ಮುಂಬೈ(ಮಹಾರಾಷ್ಟ್ರ): ರೈಲ್ವೆ ಅಪಘಾತದ ವೇಳೆ ಕೈ ಕಳೆದುಕೊಂಡಿದ್ದ ವ್ಯಕ್ತಿಯೊಬ್ಬನಿಗೆ ಮುಂಬೈನ ಜೆಜೆ ಆಸ್ಪತ್ರೆಯಲ್ಲಿ ಅಪರೂಪದ ಶಸ್ತ್ರಚಿಕಿತ್ಸೆ ಮೂಲಕ ಕೈ ಜೋಡಿಸಲಾಗಿದ್ದು, ಇದೀಗ ವೈದ್ಯರ ಪ್ರಯತ್ನದಿಂದ ಆತನಿಗೆ ಮರುಜನ್ಮ ಸಿಕ್ಕಿದೆ.
ಉತ್ತರ ಪ್ರದೇಶದ ಮೂಲದ ವ್ಯಕ್ತಿ ಅಜಿತ್ ಕುಮಾರ್ ಮಾರ್ಚ್ 16ರಂದು ಭೈಖಲಾ ರೈಲ್ವೆ ನಿಲ್ದಾಣದಲ್ಲಿ ಅಪಘಾತಕ್ಕೀಡಾಗಿದ್ದರು. ಆತನನ್ನ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಈ ವೇಳೆ ಕೋವಿಡ್ ಪರೀಕ್ಷೆ ನಡೆಸಿದಾಗ ಪಾಸಿಟಿವ್ ಇರುವುದು ದೃಢಗೊಂಡಿದೆ. ಇದರ ಮಧ್ಯೆ ಕೂಡ ವೈದ್ಯರಾದ ಡಾ. ಚಂದ್ರಕಾಂತ್ ಹಾಗೂ ಡಾ. ಯೋಗೆಶ್ ಜೈಸ್ವಾಲ್ ಯಶಸ್ವಿ 11 ಗಂಟೆಗಳ ಕಾಲ ಶಸ್ತ್ರಚಿಕಿತ್ಸೆ ನಡೆಸಿ ಕೈ ಮರು ಜೋಡಣೆ ಮಾಡಿದ್ದಾರೆ.
ಅಜಿತ್ ಕುಮಾರ್ ಮಾನಸಿಕವಾಗಿ ಸ್ಥಿರವಾಗಿಡಲು ಶಸ್ತ್ರಚಿಕಿತ್ಸೆ ವೇಳೆ ಉತ್ತರ ಪ್ರದೇಶದ ಹಾಡು ಸ್ಥಳೀಯ ಭಾಷೆಯಲ್ಲಿ ವಿಡಿಯೋ ತೋರಿಸಿದ್ದಾರೆ. ಅಪಘಾತದ ವೇಳೆ ಕೈ ಮುಂದಿನ ಭಾಗ ಸಂಪೂರ್ಣವಾಗಿ ಮುರಿದು ಹೋಗಿದೆ. ಮುರಿದ ಕೈಯಲ್ಲಿನ ನರ ಜೋಡಿಸಲು ಕಾಲಿನಿಂದ ಒಂದು ನರ ಬಳಿಸಿದ್ದಾರೆ. ಜತೆಗೆ ಹೊಟ್ಟೆಯಿಂದ ಚರ್ಮದ ಒಂದು ಭಾಗ ತೆಗೆದಯಕೊಂಡು ಶಸ್ತ್ರಚಿಕಿತ್ಸೆ ಮಾಡಿರುವ ಜಾಗಕ್ಕೆ ಬಳಕೆ ಮಾಡಿದ್ದಾರೆ. ಇದೀಗ ಆತ ಚೇತರಿಸಿಕೊಳ್ಳುತ್ತಿದ್ದು, ಶಸ್ತ್ರಚಿಕಿತ್ಸೆ ನಡೆಸಿರುವ ವೈದ್ಯರಿಗೆ ಧನ್ಯವಾದ ಹೇಳಿದ್ದಾನೆ.
