ನವದೆಹಲಿ: ವೇರಿಯಂಟ್ ಪ್ರೂಫ್ SARS-CoV-2 ಲಸಿಕೆಯನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಇದಕ್ಕಾಗಿ ಭಾರತ್ ಬಯೋಟೆಕ್ ಮತ್ತು ಸಿಡ್ನಿ ವಿಶ್ವವಿದ್ಯಾಲಯದ ಸಹಯೋಗದೊಂದಿಗೆ ಎಪಿಡೆಮಿಕ್ ಪ್ರಿಪೇರ್ಡ್‌ನೆಸ್ ಇನ್ನೋವೇಶನ್ಸ್ (CEPI) ಧನಸಹಾಯದ ಎಕ್ಸೆಲ್‌ಜೀನ್ (ExcellGene) ಎಂಬ ಕಂಪನಿಯ ಲಸಿಕೆ ಮುಂದಾಗಿದೆ.
ಎಕ್ಸೆಲ್‌ಜೀನ್ ಖಾಸಗಿ ಕಂಪನಿಯಾಗಿದ್ದು, 2001ರಲ್ಲಿ ಸ್ಥಾಪನೆಯಾಗಿದೆ. ಜೈವಿಕ ಔಷಧೀಯ ಉದ್ಯಮದಲ್ಲಿ ಸಂಶೋಧನೆ, ಅಭಿವೃದ್ಧಿ ಮತ್ತು ಉತ್ಪಾದನೆಯಲ್ಲಿ ಈ ಕಂಪನಿ ತೊಡಗಿದೆ. ಭವಿಷ್ಯದ ಸಾಂಕ್ರಾಮಿಕ ರೋಗಗಳ ವಿರುದ್ಧ ಲಸಿಕೆಗಳನ್ನು ಅಭಿವೃದ್ಧಿಪಡಿಸಲೆಂದು ಎಪಿಡೆಮಿಕ್ ಪ್ರಿಪೇರ್ಡ್‌ನೆಸ್ ಇನ್ನೋವೇಶನ್ಸ್ (ಸಿಇಪಿಐ) ಸ್ಥಾಪಿಸಲಾಗಿದೆ.
ಇದು ಸಾರ್ವಜನಿಕ, ಖಾಸಗಿ, ಲೋಕೋಪಕಾರಿ ಮತ್ತು ನಾಗರಿಕ ಸಮಾಜ ಸಂಸ್ಥೆಗಳ ಜಾಗತಿಕ ಪಾಲುದಾರಿಕೆ ಸಂಸ್ಥೆಯಾಗಿದೆ. ಇದೇ ಸಂಸ್ಥೆಯಿಂದ ಅನುಮೋದಿಸಲಾದ ಧನಸಹಾಯದಲ್ಲಿ ಎಕ್ಸೆಲ್‌ಜೀನ್ ಕಂಪನಿಯು ತನ್ನ ಪಾತ್ರ ವರ್ಹಿಸುವ ಬಗ್ಗೆ ಪ್ರಕಟಿಸಿದೆ.
SARS-CoV-2 ಮತ್ತು ಇತರ ಬೀಟಾ ಕೊರೊನಾ ವೈರಸ್‌ಗಳ ವಿರುದ್ಧ ಹೆಚ್ಚು ಅಡ್ಡ ಪ್ರತಿಕ್ರಿಯಾತ್ಮಕ ರಕ್ಷಣೆಯನ್ನು ನೀಡುವ ಹೊಸ ಲಸಿಕೆಯ ಅಭಿವೃದ್ಧಿ ಪಡಿಸುವ ಪರಿಕಲ್ಪನೆಯನ್ನು ಎಕ್ಸೆಲ್‌ಜೀನ್ ಹೊಂದಿದೆ. ಚಿಕಿತ್ಸಕ ಅಥವಾ ರೋಗನಿರೋಧಕ ಅನ್ವಯಗಳಿಗಾಗಿ ಸಂಕೀರ್ಣ ಪ್ರೋಟೀನ್‌ಗಳ (DNA to product) ಅಭಿವೃದ್ಧಿ ಮತ್ತು ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿದೆ ಈ ಕಂಪನಿಯ ಇದೆ.
ಇದೀಗ ಭಾರತ್ ಬಯೋಟೆಕ್ ಮತ್ತು ಆಸ್ಟ್ರೇಲಿಯಾದ ಸಿಡ್ನಿ ವಿಶ್ವವಿದ್ಯಾಲಯದ ತಂಡದೊಂದಿಗೆ ಎಕ್ಸೆಲ್‌ಜೀನ್ ಹಿಂದಿನ ಮತ್ತು ಪ್ರಾಯಶಃ ಭವಿಷ್ಯದ ರೂಪಾಂತರ ತಳಿಗಳಿಗೆ ಹೆಚ್ಚು ಅಡ್ಡ ಪ್ರತಿಕ್ರಿಯಾತ್ಮಕ ಪ್ರತಿಜನಕ ರಚನೆಗಳನ್ನು ಗುರುತಿಸಲು ಚಿಮೆರಿಕ್ ಸ್ಪೈಕ್ ಪ್ರೋಟೀನ್‌ಗಳ ಅಭಿವೃದ್ಧಿಗೆ ಲೈಬ್ರರಿ ಸ್ಥಾಪಿಸುತ್ತಿದೆ.
ಮೊದಲ ಹಂತದ ಕ್ಲಿನಿಕಲ್ ಪ್ರಯೋಗಗಳಿಗಾಗಿ 'ವೇರಿಯಂಟ್-ಪ್ರೂಫ್' SARS-CoV-2 ಲಸಿಕೆಯನ್ನು ಅಭಿವೃದ್ಧಿಪಡಿಸಲು 19.3 ಮಿಲಿಯನ್ ಡಾಲರ್ನವರೆಗೂ ಹಣ ನೆರವನ್ನು ಒದಗಿಸುತ್ತದೆ. ಇದರಿಂದ ಮಾರ್ಚ್ನಲ್ಲಿ ವುಹಾನ್ ಟ್ರಿಮೆರಿಕ್ SARS-CoV-2 ಸ್ಪೈಕ್ ಪ್ರೋಟೀನ್‌ಗಳನ್ನು ಉತ್ಪಾದಿಸಲು ಪ್ರಾರಂಭಿಸಿತು. ತರುವಾಯ ಆಲ್ಫಾ, ಬೀಟಾ, ಡೆಲ್ಟಾ ಮತ್ತು ಇತ್ತೀಚೆಗೆ ಓಮಿಕ್ರಾನ್ ರೂಪಾಂತರಗಳಿಗೆ ಸ್ಪೈಕ್ ಪ್ರೋಟೀನ್‌ ಉತ್ಪಾದಿಸಲು ಪ್ರಾರಂಭಿಸಿದೆ.
ಇದನ್ನೂ ಓದಿ: ದೀರ್ಘ ಕಾಲದ ಕೋವಿಡ್; ಕೂದಲು ಉದುರುವಿಕೆ, ಕಡಿಮೆ ಕಾಮಾಸಕ್ತಿಗೂ ಕಾರಣವಾಗಲಿದೆಯಂತೆ!
