ಪ್ರಸ್ತುತ ಚಿಲ್ಲರೆ ವ್ಯಾಪಾರದ ಅಂಗಡಿ, ಸೂಪರ್ ಮಾರ್ಕೆಟ್ಗಳಲ್ಲಿ ತರಹೇವಾರಿ ಬ್ರಾಂಡ್ಗಳ ಇನ್ಸ್ಟಂಟ್ ಪುಳಿಯೊಗರೆ ಪ್ಯಾಕೆಟ್ಗಳು ಸಿಗುತ್ತವೆ. ಇದು ಅತ್ಯವಸರ ಸಂದರ್ಭಗಳಲ್ಲಿ ಮಾಡಲು ಸುಲಭವಾದ ಆಹಾರ ಅನ್ನೋದು ಎಲ್ಲರಿಗೂ ತಿಳಿದಿರುವ ವಿಚಾರ. ಈ ಪುಳಿಯೊಗರೆ ಬಹುತೇಕ ಎಲ್ಲರಿಗೂ ಇಷ್ಟ. ಆದ್ರೆ ದೇವಸ್ಥಾನಗಳಲ್ಲಿ ಪ್ರಸಾದವಾಗಿ ಭಕ್ತರಿಗೆ ನೀಡುವ ಪುಳಿಯೊಗರೆಯ ರುಚಿಯೇ ಬೇರೆ ಆಗಿರುತ್ತದೆ. ಮನೆಯಲ್ಲಿ ಎಷ್ಟು ಬಾರಿ ಪುಳಿಯೊಗರೆ ಮಾಡಿದರೂ ಸಹ ಅದು ರುಚಿಸುವುದಿಲ್ಲ! ಈ ಸ್ಟೋರಿಯಲ್ಲಿ ದೇವಸ್ಥಾನದ ಶೈಲಿಯ ಪುಳಿಯೊಗರೆಯನ್ನು ಮನೆಯಲ್ಲಿ ಹೇಗೆ ತಯಾರಿಸಬೇಕೆಂಬುದನ್ನು ತಿಳಿಯೋಣ..
ಇದನ್ನೂ ಓದಿ: ಪುಸ್ತಕ ಓದುವುದು ಹೇಗೆ?: ಈ ಸಲಹೆಗಳನ್ನು ಪಾಲಿಸಿದ್ರೆ ಜ್ಞಾನಾರ್ಜನೆ ಗ್ಯಾರಂಟಿ! - BOOK READING TIPS
ಬೇಕಾಗುವ ಪದಾರ್ಥಗಳು:
- ಅಕ್ಕಿ- 250 ಗ್ರಾಂ
- ಹುಣಸೆಹಣ್ಣು- 50 ಗ್ರಾಂ
- ಅರಿಶಿನ - ಟೀ ಸ್ಪೂನ್
- ಉಪ್ಪು - ರುಚಿಗೆ ತಕ್ಕಷ್ಟು
- ಸ್ವಲ್ಪ ಕರಿಬೇವಿನ ಎಲೆಗಳು
- ಹಸಿರು ಮೆಣಸಿನಕಾಯಿ - ಮೂರು
- ಸಾಸಿವೆ - ಎರಡು ಚಮಚ
- ಶುಂಠಿ - ಒಂದು ಸಣ್ಣ ತುಣುಕು
- ಕರಿಮೆಣಸು - ಎರಡು
- ಶುಂಠಿ ಪುಡಿ - ಒಂದು ಟೀ ಸ್ಪೂನ್
ಮತ್ತೇನು ಸೇರಿಸಬೇಕು :
ಕಡಲೆಬೇಳೆ- 1/4 ಕಪ್, ಕಡಲೆಬೇಳೆ, ಶೇಂಗಾ- ತಲಾ ಒಂದು ಚಮಚ, ಕರಿಮೆಣಸು- ಐದು, ಸ್ವಲ್ಪ ಕರಿಬೇವಿನ ಸೊಪ್ಪು- ಎರಡು ಲವಂಗ, ಒಂದು ಚಿಟಿಕೆ ಇಂಗು, ಬೆಲ್ಲದ ಪುಡಿ- ಒಂದು ಚಮಚ.
ಪುಳಿಯೊಗರೆ ತಯಾರಿಸುವ ವಿಧಾನ:
- ಮೊದಲು ಅಕ್ಕಿಯನ್ನು ತೊಳೆದು ಅದನ್ನು ಬೇಯಿಸಿ.
- ನಂತರ ಹುಣಸೆ ಹಣ್ಣನ್ನು ನೀರಿಗೆ ಹಾಕಿ ಕುದಿಸಿ.
- ಅನ್ನ ಬಿಸಿಯಾಗಿರುವಾಗ ಅರಿಶಿನ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಕಲಸಿ. ಅನ್ನಕ್ಕೆ ಕರಿಬೇವಿನ ಸೊಪ್ಪು ಮತ್ತು ಹಸಿಮೆಣಸಿನಕಾಯಿ ಕೂಡ ಸೇರಿಸಿ.
