ಜಯಪುರ (ಒಡಿಶಾ): ಒಡಿಶಾದ ಕೋರಪುಟ್‌ನಿಂದ ಪಂಜಾಬ್‌ಗೆ ಆಮ್ಲಜನಕ ಹೊತ್ತೊಯ್ಯತ್ತಿದ್ದ ಲಾರಿಯಲ್ಲಿ ಸಾಗಿಸಲಾಗುತ್ತಿದ್ದ 1.10 ಕೋಟಿ ರೂ.ಗಳ ಮೌಲ್ಯದ ಗಾಂಜಾವನ್ನು ಜಯಪುರ ಸದರ್ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಗಾಂಜಾ ಸಾಗಾಟದ ಬಗ್ಗೆ ಮಾಹಿತಿ ಪಡೆದ ಪೊಲೀಸರು ದಾಳಿ ನಡೆಸಿದ್ದು, 1.10 ಕೋಟಿ ರೂ.ಗಳ ಮೌಲ್ಯದ ಒಟ್ಟು 1,277 ಕೆ.ಜಿ ಗಾಂಜಾ ವಶಕ್ಕೆ ಪಡೆದಿದ್ದಾರೆ.
ಅಲ್ಲದೆ ಪಂಜಾಬ್‌ನ ಲುಧಿಯಾನ ಮೂಲದ ಇಬ್ಬರು ಆರೋಪಿಗಳಾದ ಜೋಶ್‌ಪಾಲ್ (43) ಮತ್ತು ಲಖ್ವಿಂದರ್ ಸಿಂಗ್ (43) ಎಂಬುವರನ್ನು ಬಂಧಿಸಲಾಗಿದೆ. ಜೋಶ್‌ಪಾಲ್ ಲಾರಿ ಚಾಲಕನಾಗಿದ್ದು, ಲಖ್ವಿಂದರ್ ಗಾಂಜಾ ಖರೀದಿಸಿದವನಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ: ಆಯಿಷಾ ವಿರುದ್ಧ ದೇಶದ್ರೋಹ ಪ್ರಕರಣಕ್ಕೆ ಖಂಡನೆ: 15 ಬಿಜೆಪಿ ಕಾರ್ಯಕರ್ತರ ರಾಜೀನಾಮೆ
