ಹೈದರಾಬಾದ್: ಭಾರತ ಕ್ರಿಕೆಟ್ ತಂಡದ ಮಾಜಿ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಒಂದು ತಿಂಗಳ ಕಾಲ ವಿಶ್ರಾಂತಿ ಪಡೆದಿದ್ದಾರೆ. ಕ್ರೀಡಾಪಟುಗಳು ಎದುರಿಸುವ ಮಾನಸಿಕ ಒತ್ತಡ ಮತ್ತು ಇಂಥ ಸಂದರ್ಭದಲ್ಲಿ ವಿರಾಟ್ ಕೊಹ್ಲಿ ವಿಶ್ರಾಂತಿ ಪಡೆದಿರುವ ಕುರಿತು ಸ್ಪೋರ್ಟ್ ಮತ್ತು ಪರ್ಫಾರ್ಮೆನ್ಸ್ ಸೈಕಾಲಜಿಸ್ಟ್ ಡಾ. ನಾನಕಿ ಜೆ. ಚಡ್ಢಾ ಈಟಿವಿ ಭಾರತ್ನ ಆಯುಷ್ಮಾನ್ ಪಾಂಡೆ ಅವರೊಂದಿಗೆ ಮಾತನಾಡಿದ್ದಾರೆ.
ಪ್ರಶ್ನೆ: ಒಂದು ತಿಂಗಳ ವಿರಾಮದ ನಂತರ ವಿರಾಟ್ ಕೊಹ್ಲಿ ಸಂಪೂರ್ಣವಾಗಿ ವಿಭಿನ್ನ ಬ್ಯಾಟ್ಸಮನ್ ರೀತಿ ಕಾಣುತ್ತಿದ್ದಾರೆ. ಅವರು ಇಡೀ ತಿಂಗಳು ಆಟದಿಂದ ದೂರ ಉಳಿಯುವ ಬಗ್ಗೆ ಮಾತನಾಡಿದ್ದಾರೆ. ಇದು ಆಟದ ಮೇಲಿನ ಪ್ರೀತಿಯನ್ನು ಮರಳಿ ತಂದಿದೆ. ಕ್ರೀಡೆಯಿಂದ ಸ್ವಲ್ಪ ಸಮಯದವರೆಗೆ ದೂರವಿರುವುದು ಅಗತ್ಯ ಏಕೆ ಎಂದು ನೀವು ಭಾವಿಸುತ್ತೀರಿ?
ಉತ್ತರ: ಪ್ರಖ್ಯಾತ ಕ್ರೀಡಾಪಟುಗಳು ಬಹಳ ಒತ್ತಡವನ್ನು ಎದುರಿಸುತ್ತಾರೆ. ನಿರಂತರ ಪ್ರಯಾಣ, ಇತರರಿಂದ ಅವಾಸ್ತವಿಕ ನಿರೀಕ್ಷೆಗಳು ಮತ್ತು ಪರ್ಫೆಕ್ಷನ್ ಮನೋಭಾವ ಇವು ಕೆಲವೇ ಉದಾಹರಣೆಗಳಾಗಿವೆ. ವಿರಾಟ್ ಕೊಹ್ಲಿಯಂತಹ ಕ್ರೀಡಾಪಟುಗಳು ನಿರಂತರವಾಗಿ ಸಾರ್ವಜನಿಕರ ಕಣ್ಣಲ್ಲಿರುತ್ತಾರೆ ಮತ್ತು ಅವರ ಪ್ರತಿಯೊಂದು ನಿರ್ಧಾರವು ವೈಯಕ್ತಿಕ ಅಥವಾ ವೃತ್ತಿಪರವಾಗಿರಲಿ, ಅದರ ಬಗ್ಗೆ ಕಾಮೆಂಟ್ ಮಾಡಲಾಗುತ್ತದೆ.
ನಿಯಮಿತ ತರಬೇತಿ ವೇಳಾಪಟ್ಟಿಗಳ ಜೊತೆಗೆ ಈ ನಿರಂತರ ಪರಿಶೀಲನೆಯೊಂದಿಗೆ ವ್ಯವಹರಿಸುವುದು ಅತ್ಯಧಿಕ ಒತ್ತಡದ ಸ್ಥಿತಿಗೆ ಕಾರಣವಾಗಬಹುದು. ಸ್ಪರ್ಧಾತ್ಮಕ ಕ್ರೀಡೆಯು ಖಂಡಿತವಾಗಿಯೂ ದೈಹಿಕವಾಗಿ ಸವಾಲಾಗಿದೆ, ಆದರೆ, ಮಾನಸಿಕ ಮತ್ತು ಭಾವನಾತ್ಮಕ ಬಳಲಿಕೆಯನ್ನು ಉಂಟುಮಾಡುವ ಹಲವಾರು ಒತ್ತಡಗಳಿವೆ ಎಂದು ಗುರುತಿಸುವುದು ಮುಖ್ಯವಾಗಿದೆ.
