ಶ್ರೀನಗರ (ಜಮ್ಮು ಕಾಶ್ಮೀರ): ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯ ಗುಂಡಿಪೋರಾ ಗ್ರಾಮದಲ್ಲಿ ಭದ್ರತಾ ಪಡೆಗಳು ಮತ್ತು ಉಗ್ರರ ನಡುವೆ ಗುಂಡಿನ ಚಕಮಕಿ ನಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪೊಲೀಸರು, ಸೇನೆ ಮತ್ತು ಸಿಆರ್‌ಪಿಎಫ್‌ನ ಜಂಟಿ ತಂಡವು ದಾಳಿ ನಡೆಸಿದೆ. ಎರಡರಿಂದ ಮೂವರು ಉಗ್ರರು ಈ ಪ್ರದೇಶದಲ್ಲಿ ಸಿಕ್ಕಿಬಿದ್ದಿದ್ದಾರೆ ಎಂದು ತಿಳಿದುಬಂದಿದೆ.
ಇಬ್ಬರ ಬೇಟೆ: ಹುತಾತ್ಮನಾದ ಕಾನ್‌ಸ್ಟೇಬಲ್ ರಿಯಾಜ್ ಅಹ್ಮದ್‌ನ ಹಂತಕ ಸೇರಿದಂತೆ ನಿಷೇಧಿತ ಭಯೋತ್ಪಾದಕ ಸಂಘಟನೆ ಜೆಎಂನ ಇಬ್ಬರು ಸ್ಥಳೀಯ ಉಗ್ರರು ಎನ್‌ಕೌಂಟರ್‌ನಲ್ಲಿ ಹತರಾಗಿದ್ದಾರೆ. ಜೆಇಎಂ ಭಯೋತ್ಪಾದಕ ಅಬಿದ್ ಶಾ 13-5-22 ರಂದು ನಿರಾಯುಧ ಪೊಲೀಸ್ ಸಿಬ್ಬಂದಿಯನ್ನು ಕೊಂದಿದ್ದ.
ಪಲಾಯನ ಮಾಡಿದ ಉಗ್ರರು : ಮತ್ತೊಂದು ಘಟನೆಯಲ್ಲಿ ಕುಚ್ ಪೋರಾದ ಅನಂತನಾಗ್‌ನಲ್ಲಿ ಉಗ್ರರು ಪಿಸ್ತೂಲ್, ಎರಡು ಗ್ರೆನೇಡ್‌ಗಳನ್ನು ಬಿಟ್ಟು ಹೋಗಿದ್ದಾರೆ.
ಅನಂತನಾಗ್ ಪೊಲೀಸರು ಮತ್ತು 19RR ಸೇನಾ ಘಟಕ ಅನಂತನಾಗ್‌ನ ಸಂದ್ರಾನ್ ನಲ್ಲಾಹ್ ಕುಚ್‌ಪೋರಾ ಪ್ರದೇಶದಲ್ಲಿ ಗುಂಡಿನ ದಾಳಿ ನಡೆಸಿದೆ. ಗುಂಡಿನ ದಾಳಿಯ ನಂತರ ಉಗ್ರರು ಪಿಸ್ತೂಲ್, ಎರಡು ಗ್ರೆನೇಡ್‌ಗಳನ್ನು ಬಿಟ್ಟು ಹೋಗಿದ್ದಾರೆ. ಇವುಗಳನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ.
ಇದನ್ನೂ ಓದಿ: ಮಡಿಕೇರಿ ಕೋಟೆ ಅಬ್ಬಿ ಜಲಪಾತದಲ್ಲಿ ಮುಳುಗಿ ಮೂವರು ಪ್ರವಾಸಿಗರು ಸಾವು
