ಗ್ಯಾಂಗ್‌ಸ್ಟರ್ ಬಬ್ಲು ಬಂಧನ : ಪೊಲೀಸರು, ದರೋಡೆಕೋರರ ನಡುವೆ ಗುಂಡಿನ ಚಕಮಕಿ

ಪಂಜಾಬ್​ ಪೊಲೀಸರು ದರೋಡೆಕೋರರ ವಿರುದ್ಧ ಕಾರ್ಯಾಚರಣೆ ಆರಂಭಿಸಿದ್ದು, ಇಂದು ನಾಲ್ಕು ಗಂಟೆ ಕಾರ್ಯಾಚರಣೆ ಮಾಡಿ ಬಬ್ಲು ಎಂಬ ಗ್ಯಾಂಗ್​ಸ್ಟರ್​ನನ್ನು ಬಂಧಿಸಿದ್ದಾರೆ.

ಗುರುದಾಸ್‌ಪುರ: ಪಂಜಾಬ್​ನಲ್ಲಿ ದರೋಡೆಕೋರರ ವಿರುದ್ಧ ಪೊಲೀಸರು ಕಾರ್ಯಾಚರಣೆ ಆರಂಭಿಸಿದ್ದಾರೆ. ಅಚ್ಚಲ್ ಸಾಹಿಬ್ ಪಟ್ಟಣದ ಕೋಟ್ಲಾ ಬೋಜಾ ಗ್ರಾಮದಲ್ಲಿ ಅಡಗಿ ಕುಳಿತಿದ್ದ ಗ್ಯಾಂಗ್​ಸ್ಟರ್​ ಬಬ್ಲುನನ್ನು ಬಂಧಿಸಲು ಸುಮಾರು ನಾಲ್ಕುಗಂಟೆಗಳ ಕಾರ್ಯಾಚರಣೆ ನಡೆಸಿದರು. ಪೊಲೀಸರು ಮತ್ತು ಗ್ಯಾಂಸ್ಟರ್​ನಡುವೆ ಗುಂಡಿನ ಚಕಮಕಿ ನಡೆಯಿತು. ಗುಂಡಿನಿಂದ ಗಾಯಗೊಂಡ ಬಬ್ಲುನನ್ನು ಪೊಲೀಸರು ಸದ್ಯ ಬಂಧಿಸದ್ದಾರೆ.

ಬೋಜಾ ಗ್ರಾಮದ ಅರಣ್ಯ ಪ್ರದೇಶದ ಜಾಗದಲ್ಲಿ ಅಡಗಿ ಕುಳಿತಿದ್ದ ಬಬ್ಲುನನ್ನು ಪತ್ತೆ ಹಚ್ಚಲು ಪೊಲೀಸರು ಆಧುನಿಕ ಶಸ್ತ್ರಾಸ್ತ್ರಗಳನ್ನು ಬಳಸಿದರು. ಬಬ್ಲುನ ಜಾಗವನ್ನು ಕಂಡು ಹಿಡಿಯುವ ಸಲುವಾಗಿ ಡ್ರೋನ್​ ಬಳಕೆಯನ್ನು ಪೊಲೀಸರು ಮಾಡಿದ್ದಾರೆ. ಜಾಗ ಪತ್ತೆ ಹಚ್ಚಿದ ನಂತರ ಗ್ಯಾಂಗ್​ಸ್ಟರ್​ ಮತ್ತು ಪೊಲೀಸರ ನಡುವೆ ನಡೆದ ಸುಮಾರು ಗುಂಡಿನ ಚಕಮಕಿಯಲ್ಲಿ 100ಕ್ಕೂ ಹೆಚ್ಚು ಬುಲೆಟ್​ಗಳು ಬಳಸಲಾಗಿತ್ತು.

ಪೊಲೀಸರ ದಾಳಿ ವೇಳೆ, ಬಬ್ಲು ತನ್ನ ಮಡದಿ ಮತ್ತು ಮಕ್ಕಳೊಂದಿಗೆ ಇದ್ದ ಎಂದು ಹೇಳಲಾಗಿದೆ. ಗಾಯಗೊಂಡ ಬಬ್ಲುನನ್ನು ಪೊಲೀಸರು ಆಸ್ಪತ್ರೆಗೆ ಸೇರಿಸಿದ್ದಾರೆ. ಹೆಂಡತಿ ಮತ್ತು ಮಗುವನ್ನು ವಶಕ್ಕೆ ಪಡೆದಿದ್ದಾರೆ.

ಇದನ್ನೂ ಓದಿ : ಗೆಳತಿ, ಆಕೆಯ ತಾಯಿಯೊಂದಿಗೂ ಸಂಬಂಧ: ನಶೆಯಲ್ಲಿ ಮನೆಗೆ ತೆರಳಿ ಶವವಾದ ಯುವಕ