ಬೆಂಗಳೂರು: ವಿದ್ಯಾರ್ಥಿಗಳ ಮೇಲಿನ ಪ್ರವೇಶ ಪರೀಕ್ಷೆಗಳ ಒತ್ತಡವನ್ನು ತಗ್ಗಿಸಲು ವಿಶ್ವವಿದ್ಯಾಲಯ ಧನಸಹಾಯ ಆಯೋಗವು ಹೊಸ ಪ್ರಸ್ತಾವನೆಯನ್ನು ಮುಂದಿಟ್ಟಿದೆ. ಈ ಬಗ್ಗೆ ಯುಜಿಸಿ ಅಧ್ಯಕ್ಷ ಎಂ. ಜಗದೀಶ್‌ಕುಮಾರ್ ಮಾತನಾಡಿ, ಕೇಂದ್ರೀಯ ವಿಶ್ವವಿದ್ಯಾಲಯಗಳ ಪ್ರವೇಶಕ್ಕಾಗಿ ಈ ವರ್ಷ ಆರಂಭವಾಗಿರುವ ಸಿಯುಇಟಿಯಲ್ಲಿ ನೀಟ್ ಮತ್ತು ಜೆಇಇ ಮೇನ್ ವಿಲೀನಗೊಳಿಸಲು ಯೋಜಿಸಲಾಗಿದೆ. ಪ್ರಸ್ತುತ, ಈ ಎಲ್ಲಾ ಮೂರು ಪರೀಕ್ಷೆಗಳನ್ನು NTA (ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ) ನಡೆಸುತ್ತದೆ. ಮೂರು ವಿಭಿನ್ನ ಪರೀಕ್ಷೆಗಳನ್ನು ಒಂದೇ ಪರೀಕ್ಷೆಯ ಅಡಿಯಲ್ಲಿ ತಂದರೆ NTA ಅದನ್ನು ಹೆಚ್ಚು ಪರಿಣಾಮಕಾರಿಯಾಗಿ ನಡೆಸಲು ಸಾಧ್ಯವಾಗುತ್ತದೆ. ವಿದ್ಯಾರ್ಥಿಗಳು ಒಂದೇ ಪರೀಕ್ಷೆಯಲ್ಲಿ ಪಡೆದ ಅಂಕಗಳ ಆಧಾರದ ಮೇಲೆ ಕೋರ್ಸ್ ಅನ್ನು ಆಯ್ಕೆ ಮಾಡಬಹುದು. ಅದಕ್ಕಾಗಿಯೇ ನಾವು ಈ ಹೊಸ ನೀತಿಯನ್ನು ತರಲಿದ್ದೇವೆ ಎಂದು ಅವರು ತಿಳಿಸಿದರು. ಈ ವಿಷಯವನ್ನು ಸಂಬಂಧಿತ ಪಾಲುದಾರರೊಂದಿಗೆ ಚರ್ಚಿಸಲು ಮತ್ತು ಒಮ್ಮತಕ್ಕೆ ಬರಲು ಸಮಿತಿಯನ್ನು ರಚಿಸಲಾಗುವುದು ಎಂದು ಹೇಳಿದರು. ಹೊಸ ನೀತಿ ಜಾರಿಗೊಳಿಸುವ ಬಗ್ಗೆ ಈಟಿವಿ ಭಾರತದೊಂದಿಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಈ ವಿಷಯಗಳನ್ನು ಅವರು ಬಹಿರಂಗಪಡಿಸಿದರು.
ಯುಜಿಸಿ ಅಧ್ಯಕ್ಷ ಎಂ. ಜಗದೀಶ್‌ಕುಮಾರ್ ಅವರ ಸಂದರ್ಶನದ ಪೂರ್ಣಪಾಠ ಇಲ್ಲಿದೆ:
ಪ್ರಶ್ನೆ: ಪರೀಕ್ಷೆಯ ಮಾದರಿಯಲ್ಲಿ ಮುಂಬರುವ ಬದಲಾವಣೆಗಳೇನು?
