ಮುಂಬೈ: ಮುಂಬೈ-ಅಹಮದಾಬಾದ್ ಬುಲೆಟ್ ಟ್ರೈನ್ ಯೋಜನೆಗೆ 20,000 ಮ್ಯಾಂಗ್ರೋವ್ ಮರಗಳಿಗೆ ಕೊಡಲಿ ಏಟು ನೀಡುವುದಕ್ಕೆ ಬಾಂಬೆ ಹೈ ಕೋರ್ಟ್ ಅನುಮತಿ ನೀಡಿದೆ. ಪಾಲ್ಗರ್ನಿಂದ ಥಾಣೆ ತೆರಳುವ ರೈಲು ಸಂಚಾರಕ್ಕೆ ನ್ಯಾಷನಲ್ ಹೈ ಸ್ಪೀಡ್ ರೈಲ್ ಕಾರ್ಪೊರೇಷನ್(ಎನ್ಎಚ್ಎಸ್ಆರ್ಸಿಎಲ್)ಗೆ ಮರಗಳನ್ನು ಕಡಿಯಲು ಒಪ್ಪಿಗೆ ಸಿಕ್ಕಿದೆ.
ಮ್ಯಾಂಗ್ರೋವ್ ಮರಗಳನ್ನು ಕಡಿಯುವ ಸಂಬಂಧ ಅನುಮತಿ ಕೋರಿ ಎನ್ಎಚ್ಎಸ್ಆರ್ಸಿಎಲ್ ಸಲ್ಲಿಸಿದ್ದ ಅರ್ಜಿಯನ್ನು ನ್ಯಾ.ದೀಪಂಕರ್ ದತ್ತಾ ಮತ್ತು ನ್ಯಾ. ಅಭಯ್ ಅಹುಜಾ ಒಳಗೊಂಡಿದ್ದ ಪೀಠ ವಿಚಾರಣೆ ನಡೆಸಿತು. 2018ರ ಹೈ ಕೋರ್ಟ್ ಆದೇಶದ ಅನ್ವಯ, ರಾಜ್ಯದಲ್ಲಿ ವಿಸ್ತರಿಸಿರುವ ಮರಗಳನ್ನು ಕಡಿಯಲು ಅನುಮತಿ ಬೇಕು. ಮ್ಯಾಂಗ್ರೋವ್ ಸುತ್ತ 50 ಮೀ ಬಫರ್ ಜೋನ್ ಮಾಡಬೇಕು. ಯಾವುದೇ ಚಟುವಟಿಕೆ ಅಥವಾ ಡಂಪಿಂಗ್ಗೆ ಬಫರ್ ಜೋನ್ನಲ್ಲಿ ಅವಕಾಶ ಇಲ್ಲ.
2020ರಲ್ಲಿ ಅರ್ಜಿ ಸಲ್ಲಿಸಿದ ಎನ್ಎಚ್ಎಸ್ಆರ್ಸಿಎಲ್, ಈಗ ಕಡಿಯುವುದಕ್ಕೆ ಐದು ಪಟ್ಟು ಹೆಚ್ಚು ಮ್ಯಾಂಗ್ರೋವ್ ಮರಗಳನ್ನು ನೆಡಲಾಗುವುದು. ಇದರಿಂದ ಈ ಸಂಖ್ಯೆಯಲ್ಲಿ ಯಾವುದೇ ಕಡಿಮೆಯಾಗುವುದಿಲ್ಲ ಎಂದು ತಿಳಿಸಿತ್ತು. ಆದರೆ, ಈ ಅರ್ಜಿಯನ್ನು ಎನ್ಜಿಒ ಬಾಂಬೆ ಪರಿಸರ ಕಾರ್ಯ ಗುಂಪು ವಿರೋಧಿಸಿತ್ತು. ಅಲ್ಲದೇ ಎಷ್ಟು ಗಿಡಗಳನ್ನು ನೆಡಲಾಗುವುದು ಎಂಬುದನ್ನು ಸ್ಪಷ್ಟಪಡಿಸಿಲ್ಲ ಎಂದು ತಗಾದೆ ತೆಗೆದಿತ್ತು. ಈ ಆಕ್ಷೇಪ ನಿರಾಕರಿಸಿದ ಎನ್ಎಚ್ಎಸ್ಆರ್ಸಿಎಲ್, ಸಾರ್ವಜನಿಕ ಮಹತ್ವದ ಯೋಜನೆಗೆ ಈ ಕಾರ್ಯ ನಡೆಯುತ್ತಿದೆ ಎಂದು ಸ್ಪಷ್ಟಪಡಿಸಿತ್ತು.
ಇದನ್ನೂ ಓದಿ: 'ಖಾಕಿ'ಗೆ ಸ್ಫೂರ್ತಿಯಾಗಿದ್ದ ಐಪಿಎಸ್ ಅಧಿಕಾರಿ ಅಮಿತ್ ಲೋಧಾ ಅಮಾನತು!
