ಸೂರತ್ (ಗುಜರಾತ್): ಬಹುನಿರೀಕ್ಷಿತ ಮುಂಬೈ-ಅಹಮದಾಬಾದ್ ಹೈಸ್ಪೀಡ್ ಬುಲೆಟ್ ರೈಲು 2026 ರ ವೇಳೆಗೆ ಪ್ರಾಯೋಗಿಕ ಪರೀಕ್ಷೆಗೆ ಸಿದ್ಧವಾಗಲಿದೆ. ಇದು ಗುಜರಾತ್ ವಿಭಾಗದಲ್ಲಿ ಸಂಚಾರ ನಡೆಸಲಿದ್ದು, 2027 ರ ವೇಳೆಗೆ ಸಂಪೂರ್ಣವಾಗಿ ಜನ ಸೇವೆಗೆ ಸಿಗಲಿದೆ ಎಂದು ಹೈಸ್ಪೀಡ್ ರೈಲ್ ಕಾರ್ಪೋರೇಷನ್ ಲಿಮಿಟೆಡ್ನ ವ್ಯವಸ್ಥಾಪಕ ನಿರ್ದೇಶಕ ಎಸ್ಸಿ ಅಗ್ನಿಹೋತ್ರಿ ತಿಳಿಸಿದ್ದಾರೆ.
ಯೋಜನೆಯ ಹೆಚ್ಚಿದ ವೆಚ್ಚಗಳು, ಭೂಸ್ವಾಧೀನ ಪ್ರಕ್ರಿಯೆ ಮತ್ತು ಕೊರೊನಾ ಸಾಂಕ್ರಾಮಿಕ ರೋಗದಿಂದಾಗಿ ನಿಗದಿತ ಗಡುವಿಗೆ ಯೋಜನೆ ಪೂರ್ಣಗೊಳಿಸಲು ಸಾಧ್ಯವಾಗಿಲ್ಲ. ಈ ಬಗ್ಗೆ ಸಹಭಾಗಿತ್ವ ಹೊಂದಿರುವ ಜಪಾನ್ ಸರ್ಕಾರದೊಂದಿಗೆ ಚರ್ಚಿಸಿ ಶೀಘ್ರವಾಗಿ ಯೋಜನೆ ಪೂರ್ಣಗೊಳಿಸಲು ಯತ್ನಿಸಲಾಗುವುದು ಎಂದು ಜಪಾನ್ ರಾಯಭಾರಿ ಸತೋಶಿ ಸುಜುಕಿ ಜೊತೆ ನಡೆಸಿದ ಜಂಟಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
ಗುಜರಾತ್, ದಾದ್ರಾ ಮತ್ತು ನಗರ ಹವೇಲಿಯಲ್ಲಿ ಸಂಪೂರ್ಣ ಮಾರ್ಗದ ನಿರ್ಮಾಣಕ್ಕಾಗಿ (352 ಕಿಮೀ ದೂರ) 100 ಪ್ರತಿಶತದಷ್ಟು ಗುತ್ತಿಗೆಗಳನ್ನು ಭಾರತೀಯರಿಗೆ ನೀಡಲಾಗಿದೆ. ಗುಜರಾತ್‌ನಲ್ಲಿ 8 ನಿಲ್ದಾಣಗಳಿದ್ದು, ಸೂರತ್ ನಿಲ್ದಾಣವು ಹೈ-ಸ್ಪೀಡ್ ಬುಲೆಟ್ ರೈಲು ಯೋಜನೆಯಲ್ಲಿಯೇ ವಿಶೇಷವಾಗಿ, ವಿಸ್ತೀರ್ಣದಲ್ಲಿ ದೊಡ್ಡದಾಗಿರಲಿದೆ. 2023 ರ ವೇಳೆಗೆ ಸೂರತ್ ನಿಲ್ದಾಣವು ಪೂರ್ಣಗೊಳ್ಳಲಿದೆ ಮತ್ತು ಯೋಜನೆಯ ಭಾಗವಾಗಿ ಸಿದ್ಧವಾಗುವ ಮೊದಲ ನಿಲ್ದಾಣವಾಗಲಿದೆ ಎಂದು ಅವರು ಮಾಹಿತಿ ನೀಡಿದರು.
ಇದನ್ನೂ ಓದಿ: ಪಿಂಚಣಿಗಾಗಿ 56 ವರ್ಷ ಹೋರಾಡಿ ಕೊನೆಗೂ ಗೆದ್ದ ಹುತಾತ್ಮ ಯೋಧನ ಪತ್ನಿ!