ಉತ್ತರ: ಪ್ರಸ್ತುತ, ನೀಟ್ ವಿದ್ಯಾರ್ಥಿಗಳು ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಜೀವಶಾಸ್ತ್ರ ಪರೀಕ್ಷೆಗಳನ್ನು ಬರೆಯುತ್ತಾರೆ. ಜೆಇಇ ವಿದ್ಯಾರ್ಥಿಗಳು ಗಣಿತ, ಭೌತಶಾಸ್ತ್ರ ಮತ್ತು ರಸಾಯನಶಾಸ್ತ್ರವನ್ನು ಬರೆಯುತ್ತಾರೆ. ಸಿಯುಇಟಿ ಈ ವಿಷಯಗಳ ಜೊತೆಗೆ 61 ವಿಭಿನ್ನ ವಿಷಯಗಳನ್ನು ಒಳಗೊಂಡಿದೆ. ಎನ್ಸಿಇಆರ್ಟಿ ಪಠ್ಯಕ್ರಮದ ಆಧಾರದ ಮೇಲೆ ಎಲ್ಲಾ ಸಿಯುಇಟಿ ಅನ್ನು ಒಟ್ಟಿಗೆ ನಡೆಸಿದರೆ, ಅದು ವಿದ್ಯಾರ್ಥಿಗಳಿಗೆ ಸುಲಭವಾಗುತ್ತದೆ. ಇದು ಜಾರಿಗೆ ಬಂದಾಗ ನೀಟ್‌ನಲ್ಲಿ ಪ್ರವೇಶ ನೀಡುವ ಶಿಕ್ಷಣ ಸಂಸ್ಥೆಗಳು ವಿದ್ಯಾರ್ಥಿಗಳು ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಜೀವಶಾಸ್ತ್ರ ವಿಷಯಗಳಲ್ಲಿ ಪಡೆದ ಅಂಕಗಳನ್ನು ಮಾತ್ರ ಗಣನೆಗೆ ತೆಗೆದುಕೊಂಡು ಅವರಿಗೆ ಸೀಟು ನೀಡುತ್ತವೆ.
ಪ್ರಶ್ನೆ: ವಿಲೀನ ನೀತಿ ಕಲ್ಪನೆ ಹೇಗೆ ಬಂತು?
ಉತ್ತರ: ಸಿಯುಇಟಿ (ಕೇಂದ್ರೀಯ ವಿಶ್ವವಿದ್ಯಾಲಯಗಳ ಸಾಮಾನ್ಯ ಪ್ರವೇಶ ಪರೀಕ್ಷೆ) ಪರಿಚಯಿಸಿದಾಗಿನಿಂದ, ದೇಶದಲ್ಲಿನ ಮೂರು ಪ್ರಮುಖ ಪರೀಕ್ಷೆಗಳಾದ ನೀಟ್ ಮತ್ತು ಜೆಇಇ ಮುಖ್ಯವಾಗಿದ್ದು, ಹೆಚ್ಚಿನವರು ಮೂರನ್ನೂ ಬರೆಯುತ್ತಾರೆ. ಒಬ್ಬ ವಿದ್ಯಾರ್ಥಿಗೆ ಮೂರು ಪರೀಕ್ಷೆ ಬರೆಯುವ ಅವಶ್ಯಕತೆ ಏನಿದೆ ಎಂಬ ಯೋಚನೆ ಬಂದದ್ದು ಆಗ.
ಪ್ರಶ್ನೆ: ಇದರಿಂದ ಆಗುವ ಪ್ರಯೋಜನಗಳೇನು? ಒಂದೇ ಪ್ರವೇಶ ಪರೀಕ್ಷೆಯಿಂದ ಪ್ರಯೋಜನವಿದೆಯೇ?
ಉತ್ತರ: ವಿದ್ಯಾರ್ಥಿಗಳು ಬಹಳ ಪರೀಕ್ಷೆಗಳನ್ನು ಬರೆಯುವ ಸಮಸ್ಯೆಯಿಂದ ಮುಕ್ತರಾಗುತ್ತಾರೆ. ಅದೊಂದು ದೊಡ್ಡ ಅನುಕೂಲ. ವಿದ್ಯಾರ್ಥಿಗಳು ಒಂದು ಪರೀಕ್ಷೆಯತ್ತ ಗಮನ ಹರಿಸಿದರೆ ಸಾಕು. ಅದೂ 12ನೇ ತರಗತಿಯಲ್ಲಿ ಓದಿದ ವಿಷಯಗಳತ್ತ ಗಮನ ಹರಿಸಿದರೆ ಸಾಕು. ಪರೀಕ್ಷೆಯು ನಾಲ್ಕು ವಿಧದ ಬಹು ಆಯ್ಕೆಯ ಪ್ರಶ್ನೆಗಳನ್ನು ಒಳಗೊಂಡಿದೆ. ನೀಡಿರುವ ಉತ್ತರಗಳಲ್ಲಿ ಆಯ್ಕೆ ಮಾಡುವ ಮೂಲಕ ಇತರರು ತಮ್ಮ ವಿಶ್ಲೇಷಣಾತ್ಮಕ ಶಕ್ತಿಯನ್ನು ಪರೀಕ್ಷಿಸುತ್ತವೆ.
