ಮುಜಾಫರ್‌ನಗರ : ಇದೊಂದು ವಿಚಿತ್ರದಲ್ಲಿ ವಿಚಿತ್ರ ಘಟನೆಯಾಗಿದೆ. ಜನಸತ್ ಪೊಲೀಸ್ ಠಾಣಾ ವ್ಯಾಪ್ತಿಯ ಹಳ್ಳಿಯೊಂದರಲ್ಲಿ ವ್ಯಕ್ತಿಯೊಬ್ಬ ಪಕ್ಕದ ಮನೆಯ ಪತ್ನಿಯನ್ನು ಮಾರಾಟ ಮಾಡಿರುವುದು ಬೆಳಕಿಗೆ ಬಂದಿದೆ. ಬಳಿಕ ಎರಡು ಗುಂಪುಗಳ ಮಧ್ಯೆ ಮಾರಾಮಾರಿ ನಡೆದಿದೆ.
ನನ್ನ ಪತ್ನಿ ವಿದ್ಯಾವಂತೆ ಮತ್ತು ಸುಂದರವಾಗಿದ್ದಾಳೆ. ನೆರೆಹೊರೆ ವ್ಯಕ್ತಿ ಮತ್ತೊಂದು ಪೊಲೀಸ್ ಠಾಣಾ ವ್ಯಾಪ್ತಿಯ ವ್ಯಕ್ತಿಗೆ ಒಂದು ಲಕ್ಷ ರೂಪಾಯಿಗೆ ಮಾರಾಟ ಮಾಡಿದ್ದಾರೆ. ಪೊಲೀಸರಿಗೆ ಹಲವು ಬಾರಿ ಅರ್ಜಿ ಸಲ್ಲಿಸಿದ್ದರೂ ವಿಚಾರಣೆ ನಡೆದಿಲ್ಲ. ಇದರಿಂದಾಗಿ ನಾನು ಆ ವ್ಯಕ್ತಿಯೊಂದಿಗೆ ಜಗಳವಾಡಿದ್ದೇನೆ ಎಂದು ಸಂತ್ರಸ್ತ ವ್ಯಕ್ತಿ ಆರೋಪಿಸಿದ್ದಾರೆ.
ಈ ಕುರಿತು ಪೊಲೀಸ್ ಠಾಣೆಯ ಪ್ರಭಾರಿ ಬಬ್ಲು ಸಿಂಗ್ ವರ್ಮಾ ಮಾತನಾಡಿ, ಸಂತ್ರಸ್ತನ ಪತ್ನಿ ವಿದ್ಯಾವಂತೆ ಮತ್ತು ಸುಂದರವಾಗಿದ್ದಾರೆ ಎಂದು ಅವರ ಪತಿ ದೂರಿನಲ್ಲಿ ತಿಳಿಸಿದ್ದಾರೆ. ಅವಳು ಸ್ವ-ಇಚ್ಛೆಯಿಂದ ಹೋಗಿದ್ದಾಳೆ. ಉಭಯ ಪಕ್ಷಗಳ ನಡುವಿನ ವಾಗ್ವಾದ ಮಾರಾಮಾರಿಗೆ ತಿರುಗಿದೆ. ಹೀಗಾಗಿ, ಶಾಂತಿ ಭಂಗದ ಆರೋಪದ ಮೇಲೆ ಎರಡೂ ಕಡೆಯವರ ಮೇಲೆ ದೂರು ದಾಖಲಿಸಲಾಗಿದೆ ಎಂದು ಹೇಳಿದರು.
ಓದಿ: ಅಪಘಾತದಲ್ಲಿ ಪತಿ ಸಾವು: ದುಃಖ ತಾಳಲಾರದೆ ಮಗು ಕೊಂದು ಪತ್ನಿ ಆತ್ಮಹತ್ಯೆ
