ಪಾಟ್ನಾ: ಕಳೆದ ಕೆಲವು ವರ್ಷಗಳಿಂದ ಬುಲೆಟ್ ಬೈಕ್ಗಳನ್ನು ಖರೀದಿಸುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಆದ್ರೆ, ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಯಿಂದ ಬುಲೆಟ್ ರೈಡ್ ದುಬಾರಿಯಾಗಿದೆ. 30 ಮೈಲೇಜ್ ನೀಡುವ ನಿಮ್ಮ ಬುಲೆಟ್ 80 ಮೈಲೇಜ್ ನೀಡಿದರೆ ಎಷ್ಟು ಅದ್ಭುತವಾಗಿರುತ್ತದೆ ಅಲ್ವಾ?. ಪಾಟ್ನಾದ ಮೆಕ್ಯಾನಿಕ್ ನಿಮ್ಮ ಈ ಆಸೆಯನ್ನು ಪೂರೈಸಬಲ್ಲರು. ಅವರ ಸಹಾಯದಿಂದ, ನಿಮ್ಮ ಬುಲೆಟ್ 1 ಲೀಟರ್ ಡೀಸೆಲ್‌ನಲ್ಲಿ 80 ಕಿ.ಮೀ ಮೈಲೇಜ್ ನೀಡುತ್ತದೆ.
1998ರ ಮಾದರಿಯ ಡೀಸೆಲ್ ಇಂಜಿನ್ ಬುಲೆಟ್ : ರಾಜಧಾನಿ ಪಾಟ್ನಾದ ಭಟ್ಟಾಚಾರ್ಯ ರಸ್ತೆಯಲ್ಲಿ ಮೆಕ್ಯಾನಿಕ್ ಆಗಿ 65 ವರ್ಷದ ಮೋಹನ್ ಕೆಲಸ ಮಾಡುತ್ತಿದ್ದಾರೆ. ಹಳೆಯ ಬುಲೆಟ್‌ಗಳನ್ನು ಮಾರ್ಪಡಿಸುವ ಮೂಲಕ ತಮ್ಮ ಕೌಶಲ್ಯದಿಂದ ಅಸಾಧ್ಯವಾದ ಕೆಲಸಗಳನ್ನು ಮಾಡುತ್ತಿದ್ದಾರೆ. ಅವರು 1998 ಮಾದರಿಯ ಡೀಸೆಲ್ ಎಂಜಿನ್ ಬುಲೆಟ್ನನ್ನು ಹೊಂದಿದ್ದು, ಇದು 1 ಲೀಟರ್ನಲ್ಲಿ 80 ಕಿ.ಮೀ ಮೈಲೇಜ್ ನೀಡುತ್ತದೆ.
ಮೋಹನ್ ಅವರು ಕಳೆದ 50 ವರ್ಷಗಳಿಂದ ಬುಲೆಟ್ ಮೆಕ್ಯಾನಿಕ್ ಆಗಿದ್ದಾರೆ. 15ನೇ ವಯಸ್ಸಿನಿಂದಲೇ ಅವರು ಬುಲೆಟ್ ಸರಿಪಡಿಸುವ ಕೆಲಸ ಮಾಡತೊಡಗಿದರು. ತನ್ನ ಹಳೆಯ ಬುಲೆಟ್ನನ್ನು ಮಾರ್ಪಡಿಸುವ ಮೂಲಕ, ಅವರು ಹೊಸ ಬಿಎಸ್ 5 ಬುಲೆಟ್ಗೆ 350 ಸಿಸಿ ನೋಟವನ್ನು ನೀಡಿದ್ದಾರೆ.
1 ಲೀಟರ್ ಡೀಸೆಲ್‌ನಲ್ಲಿ 80 ಕಿ.ಮೀ ಮೈಲೇಜ್ : ಎಲ್ಲಾ ಜನರು ಬುಲೆಟ್ಗೆ ಪೆಟ್ರೋಲ್ ಹಾಕುತ್ತಾರೆ. ಆದ್ರೆ, ಇವರ ಬುಲೆಟ್‌ನಲ್ಲಿ ಇರುವುದು ಮಾತ್ರ ಡೀಸೆಲ್. ಸಾಮಾನ್ಯವಾಗಿ ಬುಲೆಟ್ 30 ಮೈಲೇಜ್ ನೀಡುತ್ತದೆ. ಆದರೆ, ಡೀಸೆಲ್ ಎಂಜಿನ್ ಆಗಿರುವುದರಿಂದ ಈ ಬುಲೆಟ್ 1 ಲೀಟರ್ನಲ್ಲಿ 80 ಕಿ.ಮೀ ಮೈಲೇಜ್ ನೀಡುತ್ತದೆ. ಬುಲೆಟ್‌ನ ಟ್ಯಾಂಕ್ ಸಾಮರ್ಥ್ಯ 14 ಲೀಟರ್ ಆಗಿದ್ದು, ಒಮ್ಮೆ ಟ್ಯಾಂಕ್ ತುಂಬಿದರೆ 3 ತಿಂಗಳವರೆಗೆ ಪೆಟ್ರೋಲ್ ಬಂಕ್ಗೆ ಹೋಗುವ ಅಗತ್ಯವಿಲ್ಲ. ಡೀಸೆಲ್ ಎಂಜಿನ್ ಹೊಂದಿದ್ದರೂ ಈ ಬುಲೆಟ್ಗೆ ಹೊಸ ಲುಕ್ ನೀಡಿರುವುದು ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ.
ಇದನ್ನೂ ಓದಿ: ಶಾಕಿಂಗ್: ಯೂಟ್ಯೂಬ್‌ನಲ್ಲಿ ವಿಡಿಯೋ ನೋಡಿ ಗರ್ಭಪಾತ ಮಾಡಿಕೊಂಡ ಬಾಲಕಿ
ಕೈಯಲ್ಲಿ ಬುಲೆಟ್ ಟ್ಯಾಟೂ : ಮೋಹನ್ ಕಳೆದ 50 ವರ್ಷಗಳಿಂದ ಬುಲೆಟ್ ರಿಪೇರಿ ಮಾಡುತ್ತಿದ್ದಾರೆ. 1998ರ ಮಾಡೆಲ್ ಬುಲೆಟ್ ಕೂಡ ಓಡಿಸುತ್ತಿದ್ದಾರೆ. ಅವರ ಮಗ ಮಹತಾಬ್ ಕೈಮೇಲೆ ಬುಲೆಟ್ ಟ್ಯಾಟೂ ಕೂಡ ಹಾಕಿಸಿಕೊಂಡಿದ್ದಾರೆ.
