ಹೈದರಾಬಾದ್ : ತೆಲಂಗಾಣದ ರಾಜಧಾನಿ ಹೈದರಾಬಾದ್ನ ಟ್ಯಾಂಕ್ ಬಂಡ್ ಒಳಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡ ಅಥವಾ ಆಕಸ್ಮಿಕವಾಗಿ ಬಿದ್ದು ಸಾವನ್ನಪ್ಪಿದ ವ್ಯಕ್ತಿಗಳ ಶವಗಳನ್ನು ಹೊರತೆಗೆಯುವ ಕೆಲಸ ಮಾಡುತ್ತಿದ್ದ ವ್ಯಕ್ತಿಯ ಆ್ಯಂಬುಲೆನ್ಸ್ಗೆ ಬಹುಭಾಷಾ ನಟ ಸೋನು ಸೂದ್ ಚಾಲನೆ ನೀಡಿದ್ದಾರೆ.
ಸೋನು ಸೂದ್ ಅವರಿಂದ ಆ್ಯಂಬುಲೆನ್ಸ್ ಉದ್ಘಾಟನೆ
ಶವಾಲ (ಮೃತದೇಹಗಳ) ಶಿವ ಎಂಬಾತನ ಆ್ಯಂಬುಲೆನ್ಸ್ ಸೇವೆಗೆ ಚಾಲನೆ ನೀಡಿದ್ದು, ಆತ ಶವಗಳನ್ನು ಹೊರತೆಗೆದಾಗ ಜನರು ನೀಡುತ್ತಿದ್ದ ಹಣವನ್ನು ಖರ್ಚು ಮಾಡದೇ ಆ ಹಣದಿಂದ ಆ್ಯಂಬುಲೆನ್ಸ್ ಖರೀದಿಸಿದ್ದಾನೆ.
ಇದನ್ನೂ ಓದಿ: ಕಾಡಿನಲ್ಲಿ ಹುದುಗಿಸಿಟ್ಟಿದ್ದ ಬರೊಬ್ಬರಿ 6.70 ಲಕ್ಷ ಮೌಲ್ಯದ ಮದ್ಯ ವಶಕ್ಕೆ!
ಈ ಆ್ಯಂಬುಲೆನ್ಸ್ ಸೇವೆಗೆ ನಟ ಸೋನು ಸೂದ್ ಚಾಲನೆ ನೀಡಿದ್ದು, 'ಶವಾಲ ಶಿವ'ನ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಯುವಕರು ಶವಾಲ ಶಿವನನ್ನು ಸ್ಫೂರ್ತಿಯಾಗಿ ತೆಗೆದುಕೊಳ್ಳಬೇಕೆಂದು ಮನವಿ ಮಾಡಿದ್ದಾರೆ.
ಆ್ಯಂಬುಲೆನ್ಸ್ಗೆ ಚಾಲನೆ ನೀಡುವ ವೇಳೆ ಶಾಸಕ ಮುಟಾ ಗೋಪಾಲ್ ಪೂಜೆ ನೆರವೇರಿಸಿದ್ದು, ಶವಾಲ ಶಿವನ ಕಾರ್ಯವನ್ನು ಶ್ಲಾಘಿಸಿದ್ದಾರೆ.
