ಕೌಶಂಬಿ(ಉತ್ತರಪ್ರದೇಶ): ಭಕ್ತಿಯ ಪರಾಕಾಷ್ಠೆಯೋ, ಹುಚ್ಚುತನವೋ ತಿಳಿಯದು. ಭಕ್ತನೊಬ್ಬ ದೇವಿಗೆ ತನ್ನ ನಾಲಿಗೆಯನ್ನೇ ಕತ್ತರಿಸಿ ಅರ್ಪಿಸಿದ ಭೀಕರ ಘಟನೆ ಉತ್ತರಪ್ರದೇಶದಲ್ಲಿ ಶನಿವಾರ ಬೆಳಕಿಗೆ ಬಂದಿದೆ. ಬಳಿಕ ಅಧಿಕ ರಕ್ತಸ್ರಾವವಾಗಿ ಆತನ ಸ್ಥಿತಿ ಚಿಂತಾಜನಕವಾಗಿದೆ.
ಬ್ಲೇಡ್ನಿಂದ ನಾಲಿಗೆ ಕಟ್: ಇಲ್ಲಿನ ಶೀತಲ ಮಾತೆಯ ದೇಗುಲಕ್ಕೆ ಈ ಭಕ್ತ ಭೇಟಿ ನೀಡಿದ್ದ. ಪತ್ನಿಯೊಂದಿಗೆ ಗಂಗಾನದಿಯಲ್ಲಿ ಸ್ನಾನ ಮಾಡಿದ ಆತ ಬಳಿಕ ಮಾತೆಯ ದೇಗುಲಕ್ಕೆ ಪೂಜೆಗೆ ಬಂದಿದ್ದಾರೆ. ದೇವಸ್ಥಾನದ ಮೆಟ್ಟಿಲುಗಳನ್ನು ಹತ್ತುವಾಗ ನಮಸ್ಕರಿಸು ಎಂದು ಪತ್ನಿಗೆ ತಿಳಿಸಿದ್ದಾರೆ. ಪತ್ನಿ ಶಿರಬಾಗಿ ನಮಿಸುವಾಗ ಆತ ಇದ್ದಕ್ಕಿದ್ದಂತೆ ಬ್ಲೇಡ್ನಿಂದ ನಾಲಿಗೆಯನ್ನು ಕತ್ತರಿಸಿಕೊಂಡಿದ್ದಾನೆ.
ಭಕ್ತನ ಸ್ಥಿತಿ ಚಿಂತಾಜನಕ: ಪತಿಯ ಬಾಯಿಂದ ರಕ್ತ ಚಿಮ್ಮುತ್ತಿರುವುದನ್ನು ಕಂಡ ಪತ್ನಿ ಚಿಟಾರನೇ ಕಿರುಚಿದ್ದಾಳೆ. ತಕ್ಷಣವೇ ಅಲ್ಲಿದ್ದವರ ಸಹಾಯದಿಂದ ನಾಲಿಗೆ ಕತ್ತರಿಸಿಕೊಂಡ ಭಕ್ತವತ್ಸಲನನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ನಾಲಿಗೆ ಸಂಪೂರ್ಣವಾಗಿ ಕಟ್ ಆಗದ ಕಾರಣ ಅಧಿಕ ರಕ್ತಸ್ರಾವವಾಗಿದೆ. ಭಕ್ತನ ಆರೋಗ್ಯ ಸ್ಥಿತಿ ಚಿಂತಾಜನಕವಾಗಿದೆ. ಚಿಕಿತ್ಸೆ ಮುಂದುವರಿಸಲಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
ಓದಿ: ರಾಜಸ್ಥಾನದಲ್ಲಿ ರೈಲಿಗೆ ಸಿಲುಕಿ ಇಬ್ಬರು ತೃತೀಯ ಲಿಂಗಿಗಳ ದುರ್ಮರಣ
