ಮಾಲೆಗಾಂವ್ (ನಾಸಿಕ್) : ಬಾಲಿವುಡ್ ನಟರಾದ ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಅವರ ಚಲನಚಿತ್ರಗಳಿಗಾಗಿ ನಟರ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿರುತ್ತಾರೆ. ಇವರ ಸಿನಿಮಾ ರಿಲೀಸ್ ಆದಾಗ ಸಂಭ್ರಮಾಚರಣೆ ಸಹ ಜೋರಾಗೆ ಇರುತ್ತದೆ. ಆದರೆ ಮಾಲೆಗಾಂವ್ನಲ್ಲಿ ಅಭಿಮಾನಿಗಳ ಸಂಭ್ರಮ ಅವಘಡಕ್ಕೆ ಕಾರಣವಾಗಿದೆ.
ರಾಕೇಶ್ ರೋಶನ್ ಅವರ “ಕರಣ್ ಅರ್ಜುನ್” ಪ್ರದರ್ಶನದ ಸಮಯದಲ್ಲಿ, ಶಾರುಖ್ ಖಾನ್ ಮತ್ತು ಸಲ್ಮಾನ್ ಎಂಟ್ರಿ ಸೀನ್ ಸಮಯದಲ್ಲಿ ಜನರ ಗುಂಪು ಪಟಾಕಿಗಳನ್ನು ಸಿಡಿಸಿಲು ಪ್ರಾರಂಭಿಸಿತು. ಈ ವೇಳೆ ಬೆಂಕಿಯ ಕಿಡಿ ಆಸನಗಳಿಗೆ ಸಿಡಿದು, ಥಿಯೇಟರ್ನಲ್ಲಿ ಬೆಂಕಿ ಹೊತ್ತಿಕೊಳ್ಳಲು ಕಾರಣವಾಯಿತು. ಈ ವೇಳೆ, ಸಿಬ್ಬಂದಿ ಬೆಂಕಿಯನ್ನು ನಂದಿಸುವಲ್ಲಿ ಯಶಸ್ವಿಯಾದರು. ಈ ಘಟನೆ ಫೆ.12 ರಂದು ಜರುಗಿದ್ದು, ಮಾಲೆಗಾಂವ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
ಈ ಪ್ರಕರಣದಲ್ಲಿ ಅಪರಿಚಿತ ಜನರ ವಿರುದ್ಧ ಥಿಯೇಟರ್ ಆಡಳಿತ ಮಂಡಳಿ ದೂರು ದಾಖಲಿಸಿದೆ. ಕೊರೊನಾ ಲಾಕ್ಡೌನ್ ಬಳಿಕ ಸಿನಿಮಾ ಚಿತ್ರಮಂದಿರಗಳು ಬಾಗಿಲು ತೆರೆದಿದ್ದು, ಹಳೆಯ ಚಿತ್ರಗಳನ್ನು ಮಾಲೆಗಾಂವ್‌ನ ಸೆಂಟ್ರಲ್ ಥಿಯೇಟರ್ನಲ್ಲಿ ಪ್ರದರ್ಶಿಸಲಾಗುತ್ತದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಈ ಪ್ರಕರಣದಲ್ಲಿ ಪೊಲೀಸರು ಅಪರಿಚಿತ ವ್ಯಕ್ತಿಗಳ ವಿರುದ್ಧ 24, 112, 117 ಸೆಕ್ಷನ್ ಅಡಿ ಪ್ರಕರಣ ದಾಖಲಿಸಿದ್ದಾರೆ.