- ಜೊತೆಗೆ ಸ್ವಲ್ಪ ಶೇಂಗಾ ಎಣ್ಣೆ ಅಥವಾ ಎಳ್ಳೆಣ್ಣೆ ಸೇರಿಸಿ
- ಈಗ ಮಿಕ್ಸಿಂಗ್ ಬೌಲ್ನಲ್ಲಿ ಒಂದು ಚಮಚ ಸಾಸಿವೆ, ಶುಂಠಿ, ಕರಿಮೆಣಸು ಮತ್ತು ಉಪ್ಪನ್ನು ಸೇರಿಸಿ ಮತ್ತು ನಯವಾದ ಪೇಸ್ಟ್ ಮಾಡಿ.
- ಒಲೆಯ ಮೇಲೆ ಕಡಾಯಿ ಇಟ್ಟು ಎಣ್ಣೆ ಹಾಕಿ ಬಿಸಿ ಮಾಡಿ. ಸಾಸಿವೆ ಮತ್ತು ಸ್ವಲ್ಪ ಕರಿಬೇವಿನ ಸೊಪ್ಪು ಹಾಕಿ ಹುರಿಯಿರಿ.
- ಇದರಲ್ಲಿ ಹುಣಸೆಹಣ್ಣಿನ ತಿರುಳನ್ನು ಸೇರಿಸಿ ಮತ್ತು ಅದು ಗಟ್ಟಿ ಆಗುವವರೆಗೆ ಕುದಿಸಿ. (ಅದರಲ್ಲಿನ ನೀರಿನಂಶ ಖಾಲಿ ಆಗೋರೆಗೆ)
- ನಂತರ ಈ ಮಿಶ್ರಣಕ್ಕೆ ಬೆಲ್ಲದ ಪುಡಿ ಸೇರಿಸಿ ಮಿಶ್ರಣ ಮಾಡಿ. ಬೆಲ್ಲವನ್ನು ಸೇರಿಸುವುದರಿಂದ ಪುಳಿಯೊಗರೆ ಹೆಚ್ಚು ಹುಳಿಯಾಗುವುದಿಲ್ಲ.
- ಈ ಮಿಶ್ರಣ ಗಟ್ಟಿಯಾದ ನಂತರ ಸಾಸಿವೆ ಪೇಸ್ಟ್ ಹಾಕಿ ಬೇಯಿಸಿ.
- ಈಗ ಅದಕ್ಕೆ ಆರಿದ ಅನ್ನವನ್ನು ಸೇರಿಸಿ
ಮತ್ತಷ್ಟು ರುಚಿಗೆ.. ಕಡಾಯಿಯಲ್ಲಿ ಎಣ್ಣೆ ಬಿಸಿ ಮಾಡಿ, ಸಾಸಿವೆ ಹಾಕಿ. ಕಡಲೆಬೇಳೆ, ಉದ್ದಿನಬೇಳೆ ಮತ್ತು ಕಾಳುಗಳನ್ನು ಸೇರಿಸಿ. ಕರಿಮೆಣಸು ಮತ್ತು ಕರಿಬೇವಿನ ಎಲೆಗಳನ್ನು ಹಾಕಿ ಚೆನ್ನಾಗಿ ಹುರಿಯಿರಿ.
ಇದನ್ನೂ ಓದಿ: ಮೃತ ಮಗಳ ಹೆಸರಲ್ಲಿ 600 ವಿದ್ಯಾರ್ಥಿಗಳಿಗೆ ಶಾಲಾ ಸಾಮಗ್ರಿ ದಾನ: ಸಂಬಳವನ್ನೇ ಮೀಸಲಿಟ್ಟಿರುವ ASI ಲೋಕೇಶಪ್ಪ - Donation in daughter name
ಹೀಗೆ ಮಾಡಿದರೆ, ರುಚಿಕಟ್ಟಾದ ಪುಳಿಯೊಗರೆ ಸಿದ್ಧವಾಗುತ್ತದೆ. ಇದನ್ನು ಮನೆಯಲ್ಲಿ ಕುಟುಂಬ ಸಮೇತ ಸೇವಿಸಿ. ಮತ್ತೇಕೆ ತಡ.. ನೀವೇ ಪುಳಿಯೊಗರೆಯನ್ನು ತಯಾರಿಸಿ ಈ ರುಚಿಯನ್ನು ಸವಿಯಿರಿ..
ಇದನ್ನೂ ಓದಿ:ಆಹಾ.. ಗರಿ ಗರಿ ರವಾ ದೋಸೆ - ತಯಾರಿ ತುಂಬಾ ಸುಲಭ - ಶೇಂಗಾ ಚಟ್ನಿ ಜೊತೆ ಸವಿದ್ರೆ ರುಚಿಯೇ ಬೇರೆ! - CRISPY RAVA DOSA RECIPE