ಇಂಥ ಬಳಲಿಕೆಗಳ ಕಾರಣದಿಂದ ಕ್ರೀಡಾಪಟುವೊಬ್ಬ ಕ್ರೀಡೆಯ ಮೇಲಿನ ಪ್ರೀತಿಯನ್ನು ಕಳೆದುಕೊಳ್ಳಲು ಕಾರಣವಾಗುತ್ತದೆ ಮತ್ತು ಆತ ಕ್ರೀಡೆಯಿಂದ ವಿರಾಮ ತೆಗೆದುಕೊಳ್ಳಲು ಬಯಸುವಂತಾಗುತ್ತದೆ. ಆದ್ದರಿಂದ, ಕ್ರೀಡಾಪಟುಗಳು ನಿಯಮಿತ ಮಧ್ಯಂತರದಲ್ಲಿ ವಿರಾಮಗಳನ್ನು ತೆಗೆದುಕೊಳ್ಳುವುದು ಬಹಳ ಮುಖ್ಯ. ಇದು ಅವರಿಗೆ ವಿಶ್ರಾಂತಿ, ಪುನರ್ಯೌವನಗೊಳಿಸುವಿಕೆ ಮತ್ತು ರೀಚಾರ್ಜ್ ಮಾಡಲು ಅನುವು ಮಾಡಿಕೊಡುತ್ತದೆ. ಇದರಿಂದಾಗಿ ಅವರು ತಾಜಾ ಮನಸ್ಥಿತಿಯೊಂದಿಗೆ ಕ್ರೀಡೆಗೆ ಮರಳುತ್ತಾರೆ.
ಪ್ರಶ್ನೆ: ಕೆಲವು ಸಂದರ್ಭಗಳಲ್ಲಿ ಅವರು ನಾನು ನಾನಾಗಿಲ್ಲ ಎಂದಿದ್ದಾರೆ. ಈ ಹಿಂದೆ ಅವರು ಕ್ರೀಡೆಯನ್ನು ಎಂಜಾಯ್ ಮಾಡಿದಷ್ಟು ಈಗ ಮಾಡುತ್ತಿಲ್ಲ ಅನಿಸುತ್ತಿದೆ. ಆತನೊಬ್ಬ ಮಾನಸಿಕವಾಗಿ ಬಲಿಷ್ಠ ಕ್ರೀಡಾಪಟು ಎಂದು ಗುರುತಿಸಿಕೊಂಡಿದ್ದಾರೆ. ಆದರೆ, ಉತ್ತಮರಲ್ಲಿ ಅತ್ಯುತ್ತಮರಿಗೆ ಹೀಗೆ ಆಗುತ್ತದೆಯೆ? ಕ್ರೀಡಾಪಟು ಉತ್ತಮ ಮಾನಸಿಕ ಸ್ಥಿತಿ ಹೊಂದಿರಲು ಏನು ಮಾಡಬೇಕು?
ಉತ್ತರ: ನಿಮ್ಮ ಮಾತು ಸಂಪೂರ್ಣ ನಿಜ. ಕಳೆದ ಕೆಲವು ವರ್ಷಗಳಲ್ಲಿ, ಭಾರತದಲ್ಲಿ ಮತ್ತು ಜಾಗತಿಕವಾಗಿ ಅನೇಕ ಪ್ರಸಿದ್ಧ ಕ್ರೀಡಾಪಟುಗಳು ಮಾನಸಿಕ ಆರೋಗ್ಯ ವಿರಾಮಗಳನ್ನು ತೆಗೆದುಕೊಳ್ಳುವ ಬಗ್ಗೆ ಮಾತನಾಡಿದ್ದಾರೆ. ಉದಾಹರಣೆಗೆ, 2019 ರಲ್ಲಿ, ಆಸ್ಟ್ರೇಲಿಯಾದ ಸ್ಟಾರ್ ಬ್ಯಾಟ್ಸ್‌ಮನ್‌ಗಳು - ಗ್ಲೆನ್ ಮ್ಯಾಕ್ಸ್‌ವೆಲ್ ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಲು ಕ್ರಿಕೆಟ್‌ನಿಂದ ವಿರಾಮ ತೆಗೆದುಕೊಳ್ಳಲು ನಿರ್ಧರಿಸಿದರು. ಅದೇ ರೀತಿ, ಏಳು ಬಾರಿ ಒಲಿಂಪಿಕ್ ಪದಕ ವಿಜೇತೆ ಸಿಮೋನ್ ಬೈಲ್ಸ್ ಅವರು 2020 ರಲ್ಲಿ ಟೋಕಿಯೊ ಒಲಿಂಪಿಕ್ಸ್‌ನಿಂದ ಹಿಂದೆ ಸರಿದ ನಂತರ ಜಿಮ್ನಾಸ್ಟಿಕ್ಸ್‌ನಿಂದ ಅನಿರ್ದಿಷ್ಟ ವಿರಾಮದಲ್ಲಿದ್ದಾರೆ.
ಮೊದಲನೆಯದಾಗಿ, ಕ್ರೀಡಾಪಟುಗಳಿಗೆ ಕ್ರೀಡಾ ಮನೋವಿಜ್ಞಾನದ ಬೆಂಬಲ ಒದಗಿಸುವುದರಿಂದ ಅವರು ಸ್ಪರ್ಧೆಯ ಒತ್ತಡವನ್ನು ನಿಭಾಯಿಸಲು ಸಮರ್ಥರಾಗಿದ್ದಾರೆ ಎಂದು ಖಚಿತಪಡಿಸಿಕೊಳ್ಳಬಹುದು. ಇತ್ತೀಚೆಗೆ ಭಾರತೀಯ ಪುರುಷರ ಕ್ರಿಕೆಟ್ ಸಹಾಯಕ ಸಿಬ್ಬಂದಿ ತಂಡಕ್ಕೆ ಪ್ಯಾಡಿ ಅಪ್ಟನ್ ಅವರನ್ನು ಮರು - ನೇಮಕ ಮಾಡಿರುವುದು ಸರಿಯಾದ ದಿಕ್ಕಿನಲ್ಲಿ ಪ್ರೋತ್ಸಾಹದಾಯಕ ಹೆಜ್ಜೆಯಾಗಿದೆ.
