ಲಕ್ನೋ: ಡ್ರಗ್ಸ್ ಖರೀದಿಸಲು ಸ್ನೇಹಿತರ ಆ್ಯಂಡ್ರಾಯ್ಡ್ ಟ್ಯಾಬ್ಲೆಟ್ ಕದ್ದು ಅಡಮಾನ ಇಟ್ಟಿದ್ದ ಕಾರಣಕ್ಕೆ ಉಂಟಾದ ಜಗಳ ಕೊಲೆಯಲ್ಲಿ ಅಂತ್ಯವಾಗಿದೆ. ಅನುರಾಗ್ ಸಾವನ್ನಪ್ಪಿದ ವ್ಯಕ್ತಿ. ನವೆಂಬರ್ 20ರಂದು ಸೀತಪುರ್ ರಸ್ತೆಯ ಬಕ್ಷಿ ಕಾ ತಲಾಬ್ ಎಂಬಲ್ಲಿ ಅನುರಾಗ್ ಮೃತದೇಹ ಮೋಟರ್ ಸೈಕಲ್ ಜೊತೆ ಪತ್ತೆಯಾಗಿತ್ತು. ಸ್ಥಳೀಯರು ಮೃತದೇಹ ಪತ್ತೆ ಹಚ್ಚಿದ ಬಳಿಕ ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.
ಮೃತ ವ್ಯಕ್ತಿಯ ತಂದೆ ನೀಡಿದ ದೂರಿನ ಅನುಸಾರ ಎಫ್ಐಆರ್ ದಾಖಲಿಸಲಾಗಿದ್ದು, ಐಪಿಸಿ ಸೆಕ್ಷನ್ 302 ಮತ್ತು 201 ಅಡಿ ಪ್ರಕರಣ ದಾಖಲಿಸಲಾಗಿದೆ. ವಿಶಾಲ್ ವರ್ಮ ಮತ್ತು ಅಜಯ್ ಭಾರ್ಗವನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಆರೋಪಿಗಳು ಡ್ರಗ್ ಪಡೆಯಲು ಅಜಯ್ ಟ್ಯಾಬ್ಲೆಟ್ ಅಡ ಇಟ್ಟಿದ್ದಾರೆ. ಈ ಸಂಬಂಧ ಉಂಟಾದ ಮಾತಿನ ಚಕಮಕಿ ಹಿಂಸಾಕೃತ್ಯಕ್ಕೆ ತಿರುಗಿದ್ದು, ಅನುರಾಗ್ ತಲೆಗೆ ಹೆಲ್ಮೆಟ್ನಿಂದ ಹೊಡೆಯಲಾಗಿದೆ. ಬಳಿಕ ಆರೋಪಿಗಳು ಪರಾರಿಯಾಗಿದ್ದರು.
ಇದನ್ನೂ ಓದಿ: ಕ್ಷುಲ್ಲಕ ಕಾರಣಕ್ಕೆ ಗಲಾಟೆ: ಚಾಕುವಿನಿಂದ ಇರಿದು ಸ್ನೇಹಿತನ ಹತ್ಯೆ
