ಹೈದರಾಬಾದ್: ಕೋವಿಡ್ಗೆ ಲಸಿಕೆ ಅಭಿವೃದ್ಧಿಪಡಿಸಿರುವ ಮಾಡರ್ನಾ, ಫೈಝರ್/ಬಯೋಎನ್‌ಟೆಕ್, ಎಲಿ ಲಿಲ್ಲಿ ಸೇರಿದಂತೆ ಅನೇಕ ಔಷಧ ಕಂಪನಿಗಳು ತಮ್ಮ ಲಸಿಕೆಗಳು ಹಾಗೂ ಚಿಕಿತ್ಸೆಗಳು ಹೊಸ ತಳಿಯ ಕೋವಿಡ್ ವೈರಸ್ ವಿರುದ್ಧವಾಗಿ ಕಾರ್ಯನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿವೆ. ಹೀಗಾಗಿ ಕೊರೊನಾ ವೈರಸ್ ರೂಪಾಂತರದ ಬಗ್ಗೆ ಯಾರೂ ಭಯ ಪಡುವ ಅಗತ್ಯವಿಲ್ಲ ಎಂದು ತಿಳಿಸಿವೆ.
ಇಂಗ್ಲೆಂಡ್ನಲ್ಲಿ ಹೊಸ ಪ್ರಭೇದದ ಕೋವಿಡ್ ವೈರಸ್ ಪತ್ತೆಯಾಗಿದ್ದು, ಕೆನಡಾ, ಜಪಾನ್‌ ಹಾಗೂ ಯುರೋಪಿಯನ್ ದೇಶಗಳಲ್ಲಿ ಕೊರೊನಾ ರೂಪಾಂತರ ಪ್ರಕರಣಗಳು ವರದಿಯಾಗುತ್ತಿವೆ. ಹಿಂದಿನ ಕೊರೊನಾಗಿಂತಲೂ ಶೇ. 70ರಷ್ಟು ವೇಗವಾಗಿ ಈಗ ರೂಪಾಂತರಗೊಂಡಿರುವ ವೈರಸ್ ಹರಡಬಹುದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
ಕೊರೊನಾ ಮಾತ್ರವಲ್ಲ ಯಾವುದೇ ವೈರಸ್ ಸ್ಥಿರವಾಗಿರುವುದಿಲ್ಲ, ವಿಕಸನಗೊಳ್ಳುತ್ತಿರುತ್ತವೆ ಎಂಬುದು ನಮಗೆ ತಿಳಿದಿದೆ. ಈ ಹಿಂದೆ ಹೊಸ ಪ್ರಭೇದದ ವೈರಸ್ಗಳು ಪತ್ತೆಯಾದಾಗ ನಮ್ಮ ಕಂಪನಿಯ ಪ್ರಯೋಗಾಲಯದ ಪರೀಕ್ಷೆಗಳ ಲಸಿಕೆಯು ಇನ್ನೂ ಪರಿಣಾಮಕಾರಿಯಾಗಿರಬೇಕು ಎಂಬುದನ್ನು ತೋರಿಸಿವೆ. ಇಂತಹ ಪರೀಕ್ಷೆಗಳನ್ನು ಇಂಗ್ಲೆಂಡ್ನಲ್ಲಿ ರೂಪಾಂತರಗೊಂಡ ವೈರಸ್ ಜೊತೆ ನಡೆಸಲು ಯೋಜಿಸಿದ್ದೇವೆ. ಈ ಪ್ರಯೋಗಕ್ಕೆ ಎರಡು ವಾರಗಳ ಕಾಲಾವಧಿ ಬೇಕು. ಆದರೂ ಈಗ ತಯಾರಿಸಿರುವ ಲಸಿಕೆ ಹೊಸ ತಳಿಯ ವಿರುದ್ಧ ಹೋರಾಡಲಿದೆ ಎಂಬ ಭರವಸೆಯಿದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಕೊರೊನಾ ಬಲೆಯಲ್ಲಿ ವಿಶ್ವದ 8.1 ಕೋಟಿ ಮಂದಿ... ಯುರೋಪಿಯನ್ ದೇಶಗಳಲ್ಲಿ 'ರೂಪಾಂತರ'
ಅಂತೆಯೇ ಅಮೆರಿಕದಲ್ಲಿ ತನ್ನ ಲಸಿಕೆಯನ್ನು ವಿತರಿಸಲು ಪ್ರಾರಂಭಿಸಿದ ಮಾಡರ್ನಾ, ನಮ್ಮ ಲಸಿಕೆ ಹೊಸ ಪ್ರಭೇದದ ವೈರಸ್ನಿಂದ ರಕ್ಷಣೆ ನೀಡುತ್ತದೆ ಎಂದು ತಿಳಿಸಿದೆ. ಇನ್ನು ಕೋವಿಡ್-19 ಪ್ರತಿಕಾಯ ಸಿದ್ಧಪಡಿಸಿರುವ ಅಮೆರಿಕಾದ ಔಷಧೀಯ ಕಂಪನಿ ಎಲಿ ಲಿಲ್ಲಿ, ಈಗಾಗಲೇ ಬ್ರಿಟನ್ನಲ್ಲಿ ಕಂಡುಬಂದಿರುವ ರೂಪಾಂತರಗೊಂಡ ವೈರಸ್ಅನ್ನು ಪರೀಕ್ಷಿಸಿದ್ದು, ತಾವು ತಯಾರಿಸಿರುವ 'ಬಮ್ಲಾನಿವಿಮಾಬ್' ಹೆಸರಿನ ಪ್ರತಿಕಾಯ ಇದರ ವಿರುದ್ಧ ಕಾರ್ಯನಿರ್ವಹಿಸಲಿದೆ ಎಂದಿದೆ.
ಔಷಧ ಕಂಪನಿಗಳು ಕೊರೊನಾ ವೈರಸ್ ರೂಪಾಂತರದ ಬಗ್ಗೆ ಚಿಂತೆ ಬೇಡ ಎಂದರೂ ಜನರು ಕೋವಿಡ್ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವುದು, ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳುವುದು ಅತ್ಯವಶ್ಯವಾಗಿದೆ.