ಪ್ರಶ್ನೆ: ಸಾಮಾನ್ಯ ಕೇಂದ್ರೀಯ ವಿಶ್ವವಿದ್ಯಾಲಯ ಪರೀಕ್ಷೆಗಳಿಗೆ ಹೋಲಿಸಿದರೆ ನೀಟ್ ಮತ್ತು ಜೆಇಇ ಕಠಿಣವಲ್ಲವೇ? ಅವುಗಳನ್ನು ಇತರ ಪರೀಕ್ಷೆಗಳೊಂದಿಗೆ ಜೋಡಿಸಿದರೆ, ಅದು ಪರೀಕ್ಷೆಗಳ ಗುಣಮಟ್ಟದ ಮೇಲೆ ಪರಿಣಾಮ ಬೀರುತ್ತದೆಯೇ?
ಉತ್ತರ: 12ನೇ ತರಗತಿಯಲ್ಲಿ ಓದಿರುವ ವಿದ್ಯಾರ್ಥಿಗಳ ಪ್ರತಿಭೆಯನ್ನು ಪರೀಕ್ಷೆಗೆ ಒಳಪಡಿಸಬೇಕು. ಇದಲ್ಲದೆ ಉನ್ನತ ಗುಣಮಟ್ಟದ ಹೆಸರಿನಲ್ಲಿ ಮಕ್ಕಳಿಗೆ ಗೊತ್ತಿಲ್ಲದ ಮತ್ತು ಓದದೇ ಇರುವ ವಿಷಯಗಳನ್ನು ಕಲಿಯಲು ಕೋಚಿಂಗ್ ಸೆಂಟರ್‌ಗಳಿಗೆ ಹೋಗುವಂತೆ ಮಾಡಬಾರದು. ಮಕ್ಕಳ ಮೇಲೆ ಅನಗತ್ಯ ಹೊರೆ ಹಾಕುವುದು ಒಳ್ಳೆಯದಲ್ಲ. ಸಿಯುಇಟಿ ಪ್ರಶ್ನೆ ಪತ್ರಿಕೆಯ ಬಗ್ಗೆ ವಿದ್ಯಾರ್ಥಿಗಳಿಗೆ ಅನುಕೂಲವಾಗಿದೆ. ಪ್ಲಸ್ ಟು ನಲ್ಲಿ ಓದಿರುವುದನ್ನು ಆಧರಿಸಿ ಪ್ರಶ್ನೆಗಳಿರುತ್ತವೆ. ಪ್ರವೇಶ ಪರೀಕ್ಷೆಗಳು ಹಾಗೆಯೇ ಇರಬೇಕು.
ಪ್ರಶ್ನೆ: ಪ್ರವೇಶ ಪರೀಕ್ಷೆಗಳಿಗಾಗಿ ಜಂಟಿ ಅಧ್ಯಯನ ಸಮಿತಿಯನ್ನು ಯಾವಾಗ ರಚಿಸಲಾಗುತ್ತದೆ?
