅಪೇಕ್ಷಿಸುತ್ತಿದ್ದರೆ, ಖಾಸಗಿ ಬ್ಯಾಂಕ್‌ಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಉಪಾಯಕಾರಿ. ಪ್ರಸ್ತುತ ಖಾಸಗಿ ಬ್ಯಾಂಕ್​ಗಳಲ್ಲಿ ನಿಶ್ಚಿತ ಠೇವಣಿ ಮೇಲೆ ಹೆಚ್ಚಿನ ಬಡ್ಡಿದರಗಳನ್ನು ನೀಡಲಾಗುತ್ತಿದೆ. ಹಾಗೆಂದು ದೀರ್ಘಾವಧಿಯ ಠೇವಣಿಗಳನ್ನು ಮಾಡಬೇಡಿ. ಬಡ್ಡಿದರಗಳು ಕಡಿಮೆಯಿದ್ದರೆ, ಅಲ್ಪಾವಧಿಯ ಠೇವಣಿಗಳನ್ನು ಆಯ್ಕೆ ಮಾಡಬೇಕು. ದರಗಳು ಏರಿಕೆಯಾದ ನಂತರ ಅವುಗಳನ್ನು ದೀರ್ಘಾವಧಿಗೆ ಠೇವಣಿ ಇರಿಸಿ. 2022 ರಲ್ಲಿ ದರಗಳು ಹೆಚ್ಚಾಗುವ ಸಾಧ್ಯತೆಯಿದೆ.

ಸಣ್ಣ ಬ್ಯಾಂಕ್‌ಗಳು: ದೊಡ್ಡ ಬ್ಯಾಂಕ್‌ಗಳಲ್ಲಿ ಹಣ ಉಳಿಸುವುದರಲ್ಲಿ ಅಪಾಯ ಕಡಿಮೆ. ಎಚ್‌ಡಿಎಫ್‌ಸಿ ಬ್ಯಾಂಕ್ ಮತ್ತು ಐಸಿಐಸಿಐ ಬ್ಯಾಂಕ್ ಐದು ವರ್ಷಗಳ ಮೇಲಿನ ಠೇವಣಿಗಳ ಮೇಲೆ ಶೇ 5.45 -6.3ರ ಬಡ್ಡಿಯನ್ನು ಘೋಷಿಸಿವೆ. ಅದೇ ಅವಧಿಗೆ SBI ಬಡ್ಡಿದರಗಳು ಶೇ 5.5 ರಿಂದ ಶೇ 6.3 ರಷ್ಟಿದೆ. ಹಾಗೇಯೇ ಠೇವಣಿದಾರರನ್ನು ಆಕರ್ಷಿಸಲು ಸಣ್ಣ ಬ್ಯಾಂಕುಗಳು ಹೆಚ್ಚಿನ ಬಡ್ಡಿದರಗಳನ್ನು ನೀಡುತ್ತವೆ.

ಉದಾಹರಣೆಗೆ, ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮೂರು ವರ್ಷಗಳವರೆಗೆ ಹಿರಿಯ ನಾಗರಿಕರಿಗೆ ಶೇಕಡಾ 7.5 ಬಡ್ಡಿಯನ್ನು ನೀಡುತ್ತಿದೆ. ಹಾಗಾಗಿ ಸಣ್ಣ ಬ್ಯಾಂಕುಗಳನ್ನು ಆಯ್ಕೆ ಮಾಡುವಾಗ ಠೇವಣಿದಾರರು ಹೆಚ್ಚು ಜಾಗರೂಕರಾಗಿರಬೇಕು. ಹೆಚ್ಚಿನ ಎನ್‌ಪಿಎ ಇರುವ ಬ್ಯಾಂಕ್‌ಗಳಲ್ಲಿ ಠೇವಣಿ ಇಡುವಾಗ ಅದರಲ್ಲೂ ಬ್ಯಾಂಕ್‌ಗಳಲ್ಲಿ 5 ಲಕ್ಷಕ್ಕಿಂತ ಕಡಿಮೆ ಮೊತ್ತಕ್ಕೆ ಠೇವಣಿ ವಿಮೆ ಲಭ್ಯವಿರುವಲ್ಲಿ ಠೇವಣಿ ಇಡುವಾಗ ತುಂಬಾ ಯೋಚಿಸಬೇಕಿದೆ.

ಕಂಪನಿ ಠೇವಣಿ: ಆದಾಯಕ್ಕಾಗಿ ಬಡ್ಡಿಯನ್ನು ಅವಲಂಬಿಸಿರುವವರು ಹಣಕಾಸು ಸಂಸ್ಥೆಗಳು ನೀಡುವ ಸ್ಥಿರ ಠೇವಣಿಗಳ ಕಡೆ ಗಮನ ಹರಿಸಬಹುದು. ಆದಷ್ಟು AAA ರೇಟಿಂಗ್‌ಗಳನ್ನು ಹೊಂದಿರುವ ಕಂಪನಿಗಳಿಗೆ ಆದ್ಯತೆ ನೀಡಿ. HDFC ಲಿಮಿಟೆಡ್ 99 ತಿಂಗಳಿಗೆ 6.8 ಶೇಕಡಾ ಬಡ್ಡಿಯನ್ನು ನೀಡುತ್ತಿದೆ. ಹಿರಿಯ ನಾಗರಿಕರಿಗೆ 25 ಬೇಸಿಸ್ ಪಾಯಿಂಟ್‌ಗಳನ್ನೂ ನೀಡುತ್ತಿದೆ.

AAA-ರೇಟ್​ ಇರುವ ಶ್ರೀರಾಮ್ ಸಿಟಿ 60 ತಿಂಗಳಿಗೆ 7.75 ಶೇಕಡಾ ಬಡ್ಡಿಯನ್ನು ಮತ್ತು ಹಿರಿಯ ನಾಗರಿಕರಿಗೆ 8.05 ಶೇಕಡಾ ಬಡ್ಡಿಯನ್ನು ನೀಡುತ್ತದೆ. ಯಾವುದೇ ಠೇವಣಿ ವಿಮೆ ಇಲ್ಲದಿರುವುದರಿಂದ ಕಂಪನಿಗಳಲ್ಲಿ ಠೇವಣಿ ಇಡುವುದು ಅಪಾಯಕಾರಿಯೂ ಹೌದು. ಅದಲ್ಲದೇ ಈ ದೀರ್ಘಕಾಲೀನ ಹೂಡಿಕೆಗಳನ್ನು ಹುಡುಕುತ್ತಿರುವವರು ಈಕ್ವಿಟಿಗಳು, ಮ್ಯೂಚುವಲ್ ಫಂಡ್‌ಗಳು, ಕಾರ್ಪೊರೇಟ್ ಬಾಂಡ್‌ಗಳು ನೋಡುವುದು ಉತ್ತಮ ಎನ್ನುತ್ತಾರೆ ಬ್ಯಾಂಕ್ ಬಜಾರ್‌ನ ಸಿಇಒ ಆದಿಲ್ ಶೆಟ್ಟಿ.

ಇದನ್ನೂ ಓದಿ: ಫೆಡ್‌ ಆಕ್ರಮಣಕಾರಿ ನೀತಿ : ಚಿನ್ನದ ಬೆಲೆಗಳು ಒತ್ತಡಕ್ಕೆ ಒಳಗಾಗುವ ಸಾಧ್ಯತೆ