ಉತ್ತರ: ಒಂದು ತಿಂಗಳು ಅಥವಾ ಎರಡು ತಿಂಗಳಲ್ಲಿ ಸಮಿತಿಯನ್ನು ರಚಿಸಬಹುದು. ಈ ಸಮಿತಿಯು ಆರು ತಿಂಗಳಲ್ಲಿ ಸಂಬಂಧಿತ ಸಂಘ ಸಂಸ್ಥೆಗಳೊಂದಿಗೆ ಸಮಾಲೋಚನೆ ನಡೆಸುತ್ತದೆ. ಯುಜಿಸಿ, ಕೇಂದ್ರ ಶಿಕ್ಷಣ ಇಲಾಖೆ ಮತ್ತು ಎನ್‌ಟಿಎ ಒಟ್ಟಿಗೆ ಕುಳಿತು ಆ ಶಿಫಾರಸುಗಳನ್ನು ಚರ್ಚಿಸಿ ಪರೀಕ್ಷೆಯ ಮಾದರಿಯನ್ನು ರೂಪಿಸುತ್ತವೆ. ಆದರೆ ಅದಕ್ಕೂ ಮೊದಲು, ನಾವು ವಿದ್ಯಾರ್ಥಿಗಳು, ಪೋಷಕರು ಮತ್ತು ಇತರ ಮಧ್ಯಸ್ಥಗಾರರನ್ನು ಮಾನಸಿಕವಾಗಿ ಸಿದ್ಧಪಡಿಸಲು ಚರ್ಚೆಯನ್ನು ಪ್ರಾರಂಭಿಸಿದ್ದೇವೆ.
ಪ್ರಶ್ನೆ: ಈಗ ಅವರು ನೀಟ್ ಮತ್ತು ಜೆಇಇ ರ‍್ಯಾಂಕ್ಗಳನ್ನು ನೀಡುತ್ತಿದ್ದಾರೆ. ಸಿಯುಇಟಿಯಲ್ಲೂ ರ‍್ಯಾಂಕ್ಗಳನ್ನು ಘೋಷಿಸಲಾಗುತ್ತದೆಯೇ?
ಉತ್ತರ: ಸಮಿತಿಯು ಈ ವಿಷಯವನ್ನು ನಿರ್ಧರಿಸುತ್ತದೆ. ಆದರೆ ಕೆಲವರು ಮೂರು ವಿಭಿನ್ನ ಪರೀಕ್ಷೆಗಳನ್ನು ಬರೆದಾಗ ನಮಗೆ ಹೆಚ್ಚಿನ ಅವಕಾಶಗಳಿವೆ. ವರ್ಷಕ್ಕೆ ಎರಡು ಬಾರಿ ಸಯುಇಟಿ ಅನ್ನು ನಡೆಸಲು ನಾವು ಉದ್ದೇಶಿಸಿದ್ದೇವೆ. ಪರೀಕ್ಷೆಯನ್ನು ಮೇ ಮತ್ತು ಡಿಸೆಂಬರ್‌ನಲ್ಲಿ ಎರಡು ಬಾರಿ ನಡೆಸಬಹುದು. ಒಂದು ಅವಕಾಶ ತಪ್ಪಿದರೆ ಮತ್ತೊಂದು ಅವಕಾಶ ಸಿಗಬಹುದು.
ಪ್ರಶ್ನೆ: ಈಗಾಗಲೇ ತಡವಾಗಿದೆ, ಆದರೆ ಹೊಸ ಶಿಕ್ಷಣ ನೀತಿ ಬರುವುದು ಖಂಡಿತವೇ?
ಉತ್ತರ: ಹೌದು. ಸಾಧ್ಯವಾದರೆ ಮುಂದಿನ ವರ್ಷ ಇದನ್ನು ಜಾರಿಗೊಳಿಸುವ ಗುರಿ ಹೊಂದಿದ್ದೇವೆ. ಇಲ್ಲದಿದ್ದರೆ 2024-25ನೇ ಸಾಲಿನಲ್ಲಿ ತರುತ್ತೇವೆ. ಇಂತಹ ನಿರ್ಧಾರಗಳನ್ನು ತರಾತುರಿಯಲ್ಲಿ ತೆಗೆದುಕೊಳ್ಳಬಾರದು. ಎಲ್ಲ ಕೋನಗಳಿಂದ ಯೋಚಿಸಲು ಮತ್ತು ಎಲ್ಲಾ ಸಂಘ ಸಂಸ್ಥೆಗಳ ಅಭಿಪ್ರಾಯಗಳನ್ನು ಪಡೆದು ಮುಂದುವರಿಯಲು ಉದ್ದೇಶಿಸಿದ್ದೇವೆ. ಆದ್ದರಿಂದಲೇ ಈ ಬಗ್ಗೆ ಚರ್ಚೆ ನಡೆಸುವಂತೆ ಕೋರುತ್ತಿದ್ದೇವೆ ಎಂದು ಯುಜಿಸಿ ಅಧ್ಯಕ್ಷ ಜಗದೀಶಕುಮಾರ್ ವಿವರಿಸಿದರು.
